دايما بسمع في المسلسلات ان كل شخص يستحق الحب بس دايما بفكر اذاي طب و المجرمين و القتلة اذاي يتحبوا و بفكر ان مش كل الأشخاص تستحق الحب بس في نفس الوقت بفكر ان ممكن فعلا ان كل شخص يستحق الحب و اذاي اعرف ان الشخص ده يستحق يتحب او لا . ..هل أفعال الشخص الخيرة هي السبب في انه يتحب و لا الشخص بيتحب علشان ذاته و شخصيته.....ممكن يكون كلام غبي للبعض بس دايما بفكر في الموضوع ده و لو لقيتله اجابة و لو بسيطه هيكون شيء حلو
كل طفل يستحق الحب، ولو حصل كل طفل على الحب الذي يستحق لاختفى ما لا يقل عن 50% من كل هؤلاء المجرمين والقتلة ومن نحن حتى نقول أن ليس كل البشر يستحقوا الحب والله العزيز الكريم العفو الغفور غفر لقاتل المئة نفس؟
تم النشر الاثنين، ٢٩ مايو ٢٠٢٣
احنا نسأل السؤال بشكل تانى ....وليه الشخص ممكن ميستاهلش الحب .( عشان بيغلط ..عشان غبي ...عشان مؤذى ) ؟ تعرفى بقي ان اكبر اثبات ان الناس الوحشة دى اصلا لو كانت اتحبت صح وحد عمل عشانهم بجد وحبهم حقيقي مكانوش وصلوا للدرجة دى او على الاقل كانوا لقوا فرصة يوقفوا الفعل الغلط. كل انسان هو مخلوق ...اذا كان الخالق بيحبنا بدون شروط ...كده وبس لمجرد ان احنا مخلوقاته ...وحتى لو غلطنا ...لسه بيحبنا . احنا اللى بنتعامل مع التشوهات اللى فى البشر على انها خلاص حكم نهائى عليهم بانهم مفيهومش جزء كويس . احنا ما علينا الحكم لاننا مستحيل نشوف كل اللى جوه البنى ادم . عملا بالاصح احنا نكره من الشخص الفعل الغلط ولكن لا نكرهه هو https://www.alathar.net/home/esound/index.php?op=codevi&coid=116216
تم النشر الثلاثاء، ٢٣ مايو ٢٠٢٣
مش شرط لما تحب حد ان الناس كلها تبقي بتحبه انت ممكن تشوف شخص سئ جدا و تبقي مش طايقه و حد تاني يشوفه كويس و يحبه عادي ازاي تعرف هل يستحق الحب او لاء؟ لما تلاقيه بيقدملك كل شئ يقدر عليه من غير مقابل لمجرد انه يسعدك اما عن السبب في انه يتحب ف مش شرط بسبب افعاله او شخصيته حتي هو ممكن يبقي سئ جدا و افعاله بتضايقك بس مع ذلك بتحبه و من غير سبب عموما هو مش كلام غبي ولا حاجه بس هي اسئلة وجودية شوية كل واحد هيجاوب عليها بطريقة مختلفة عن التاني و مفيش اجابة نقدر نقول عليها صح او غلط بس بالنسبالي الشخص الي يستحق الحب هو الي يحاول يقدم كل حاجة يقدر عليها عشان يسعدك من غير ما مقابل
تم النشر الاثنين، ٢٢ مايو ٢٠٢٣
لا مش كله يستحق الحب
تم النشر الثلاثاء، ٢٣ مايو ٢٠٢٣
بصي احنا بشر عندنا مشاعر وبنحس اه افعال الناس ممكن تكون علامه علشان تحكمي ايذا كان كويس ولا لا بس متنسيش ان في ناس وحشه جدا ومجرمين وسوابق بس ممكن يكون مظلوم عادي وممكن ميكنش مظلوم وياما ناس وحشه ربنا بيصلح حلها وبتعمل حجات كويس فالمقصود من كلامي ان الحكم علي الناس مش بلمظهر ولا من افعالو الحكم بيكون في الغالب بلمعشره يعني عاشرتي البنت دي مثلا ولقتيها محترمه واهلها محترمين وهي ممكن تكون محترمه واهلها مش زيها عادي بتحصل بس طبعا من هنروح نعاشر كل الناس ونتكلم معاها علشان نعرف نحبهم ولا لا بس ممكن نتكلم مع الاحنا عايزن نشوفو خفيف كده ولو ارتحنالو يبقي تمام مرتحناش يبقي ممكن ميكون مناسب لينا بس ده مش معناه انو وحش ممكن يكون كويس بنسبه لحد تاني فانا قصدي ان احنا بنحكم لنغسنا مش للناس
تم النشر الاثنين، ٢٢ مايو ٢٠٢٣
لعرض السؤال في فدني اضغط هنا