انا امي تعاملني معامله قاسيه وتفضل اختي المتزوجه علي وتضربني وتشتمني لحد الان وانا عمري 20 سنه وانا كرهت حياتي وكرهت هذه المعامله
و اصبر لحكم ربك و كن مع الصابرين و خليكي دايما فاكرة ان ربنا أعد للصابرين الذين اذا أصابتهم و قالوا إنّا لله و إنا إليه راجعون و لكن بقا أقولك على نصيحة جربيها و قولي لي النتيجة بصي.... شوف أختك اللي والدتك بتفضلك عنها بتعمل إيه مع ماما و اعملي زيها يمكن تكسبي رضا والدتك و تبطل تقسو عليكي وتذكري دائما أنه اذا ضاقت بكِ الأمور فصلي علي الحبيب و اذكري الله لأنه بذكرالله🤲 تطمئن القلوب 💖 و السلام عليكم و رحمة الله و بركاته
تم النشر السبت، ١ مارس ٢٠٢٥
السلام عليكم ورحمه الله وبركاته. حقك طبعا تضايقي من المعامله دي وعمري ما حيكون الاسلوب اللي فيه إهانه يخلي الانسان عنده قابليه للتعامل كويس خالص ولتقبل الاشخاص اللي حواليه بس خلينا نحط شويه تساؤلات الوضع المادي عند ماما أخباره ايه المسؤوليات اللي ماما شايلاها عامله ازاي هل اختك بتساعدها بشكل مختلف عنك؟ طيب اختك قبل ما تتجوز كانت مثلا هي اللي بتساعدها في البيت ممكن انت تكوني مش بتساعدي في البيت او مش شايله جزء من المسؤوليه معاها حتى وان كانت الامور اليوميه بتاعت بتاعت البيت التنظيف والاكل والامور الداخليه في البيت؟ طيب لما بيكون في حاجه هي محتاجاها بتساعديها فيها لوحدك ولا هي بتحتاج تطلب منك كثير؟ ممكن تكون الحاجات دي كلها والدتك بتعبر عنها للاسف بالشكل العنيف ده في ان هي بتتصرف بالطريقه دي فاحنا محتاجين نشوف الصوره شامله علشان نقدر فعلا نحط حلول للموضوع لو احنا مقصرين في حاجه فمحتاجين ان احنا نصلح علاقتنا بيها ونشوف التقصير ده ونظبطه طيب هي ممكن تكون بتفضل اختي او بتعمل اختي بطريقه افضل لان اختي ممكن تكون بتوفر لها حتى حاجه معنويه هي محتاجاها ممكن اكون انا بعمل لها كل حاجه لكن ببص لها دايما باللي هو يعني معنديش احترام او تقدير ليكي ده ممكن لوحده يخلي الام تنفجر غضبا وبالشكل العنيف ده ده طبعا مش صح هنرجع ثاني نقول ان ده مش صح لكن احنا بندور على الاسباب عشان نقدر نحل الموضوع.
تم النشر الاثنين، ٣ مارس ٢٠٢٥
عزيزتي، أشعر بمدى الألم الذي تعانين منه بسبب معاملة والدتك. من المؤلم أن تعاني الفتاة من قسوة في التعامل، خصوصًا من شخص يفترض به أن يكون مصدر الحب والدعم. أود أن أؤكد لك أن مشاعرك طبيعية وصحيحة، وليس من السهل العيش في بيئة مليئة بالتوتر والعدائية. من المهم أن تعرفي أنك تستحقين الاحترام والحب، بغض النظر عن ظروفك الحالية. يمكن أن تكون الخطوة الأولى في التعامل مع هذا الوضع هي أن تحاولي التواصل مع والدتك بطريقة هادئة وصادقة. إذا كان ذلك ممكنًا، حاولي أن تتحدثي معها عن مشاعرك من دون أن تشعري بالتهديد. يمكن أن يفتح الحوار بينكما باب الفهم والمودة. إذا استمر الوضع على ما هو عليه ولم يكن هناك تغيير، فقد يكون من المفيد أن تبحثي عن الدعم من أصدقاء موثوقين أو أفراد من العائلة الذين يمكن أن يساعدوك. قد يكون أيضًا من المفيد أن تبحثي عن مختص في الإرشاد النفسي للتحدث معه عن مشاعرك واستكشاف طرق للتعامل مع هذه الضغوط. تذكري، أوضاع الحياة تتغير، ونضوجك وقوتك ستساعدك على الخروج من هذه المرحلة. كوني دائمًا صادقة مع نفسك وابحثي عن الطرق التي تجعلك تشعرين بالراحة والطمأنينة.
تم النشر الجمعة، ٢٨ فبراير ٢٠٢٥
بصى اهم حاجه انك متغلطيش فيها لانك حتتحاسبى على كلامك معاها و فعلا مامتك ممكن تكون مفضله اختك عليكى بس صدقيني هى مش بتكرهك لان مفيش ام بتكره بنتها و حاولى تتكلمى معاها بس متحطيش امل فى الكلام معاها اوى و ادعى أن ربنا يهدى العلاقه ما بينك انتى و مامتك و ممكن تكون علاقتك انتى و مامتك و حشه و تاعبه نفسيتك بس دى ممكن تكون سبب دخولك الجنه لانك صبرتى
تم النشر السبت، ١ مارس ٢٠٢٥
مش مهم ليكي والله عظيم الثواب عند الله وبعدين في يوم هتفرقيها ويكون عندك عيلتك الجديدة ، معلش كله ثواب عند الله وإن شاء الله ربنا هيجازيك خير وعوض وهتلاقيه في ولادك إن شاء الله 💛🤲
تم النشر السبت، ١ مارس ٢٠٢٥
تعاملي مع امك تعامل رد الفعل الغير متوقع يعني مثلا امك قالت انك مش منظمة وغرفتك زبالة قوليلها حاضر هي فعلا زبالة وانا هقوم ارتبها حالا، انا شوفت ماما بتكنس لأ خدي منها المكنسة واكنسي يا فلانة هاتي كذا حاضر يا ست الكل يا فلانة اعملي كذا عينيا الإتنين بس كدا حبذا بقا لو راحت مشوار وجت شافتك منظمة البيت ومرتبة ومحضرة الأكل وكدا هو ده الكلام 🙂 هم دول حال الوالدين لما بيكبروا العصبية بتزيد شوية لازم نقدرهم ونهتم بيهم زي ما اهتموا بينا واحنا صغيرين وكمان يا اختي انت في سن العشرين يعني اواخر سن مراهقة ممكن تكون متعصبة منك الفترة اللي فاتت دي بسبب تصرفات المراهقة 😸 بس عادي بقينا عاقلين دلواتي، أعانك الله ووفقك وكل عام وانتم بخير.
تم النشر الجمعة، ٢٨ فبراير ٢٠٢٥
حاضر 🥹
تم النشر السبت، ١ مارس ٢٠٢٥
شكرا ليك وحاضر هعمل كدا بس هي مهما عملت بتقولي انتي مبتعمليش حاجه
تم النشر السبت، ١ مارس ٢٠٢٥
لعرض السؤال في فدني اضغط هنا