اريد علاج لنسيان الظلم من شخص مقرب ..رغم انفصالى عنه لا انسى

Question

قام احد الاشخاص المقرب جدا لي بظلمي وخيانتي وقد انفصلت عنة تمام ولكن هذا الظلم والجرح لا اقدر علي نسيانة مع العلم انة مر عدة اشهر علي ما حدث اريد طريقة لنسيان ما حدث لي

Accepted Answer

متنساش حقك عشان تفضل تدعى ربنا انه يردهولك المظلوم باذن الله دعوته مستجابه باذن الله لا تنسى حتى لا تقع فى نفس الخطأ لا تنسى حتى لا يأتى الظالم يوما ويتعامل كأان شيئا لم يكن الجرح كبير كلما كان من الاقربون ...فلا يختفى الالم سريعا ولا ينسى بسهوله . انت تحتاج ان تطمئن حالك بان الامر فى يد صاحب الامر كله بقول ( حسبى الله ونعم الوكيل ) انتظر رد الظلم فى الدنيا والاخره ...اذا كان هناك اى خطوة لاسترداد حقك افعلها ولا تتهاون لا تلوم نفسك لانك خدعت ...انت لست على شاكلته لكى تتخيل ان يخدعك القريب فكيف لك ان تستكشف الامر قبل حدوثه .

Answer

انت انسان مش روبوت ...!!! الانسان مش هينسى .. ولكن من الممكن أن يتخطى! ولكن هنا محتاجين نسأل كام سؤال ؟؟ هل تريد مسامحة هذا الشخص ام لا؟ من حقك انك متسامحش، مش معنى كده ان قلبك اسود بالعكس، لا يكلف الله نفسا الا وسعها. لو فيه مقدرتك انك تسامح سامح، لو لم يكن في مقدرتك ذلك خلاص متسامحش، وفوض امرك لله. وباذن الله تاكد ان ربنا لا يمكن ان يتجاهل ده ابدا. وحقك هيرجع هيرجع... اما بقى عن تخطى هذه المشكلة باعتبارها مشكلة نفسية وانا بقول هنا تخطى وليس نسيان، لان احنا مش بنسى شئ ولكن على الاقل بنتخطاه ! بانك تتقبل اللي حصل نفسه .. تراجع المشكلة من الاول. وتراجع كل الاسئلة اللي جواك .. من ضمن الاسئلة اللي ممكن تسالها لنفسك، انا عملت ايه علشان يحصل فيا كده؟؟؟ معملتش حاجه، احتمال كبير اوي تكون معملتش اي حاجه للشخص ده، بل انك كمان تكون عملت خير، بس هنا المشكلة مش بتبقى فيك انت شخصيا، هي المشكلة عند الشخص ده نفسه، انه شخص مؤذي، وخاين، وظالم. مش عندك انت بتاتا. والتجربة ديه تعلمك ... اكيد ده له حكمة عند ربنا سبحانه وتعالى .. شوف هل انت اخطأت في العلاقة ديه ولا لا؟ مثلا وثقت زيادة عن اللزوم؟ تغاضيت عن اشياء مكانش ينفع انك تعديها؟ دور هتلاقي .. بس لما تدور، اتقبل اللي حصل، وسامح نفسك، بل واتعلم من اخطائك .. علشان مفيش حد بيتعلم ببلاش. فيه ضريبة على كل شئ بنعمله. بالتوفيق في حياتك

اريد علاج لنسيان الظلم من شخص مقرب ..رغم انفصالى عنه لا انسى

نفسية

اجتماعية

علاقات

سؤال من احد أعضاء فدني

تم النشر الأحد، ٢٥ فبراير ٢٠٢٤

2 إجابة

26 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك