انا بصراحة عندي مشكلة في ثقة بالنفس من وانا صغيرة مشكلة دي مش نابعة مني انا خالص دي كانت بسبب أهلي مع أن انا كنت بنت شاطرة اوي وذكية ومدرسين كلهم بيحبوا شاطرتي بس كان بيتقلي كلام سلبي كتير على شكلي وأتقارن بأقرب صاحبة ليا والصاحبة الوحيدة الي ليا في طفولتي وكان يتقال قدامي ان هي احلى مني مع أن بجد عمري ما فهمت يعني ايه نقارن بعض بأشكال بعض ما ربنا خلقنا مش شبه بعض اصلا ف ازاي نقارن بعض بأشكالنا!..بس كان بيتقالي كلام سلبي كتير اوي عن شكلي سواء بشكل مباشر او لا لحد ما وصل معايا لدرجة أن لما يبقا في أطفال بيلعبوا مكنتش ارضى أروح ألعب معاهم و اعمل نفسي تعبانة او عايزه انام او اي حجة علشان متقارنش بيهم و كان يتقالي انتي كسولية اوي انتي نكدية اوي وكلام ده وكنت بكره شكلي جدا وبكره شعري و لبسي وكل اللبس شايفاه وحش عليا وكان بيتقالي اني سمرة وطويلة عن سني ومناخيري كبيرة وحاجات كلها مينفعش تتقال لطفلة ساعتها ولما كنت أحب نفسي وساعات أعمل تسريحة جديدة او حاجه يتقالي شايفة نفسك على ايه او ايه الي انتي عاملاه في نفسك ده
بس لما كبرت وبقيت في أعدادي بقا عندي صحاب أكتر وبقا عندي ثقة اكتر في نفسي الحمدلله
لكن دلوقتي انا في جامعة ومشكلة ثقة دي حليتها من زمان مع نفسي لدرجة انه بيتقالي احنا عجبنا ثقتك في نفسك وشخصيتك
بس بيجي عليا وقت زي دلوقتي ان انا مخنوقة ومش حابة شكلي ولا نفسي وحاسه ان ناس بتحطني قي مقارنات انا مش عايزه اتحط فيها! ليه إنسان ممكن يتقارن بإنسان تاني اصلا احنا مش زي بعض بجد..
ليه ناس بتحب تقارن كل حاجه ببعضها علشان تتطلع حلو و وحش ليه لازم يبقا في جنب وحش ومطلوب منه انه يبقا زي الجنب الاحلى!
ليه الناس اصلا تقعد تقولي اتخني وانتي رفعتي وانتي سمريتي لا انتي وشك اتملى حبوب ليه ما الي الي يحصل في شكلي يحصل هما مالهم
ليه يقعدوا يعلقوا على كل حاجه وحشة بس ليه مش بيقولوا الحاجات حلوة تانية؟!
ليه صاحبتي كل لما تشوفني لازم تقعد تقولي اتخني انتي خسيتي خالص وبحس أن هي بتستمد طاقة جمالها من ان هي تحسسني اني وحشة اوي سواء في شكلي او لبسي لدرجة أن بجد لما كل ما بقابلها بشوف شكلي بشع بسبب كلامها وطريقتها معايا وتقليلها مني
ليه يتقالي من أقرب الناس ليا "العريس ده اتقدملك ليه ساب بنات جامعة دي كلها و اتقدملك ليه اشمعني انتي ؟" ليه أتشاف وحشة اوي كده اصلا انا والله ما شايفة حد وحش اوي كده واكتشفت ان عمري ما قارنت حد بحد وعمري ما قارنت نفسي بأني احلى من بنت ولا أوحش ما كلنا حلويين يا جماعة وكلنا خلقة ربنا
من امتى الناس بقت مريضة للدرجة دي؟ ومن امتى المظاهر غلبت على العالم كله كده؟ لدرجة أن قيمة الإنسان بتتحط من شكله الي هي خلقة ربنا اصلا ملهوش يد فيها؟
مش مسامحة اي حد قالي كلمة جرحتني و لو بهزار وبجد حسبي الله ونعم الوكيل في اي حد بيتعمد يهد ثقة الي قدامه في نفسه
إبعدي عن أي شخص سلبي بينتقد أو بيقارن وحاولي تقربي من ناس إيجابية زيك، كلنا بيمر علينا أوقات عدم ثقه في نفسنا ودا بسبب إننا بنستسلم للأفكار السلبية ( اللي من ضمنها كلام بعض الناس الغير سوية اللي هدفهم يرفعوا ثقتهم بنفسهم عبر إنهم يقولوا كلام جارح للي قدامهم ) إنتِ وصفتي زميلتك دي صح لما قلتي إنها بتستمد طاقة جمالها من إنها تحسس اللي حواليها إنهم أقل منها أو إن فيهم عيوب .. شيلي الأفكار دي من دماغك وإتأكدي إن اللي بيقولك إتخني ممكن من جواها تكون بتتمنى توصل لجسمك واللي بتقولك إزاي العريس إتقدملك دي متغاظه إنه متقدملهاش هي والغل ظاهر في عيونها .. نصيحتي ليكي مهما سمعتي كلام سلبي شيليه من دماغك ومتفكريش فيه نهائي ولا كإنك سمعتيه إنتِ الحمدلله كبرتي ومش زي زمان أيام إعدادي كنتِ بتصدقي كلامهم أو بتفكري إنهم بيقولوا كدا عشان دي حقايق .. إنتِ كبرتي وعرفتي إن في مرضى نفسيين بيتلذذوا في إنهم يجرحوا اللي قدامهم بكلامهم عشان يعوضوا النقص اللي حاسين بيه.. والحمدلله إنك الطرف المجروح وليس الجارح لأنهم هيندموا جدا بعدين بعد ما يتعالجوا أو يجربوا الإحساس على كل كلمه سلبيه قالوها وهيعانوا من تأنيب الضمير دا غير الذنوب الكتير اللي أخدوها الكلمه الطيبة صدقة..
تم النشر الثلاثاء، ١٤ مايو ٢٠٢٤
علاقه بالبيئه المحيطه فالناس بيبقى بتعمل كده غلط واحنا كل اللي احنا محتاجين نعمله ان احنا نتعلم نتعامل مع الكلام ده نتعامل مع الكلام ده ازاي لما الاقي حد كده يعني اقصد حاجه انا اشفق عليها وشوفي انت قد ايه جميله ومن التجربه بتاعتك ما حبيتيش انك تكرريها وتعملي ده في حد اللي انت بتعمليه مش ناس كتير بتعمله ومش ناس كثير عندها درجه الوعي اللي تخليهم يعملوا كده فهنضيف خروج نفسك قوي قوي قوي قوي ولما تبصي لحد مش عارف يعمل كده زيك تطبعي عليه بافعالك كده وانصحيه نصيحه بسيطه ان خلي بالك علشان اللي انت بتعمله ده من غير قصد بياذي ناس حواليك
تم النشر الأربعاء، ١٥ مايو ٢٠٢٤
أنتِ إنسانة جميلة وذكية وذات قيمة عالية، بغض النظر عن مظهركِ أو مقارنتكِ بالآخرين. يلجأ الناس إلى الكلام المؤذي لأسباب مختلفة، منها: الغضب: عندما يشعر الناس بالغضب، قد يلجؤون إلى الكلام المؤذي كطريقة للتعبير عن مشاعرهم السلبية. الإحباط: قد يلجأ بعض الأشخاص إلى الكلام المؤذي عندما يشعرون بالإحباط أو عدم القدرة على التحكم في حياتهم. الشعور بالدونية: قد يلجأ بعض الأشخاص إلى الكلام المؤذي للآخرين كطريقة للشعور بالتفوق عليهم وتعويض شعورهم بالدونية. الاهتمام: قد يلجأ بعض الأشخاص إلى الكلام المؤذي لجذب انتباه الآخرين، حتى لو كان ذلك بطريقة سلبية. الجهل: قد لا يدرك بعض الأشخاص مدى تأثير كلامهم على الآخرين، وبالتالي قد يلجؤون إلى الكلام المؤذي دون قصد. الاضطرابات النفسية: قد يكون الكلام المؤذي أحد أعراض بعض الاضطرابات النفسية، مثل اضطراب الشخصية النرجسية أو اضطراب الشخصية الحدية. من المهم أن تذكري أنك لست مسؤوله عن كلام الآخرين، وأنك لست ملزمه بقبول النقد الذي لا يتوافق مع قيمك. حددي حدودك: حددي ما هو مقبول بالنسبة لك وما هو غير مقبول وأخبري الأشخاص الذين ينتقدونك أن كلامهم مؤذي وأنك لا تقبلينه. لا تأخذي الأمور على محمل شخصي: تذكري أن كلام الآخرين يعكس مشاعرهم وأفكارهم، ولا يصفك أنت. ركزي على إيجابياتك: تذكري نقاط قوتك وإنجازاتك، ولا تدع النقد يطغى على إيجابيات حياتك. مارسي العناية الذاتية: اهتمي بنفسك جسدياً وعقلياً وعاطفياً. مارس الرياضة بانتظام، وتناول طعامًا صحيًا، واحصلي على قسط كافٍ من النوم. تذكر أنك لست وحدك: يتعرض الجميع للنقد في مرحلة ما من حياتهم. تعلمي من تجارب الآخرين، ولا تدعي النقد يمنعك من تحقيق أهدافك. من المهم أيضًا أن تتعلم كيفية الرد على النقد بطريقة إيجابية. إليك بعض النصائح: اشكري الشخص على ملاحظاته. اطرحي أسئلة توضيحية لفهم وجهة نظره بشكل أفضل. عبري عن وجهة نظرك باحترام. حددي ما إذا كنت ستتخذ إجراءً بناءً على ملاحظاته. لا تدخلي في جدال أو محاولة إقناع الشخص بتغيير رأيه. تذكر أنك لست مضطرة للرد على كل نقد تتلقاه. من المهم أن تختاري معاركك بعناية وأن تركز طاقتك على الأشياء التي تهمك حقًا.
تم النشر الأربعاء، ١٥ مايو ٢٠٢٤
لعرض السؤال في فدني اضغط هنا