انا عندى مشكله اعتقد انها بسيطه هي انى دايما بفكر فى ان ممكن حد يقول عليه حاجه وحشه او مش فى محلها و ديما بخاف من النظرات الناس الغرب ببقى فى بالى انه بيقول حاجه عليه مع العلم انى معنديش تواصل مع شباب او اخطلاط و مبديش فرصه لحد اساسا انه يكلمنى و الحمد لله فى قدر من الادب و عرفه انه مش المفروض اساسا حد يقول عليه اي حاجه مازلت16سنه لم ألحق فعل شئ فى حياتى و الخلانى انى اسأل هل ده طبيعى او لا لانى مسحت كل تواصل الاجتماعى و مبزنلش حتى الاشياء المهمه خوف من نظره اي حد او تفكير حد فيه بطريقه مش حلوه لمجرد النظر لاي شخص و عدم ان ينظر لى
حاولي ماتشغليش نفسك بالتفكير دا خالص ..انت زيك زي باقي الناس ماحدش ليه أفضلية في انه يشوف نفسه احسن منك ..وانت مش لازم تسمحي لنفسك تكوني تحت حكم نظرة الناس ليك ..قولي لنفسك انا جميلة وذكية ومافيش حاجة هتأثر فيا بالسلب
تم النشر الاثنين، ٢ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة دا مجرد تفكير خاطئ ان يكون المحرك الأساسي ليا هو رأي الناس وان يكون نظرتي عن نفسي من غيري إرضاء الناس غايه لا تدرك ممكن نأصل الموضوع أي نرجع التفكير دا للأصل ان ربنا خلقنا لنعبده ولإعمار الأرض وكل إنسان ربنا خلقه له دور في حياته دوري علي دورك انتي وما عليكِ إلا السعي كلما قمتي بدورك زادت ثقتك في نفسك وقل تقييمك لرأي الناس فيكي
تم النشر الأحد، ١ أكتوبر ٢٠٢٣
اعتقد ان دا تفكير خاطئ ومش صح .. لان كلام الناس كتير والغيره ف الصحاب كتير وكل دا اللي حضرتك فهماه.. بس ليه ما انا عارفه ديني وعارفه حدودي واي حد بيتعامل معايا ليه حدوده ونا صح وربنا شايف اني مش بعمل حاجه غلط وكذلك اهلي ليه اخااف من كلام الناس مش فاهم يعني.. عامة اي حاجه نظرة الناس أو رأي الناس أو كلامهم حتي ترميه ف الزباله مادام انتي صح ومش بتعملي حاجه غلط خديها قاعده ف حياتك بجد هترتاحي . وربنا يوفقك
تم النشر الأحد، ١ أكتوبر ٢٠٢٣
هل اتعرضتي لحاجه زي كده من فترة؟ او بيتوجه ليكي انتقادات من الاهل او الصحاب؟ ليه يهمك اوي رأي الناس فيكي او نظراهم؟ ايه وجهة نظرك!
تم النشر السبت، ٣٠ سبتمبر ٢٠٢٣
لا حضرتك مفيش مشكلة بإذن الله وياريت حضرتك متشغليش بالك بأى حاجة زى كدا ولو حد اغتابك فلكى أجر بإذن الله
تم النشر السبت، ٣٠ سبتمبر ٢٠٢٣
لعرض السؤال في فدني اضغط هنا