اتشخصت ان عندي اضطراب مع بعد الصدمة، و انا عارفه ان من أعراضه نسيان اجزاء من الحدث.
بس انا بقيت انسي كتير اوي حاجات متعلقه بالحدث أو لا
يعني مبقتش قادرة افتكر هو توفي سنة كام او عدى قد ايه على وفاته
في ذكريات كتير انا مش فاكرها معاه مش قادرة افتكرها و ده مدايقني جدا جدا
كمان انا بقيت انسي في العادي امبارح كنت صورت صورتين في شارعين مختلفين بعدين و انا بقلب في صورة لما روحت البيت، لاقيت اول صورة و قعدت شوية عبقال ما افتكرت اني صورتها بعدين بقلب الصورة التانيه انا مش فاكرة خالص نهائي صورتها امتي و لحد دلوقتي و عماله اقول خدها في اني شارع دي و فين و مش قادرة افتكر خالص الموقف الي صورتها في لحد الآن بعدين ببص علي فرق توقيت بين صورتين لاقيتهم ٥ دقايق بس!
في ذكريات كتير من سنة اولي جامعة مش قادرة افتكرها او افتكر ايه الي حصل فيها، في مواقف بتحصل في يومي يقولوا لي انتي عملتي كذا كذا مفتكرش بردو
ممكن اكون بفكر في كذا حاجه في مخي و انسي فجأة انا بفكر في ايه و احاول افتكر مفتكرش، ممكن والدتي تطلب مني حاجة و اروح علشان اجبها و اروح مكان اعمل حاجات مختلفة خالص و ارجعلها تاني و لما تقولي طلبت منك كذا كذا مبكنش فاكرة انها قالتلي هاتي ايه
ممكن حد يقولي ده ايه؟ حاجة نفسية ولا صحية؟
كمان انا اتقلي قبل كده من أخصائية نفسية ان عندي اضطراب في الذاكرة نتيجة الصدمة او مش فاكرة المسمي بالظبط بس فيما معناه ان عندي لخبطة في ذكريات بس انا وقفت و مكملتش معاها علاج
هو ده طبعا محتاج استكمال علاج نفسى و الاستعانه ببعض الفيتامينات والتمرينات الخاصه بالذاكره نزلى برنامج الشعلة واظبطى الاعدادات ان تمارينك تكون عن الذاكرة لو التكلفة هى المشكلة زى ما ذكرتى فى احد التعليقات فيمكنك الاستعانه بالطرق المجانيه ، الاتصال على الخط الساخن للأمانة العامة للصحة النفسية «16328» مجانًا على مدار الـ 24 ساعة. وكذلك مؤسسة تداوي التواصل على واتس اب 01555121622 https://tadawyfoundation.com/
تم النشر الخميس، ٥ أكتوبر ٢٠٢٣
أسأل الله العظيم رب العرش العظيم ان يشفيك ،🤲 ولكن احب اقولك من المهم جدا انك تذهب الي دكتور مختص مهم جدا جدا واع تسيب نفسك كده وانا من الناس إلا بنسي الاسماء الأشخاص ولكن بدأت اركز عندي سؤالي لشخص عن اسمه اني اركز أني منساش اسمه وبدأت في حفظ القران وسبحان الله كان ليه اثر عجيب في نفسي وزيدة تركيزي. لا تقلق انت بخير وستتعافي ان شاء الله 🤍✨
تم النشر الخميس، ٥ أكتوبر ٢٠٢٣
اعملي مذكرة و اكتبي كل حاجه بتحصل ف يومك و دا اكيد هيساعدك على عدم النسيان
تم النشر الجمعة، ٦ أكتوبر ٢٠٢٣
ربنا يساعدك ويكتبلك الشفاء لكن لازم زياره دكتور مختص عشان يقدر يعرف تفاصيل اكتر عن الموضوع ويوصل معاكي لحل بإذن الله
تم النشر الجمعة، ٦ أكتوبر ٢٠٢٣
متركزش فى مشكلتك ايه... عيش عادى انا بنسى كتير جدا تفاصيل مهمه من زمان قبل وفاه امى ع الرغم انى روحت لدكتورة لايف كوتشنج وقتها لانى مكنتش حاسه انى كويسه... عيش عادى وانسى فكرة انك عندك مشكله صحيه او نفسيه .... غير نمط حياتك.... ابسط نفسك .... زور ناس بتحبهم.... اعمل ذكريات جديده ومتركزش انت فاكرها ولا ناسيها ... انت مش فى ايدك حاجه ... تقبل الوضع وعيش حياتك ......الله يرحم والدك ويرحم امى ويرحم امواتنا جميعا...
تم النشر الجمعة، ٦ أكتوبر ٢٠٢٣
طيب ليه مش متابعة مع الدكتور، ولا اتشخصتي وسبتي العلاج؟
تم النشر الخميس، ٥ أكتوبر ٢٠٢٣
طيب فيه حاجات ممكن تكون مجانا زي تداوي وزي الامانه النفسية - يمكنك الاتصال على الخط الساخن للأمانة العامة للصحة النفسية «16328» مجانًا على مدار الـ 24 ساعة. وكذلك مؤسسة تداوي بالتواصل على واتس اب 01555121622 - https://tadawyfoundation.com/
تم النشر الاثنين، ٩ أكتوبر ٢٠٢٣
الدكتورة الي كنت بتابع معاها بفلوس و فلوس السيشن غليت ف مبقتش اتابع معاها خصوصا اني كنت بتابع معاها اونلاين و مش معرفه حد من اهلي علشان مقلهمش
تم النشر الخميس، ٥ أكتوبر ٢٠٢٣
لعرض السؤال في فدني اضغط هنا