محتاجه مساعده بخصوص الخسسان .
انا بقالي ٤ سنين تخينه واخر سنتين زدت وكل مره اعمل دايت واروح لدكتور بكتير شهرين و ارجع تاني كل حاجه بحطها قدامي من حوافز عشان اخس بس برضو بضعف مش عايشه حياتي ولا بخرج ولا بعرف البس استايلات مختلفه ولا بعمل اي حاجه رغم كل دا بضعف وبرجع اكل تاني واكتر من الاول مش عارفه اعمل ايه ياريت لو حد عنده حل يساعدني
أولاً، أحب أقول لك إن مش وحدك في اللي بتعاني منه، وده شيء طبيعي يحصل مع كتير من الناس. الموضوع مش بس خسارة وزن، لكن كمان محتاجين شوية تغيير في التفكير والسلوك. اختاري هدف صغير: بدل ما تفكري في إنك تخسي 20 كيلو أو كده، ابدأي بهدف صغير. حتى لو 1-2 كيلو في الشهر، ده هيكون حافز ليكي. تابعي مشاعرك: حاولي تسجلي مشاعرك في يوميات. اكتبي لما تحسين بالجوع، أو لما تلاقي نفسك عايزة تأكلي حاجة معينة. هتكتشفي إن بعض الأوقات يكون السبب مجرد ملل أو توتر. اجعلي الأكل متعة: جربي تطبخي أكلات صحية بنفسك، وتعلمي وصفات جديدة. كده هتحسي إن الأكل مش مجرد سعرات حرارية. حركة بسيطة: لو صعب عليكي تذهبي للجيم، جربي تمشي في الحديقة، أو حتى في الشارع. لو مش قادرة تخرجي، حاولي تشتغلي في البيت، زي الرقص أو التمارين على يوتيوب. اشتركي في مجموعات: انضمي لمجموعة ناس بتحاول تخس أو تتبنى نمط حياة صحي. دعم الآخرين مهم، وكمان بيديك حافز. كوني لطيفة مع نفسك: متحمليش نفسك فوق طاقتها. كلنا بنغلط، وده جزء من التعلم. استشيري مختص نفسي: لو حسيت إن الموضوع أكبر من مجرد نظام غذائي، يمكن يكون مفيد إن تتحدثي مع مدرب حياة أو معالج نفسي. أتمنى لك كل النجاح في رحلتك، وافتكري إن التغيير بياخد وقت وصبر، لكن النتيجة هتكون حلوة! 🥰
تم النشر الأحد، ٢٨ يوليو ٢٠٢٤
ازيك يا جميله ♥️ المشكله الي بتعاني منها مشكله ناس كتير جدا. بس عشان تتخلصي منها لازم تحطي ايدك عالمشكله الاول. ١- لو كان النظام الغذائي الي ماشيه عليه في حرمان من انواع كتير من الاكل ، لازم يتغير وتضمني انك بتاخدي سعراتك كامله وبتاكلي من كل انواع الاكل بكميات محسوبه بدون ما تقطعي عيش ورز وفاكهه والكلام ده ٢- هتحتاجي تاخدي فيتامينات وحديد وفيتامين د لان نقص الحاجات دي هيقلل الحرق وهيقلل نزول الوزن ٣- عشان متضعفيش وتسيبي الدايت لازم تعرفي حاجة مهمه جدا ان نفيش حد بيلتزم بنسبه ١٠٠ في الميه حتى دكتور التغذيه نفسه 😅 ،، كلنا بنقع وتقوم الفكره كلها انك تلحقي نفسك بمعنى كلي من اكل بيتك عادي خالص ومتكلفيش نفسك بس قللي الكميات وغيري طريقة الطبخ وقنني الكميات، طب حصل في يوم انك لخبطتي سولء كنتي زهقانه او عندك البريود او عندك عزومه .. خلاص اللي حصل حصل انسيه وكملي من تاني يوم . وكأن شيئا لم يكن ٤- امشي بطريقة ٨٠ -٢٠ ٨٠ في الميه مضبوط وميه ميه وصحي و٢٠ في الميه حاجة مش صحيه وبتحبيها بس تكون مره في الاسبوع وكدا مش هتحسي بالحرمان بلس انك ممكن اصلا تعملي كل الاكل اللي بتحبيه بطريقة حلوه وصحيه لو دورتي على وصفات هتلاقي حاجات متخطرش على بالك ٥- اهتمي بلعب الرياضه .. نصيحة مني الرياضة عامله زي السحر حرفيا .. بتمسح كل حاجة وحشه بناكلها 😅، وهتسرع نزول الوزن جدا وهتعلي الحرق ده غير انها بترفع هرمون السعاده وهتخلي جسمك مشدود وحلو وهترود ثقتك بنفسك ٦- اخر حاجة واهم حاجة لو مش قادره تاخدي الخطوات دي لوحدك استعيني بحد متخصص يكون فاهم حالتك سواء دكتور تغذيه او هيلث كوتش بس يكون دكتور تغذيه بردو . ولو احتجتي مساعده او سؤال تحت امرك
تم النشر السبت، ٣ أغسطس ٢٠٢٤
لازم اول حاجه يكون عندك عزيمه انك تخسي و بعدين تتابعي مع الدكتور كويس و تنزلي الجيم و كدا و اختاري رياضه انت بتحبي تعمليها علشان تنتظمي عليها ركوب العجل مثلا او نط الحبل أو الجري و بس كدا و اتاكدي انك قمر و حلوه في كل حالاتك و مش رقم على ميزان ولا تيشيرت اللي هيحدد جمالك
تم النشر الأربعاء، ٣١ يوليو ٢٠٢٤
اعملي سيرش عن جوع او الاكل العاطفي ممكن تلاقي فيديوهات تساعدك ،او حاولي تتابعي مع دكتور تغذية يكون شاطر
تم النشر الأربعاء، ٣١ يوليو ٢٠٢٤
يمكنني إفادتك جدًا إن شاء الله، لكن أخبريني ما هي الأشياء التي بسببها تفقدين سيطرتك وتحكمك؟ وما هو وزنك الحالي وطولك ولو بالتقريب، وما هو معدل نشاطك اليومي؟ وهل تتناولين أي أدوية حاليًا؟
تم النشر الاثنين، ٢٩ يوليو ٢٠٢٤
كبتن حسين اشتراكه 250تلات شهور
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا