السلام عليكم ورحمه الله وبركاته
اخواتي في الله
انا متزوج بقالي ٤ سنين
وعندي طفل وزوجتي عنيده وعصبيه ودايما في اي نقاش او مشكله صوتها يعلي واسلوبها بيبقي وحش جدا
وانا بحاول اتحكم ف اعصابي ومبرضاش امد ايدي عليها
وانا اصلا مبحبش وجع الدماغ والمشاكل ورافض تماما لفكره الطلاق وابني سبب كفيل اني ارفض الطلاق
ممكن حد يفيدني..
انا بس هحاول افيدك بطريقه ما الله اعلم هتنفع ولا لأ لانى عصبيه جدا وصوتى بيعلى ف النقاش او اى موقف مستفز بيحصل ادامى ،، العصبيه والصوت العالى ما هو الا تغطيه على ضعف هى مش عايزه تبينو او فى ضغط او تراكم لحاجه منك او من اى حد عمتا مبتبقاش معتمده ع الموقف اللى بيحصل بس لا . صدقنى مجرد ما الست بتلاقى احتواء لعصبيتها بتهدا وهتعرف اى السبب ف العصبيه دى بلص هى مش حاجه حلوه طبعا بس احتواء المراه هيخليك تصلح اى عيب فيها ف انا بقترح ان يوم اجازتك واجازتها تطلبو اكل من برا او تاخدها وتطلعو تتغدو برا مثلا وضحك وتهزر معاها وتقولها اد اى انت بتحبها وكدا وبعدين تقولها انك بتزعل جدا لما هى بتتعصب ف النقاش وان نفسك يبقا النقاش بهدوء بينكم وتقول الكللم بوش مبتسم وبشوش وبعدين تقولها هو انا ممكن اسالك سؤال ، انتى لى بتتعصبى اوى كدا او بتعلى صوتك ده غلط عليكى وعلى نفسيتك فهى هتبدا تجاوب وانت هتكون عرفت سبب المشكله وهتحاول تخليها تتفق معاك ع انها متتعصبش وكدا وصدقنى لو الموضوع اتحل بكل اريحيه كدا هى هتحاول تتحكم ف نفسها قدر الامكان يارب اكون قدرت افيدك
تم النشر الأربعاء، ١٨ يناير ٢٠٢٣
حضرتك محتاج توضح تفاصيل اكتر هل هي عصبية من اول الزواج ولا بدأت تبقى كده بعد ما ربنا رزقكم بالطفل ولا امتى تحديدا معظم عصبية المرأة في النقاش مش بتكون من الموقف نفسه اد ما بتكون ضغط كبير عليها في جوانب تانيه كتير ومش عارفه تعبر عنه ازاي او ان حضرتك مش مديها فرصه تعبر عنه فبيطلع على شكل عصبيه او انفجار في الوقت الغير مناسب .. وارد جدا تكون مضغوطة من مسؤوليات الطفل ومش بتاخد قدر كافي من النوم او الراحه الجسديه وحضرتك ممكن تكون مش مديها احساس التقدير للانهاك ال هي فيه او ممكن تكون محتاجه مساعده ومش عارفه تطلب او مش قادرة تطلب او طلبت وحضرتك خذلتها كل الاحتمالات واردة لان حضرتك مش محدد تفاصيل كثيرة في السؤال على اي حال مشكله بسيطه وليها حل بسيط برضه الحمد لله ولا تستدعي الطلاق اطلاقا .ربنا يؤلف بينكم ويبارك لكم في الطفل وفي حياتكم
تم النشر الثلاثاء، ١٧ يناير ٢٠٢٣
لازم تتعامل معاها بسياسه شويه عشان ده سلوك ينفع يتعدل معاها وده عن طريق انه اول متبدأ هي تتعصب اطلب منها تكون هاديه ولو مش هتتناقش بهدوء نأجلها لوقت تاني استمرت استأذنها انك عندك حاجه مهمه هتعملها ولما ترجع تكون هديت نتكلم ونفس النظام على صوتها العالي اول ميبدأ يعلى اطلب منها بكل هدوء عن اذنك وطي صوتك انا بالفعل سامعك بالتنبيه كل شويه توطيه هتوطيه ولو صوتها ف العادي عالي اطلب منها توطيه لانها اول مبتنفعل فعليا لا ارادي بيعلى منها ده في حاله فعلا ان مفيش مشاكل غير الحاجتين دول ومفيش اي مشكله اساسا تستدعي لمد الايد وربنا يهدي الحال
تم النشر الأربعاء، ١٨ يناير ٢٠٢٣
العصبيه دى لو مش حاجة اساسية فى شخصيتها من قبل الجواز فاحنا محتاجين اسئلة كتيير تحدد بيها انت ممكن تعمل ايه وابسط حاجة شوف انت بتتعامل مع العصبيه ازاى وهل بتسألها عن احتياجها فى وقت الغضب وايه اللى يهديها ولا مفكرتش تسألها قبل كده
تم النشر الأربعاء، ١٨ يناير ٢٠٢٣
ابتديت تلاحظ السلوك ده عليها من امتى؟ يعني قبل الزواج، ولا بعد الخلفة، ولا قبل الخلفة؟
تم النشر الثلاثاء، ١٧ يناير ٢٠٢٣
لعرض السؤال في فدني اضغط هنا