اهلا ازيكم انا بنت و وكنت بكلم ولد هو كويس جدا بصراحه وكده بعدت من فتره و قولت ربنا اهم منك وكدا انا عارفه انى غلطت لما كلمته ف الاول هو بيحبنى وانا بحبه اوى بس هو عنده ظروف صعبه جدا هى مش متعلقه بالمال ف م هيقدر يتقدم غير لما حياته تتحسن وكدا اى رأيكم ف انى اكلمه تانى بس بحدود الصحاب و الشرع ولا ابعد ؟
طيب احنا لو هنتكلم في الدين ف مينفعش لو هنتكلم خارج منظور الدين، انك تتكلمي معاه كصحاب، انتي هتعرفي تعملي التوزان ده؟ يعني انتي بتقولي انك بتحبي شخص، تمام. طيب العلاقة ديه اخرتها ايه برده؟ يعني هو عنده مشاكل ف ايه برده؟ انتي ايه اللي خلاكي تكوني واثقة انه فعلا هيتقدم ايه الضمان؟ انتي مينفعش تفضلي متعقلة كده بواحد هو اساسا مش عارف يحدد مصيره، ولو فضل معلقك بيه بالشكل ده وساكت يبقى هو بيضرك وبيفكر في نفسه بس، ده على اعتبار انه فعلا عنده ظروف! يعني مش بيتسلى مثلا؟ هروح معاكي للاخر .. على اعتبار انه كويس بس فيه حاجات منعاه حاليا، لو هو فعلا شخص ابن اصول هيقولك يا بنت الناس انا ظروفي واحد اتنين .. ف انا هنبعد لحد ما تتحسن، طيب هتتحسن امتي؟ ما انتي لازم تعرفي يعني هتفضلي كده؟ هيفضل معلقك معاه كام سنة مش عارفه الظروف ديه هتخلص امتى، ده برده على اعتبار انها ظروف فعلا. ف انتي علشان تعملي حدود وحماية لنفسك .. والله انت الظروف هتتحسن امتى؟ لازم تاخدي معاد. مفيش معاد يبقى الانسان ده ابعدي عنه. (علاقة فيها ريسك كبير وانتي مش هتعرفي تاخدي معاه حق ولا باطل). طيب لو اخدتي معاد .. تمام اقطعي معاه كلام لحد ما يجي المعاد .. المعاد ده مش بعد سنتين حضرته، ولا سنة .. شهر بالكتير .. اصل برده يعني العمر فيه كام شهر ولا شهرين .. افرض اتقدم حد ابن ناس ومحترم وكويس ... هتعلقي نفسك بحبال دايبة ولا هنفكر بالرحة كده ونشوف مصلحتنا كويس. علشان كده بنقول محدش يدخل في علاقة ويقعد بالسنة والاتنين في ناس بتوصل انها تقعد في علاقة اكتر من 10 سنيين وبعد كده .. (فركش) ف لأ خليكي في الطرق السليمة واتبعيها. انا ده كله بفترض معاكي حسن النية فيه. اتمنى اني اكون قدرت افيدك
تم النشر الخميس، ١٩ يناير ٢٠٢٣
مفيش تعامل اسمه فى نطاق الشرع للاسف ...فمش هنضحك عليكى ونقولك تمام. اذا فعلا حابه تساعديه...ممكن تشوفى حد من صحابه وتقوليله يقرب منه اكتر ويقدمله الدعم اللازم بس انتى الافضل والاصح متقربيش اكتر وان شاءالله يكتبلكم الخير ويقدر يتقدملك بالشكل الصح ...وربنا هيكرمكم طول ما انتوا واخدين السكه الصح باذن الله.
تم النشر الجمعة، ٢٠ يناير ٢٠٢٣
مفيش تعامل اسمه فى نطاق الشرع للاسف ...فمش هنضحك عليكى ونقولك تمام. اذا فعلا حابه تساعديه...ممكن تشوفى حد من صحابه وتقوليله يقرب منه اكتر ويقدمله الدعم اللازم بس انتى الافضل والاصح متقربيش اكتر وان شاءالله يكتبلكم الخير ويقدر يتقدملك بالشكل الصح ...وربنا هيكرمكم طول ما انتوا واخدين السكه الصح باذن الله.
تم النشر الجمعة، ٢٠ يناير ٢٠٢٣
ربنا يباركلك بجد انك قدرتي تحطي حد لنفسك وتشوفي ربنا قبل اي حاجه وتفكري انك مش هتعملي حاجه تغضبه بس فكري ف انه من ترك شيئ لله عوضه الله بأحسن منه ...العوض ده ممكن ف ان مشاكله تتحل ويجيلك يتقدملك او ان ربنا يهدي قلبك وتتحملي فتره لحد ميتقدملك .. واحب اقولك حاجه ان البنت الي بتخاف من ربنا وتوصلها انها تنهي علاقه الراجل بيشيلها جوه عينه وبيعرف هي قد ايه كويسه ومحترمه وتستحق كنوز الدنيا ....ومتخليش الشيطان يدخلك من مدخل الصحوبيه لانك عارفه انك بتحبي الشخص ده عمرك مهتعرفي تتعاملي معاه ع انه صاحب ف قاومي وابعدي واوعديه انك هتستنيه لو انتي فعلا واثقه فيه وف حبه ليكي او اديله مده تقدري تستنيه فيها لو مجاش ليكي بشكل رسمي متنتظريش حد
تم النشر الخميس، ١٩ يناير ٢٠٢٣
وقفي كلام واتفقي معاه انك الكلام يقف لحين ما الظروف تنتهي وينقدم بشكل رسمي
تم النشر الجمعة، ٢٠ يناير ٢٠٢٣
صحابك بس من الاخوات أما ولد ف هذا لا يجوز والله اعلم
تم النشر الخميس، ١٩ يناير ٢٠٢٣
لعرض السؤال في فدني اضغط هنا