انا طالبة 3ث السنادي عمري ما كنت متعوده ع المذاكره والموضوع تاعبني جدا دلوقتي عايزه اذاكر بس مش عارفه اقعد ع الكتاب دقيقتين ع بعض نفسي ادخل طب اوى اهلي حاطين حمل كبير عليا وانا اتخنقت وزهقت والله ومش عارفة اعمل اى وراكمت كتير اوى وتعبت بجد
نظمي وقتك والحاجة اللي بتشغلك سبيها ولو بتتقفل اقفليها وافتحي الكتاب ولما ماتلاقيش حاجة تشغلك والكتاب قدامك هتذاكري. انا فاكرة ان في تالتة ثانوي اديت ماما تليفوني تخبيه وكنت باخد تليفونها هي في الدروس عشان مايشغلنيش. حاجة روحانية هتساعدك برده.. لما تلاقي نفسك مستصعبة حاجة او مش قادرة تذاكري صلي ركعتين لله هتلاقي الحاجة دي بقت سهلة بإذن الله. وفي الآخر دخلتي طب أو كلية تانية ربنا هيجعل لك فيها الخير لإنك سعيتي وبالتوفيق.
تم النشر السبت، ٢٨ سبتمبر ٢٠٢٤
السلام عليكم، أولًا ممكن الاختناق وعدم الرغبة في المذاكرة أصلًا بسبب الضغط والإحساس بالمسؤولية وإن أهلك واضعين أملهم في دخولك طب. فأهم حاجة لازم تعمليها إنك تنسي نتيجة الامتحانات وموضوع الكلية ده خالص وتركزي في الوضع الحالي واللي مطلوب منك حاليًا. التوتر والخوف وكل الضغط ده مش هينفعك وهيأخرك وبسببه ممكن متقدريش تفتحي أي كتاب. ثانيًا، ابدأي من النهاردة، لا تنتظري إنك تتعودي على المذاكرة وتحبيها. قليل اللي بيحبوا المذاكرة أساسًا، وعقلنا عامة بيكره الشعور بالضغط وإن فيه مسؤولية ومهام مطلوبة منه فبيدفعنا للتسويف. فالشغف وحب المذاكرة غير مطلوب... المطلوب منك برمجة عقلك ومخادعته بطريقة ما بحيث يقوم بالمهام المطلوبة منه من غير ما يحس بالضغط. ثالثًا، ابدأي بخطوات قليلة أفضل بكتير من إنك تفضلي في مكانك. الوقت كده كده بيمر، والمواد هتفضل تتراكم عليكِ، مش هتروح في حتة ومش هتختفي لمجرد إنك مخنوقة ومتضايقة. هتفضل مسؤولية وحمل قُدامك وطول ما انتي مش بتاخدي خطوة ولو بسيطة هيفضل الجبل على كتافك. رابعًا، مش مطلوب منك أبدًا تذاكري بالطريقة التقليدية وتقولي هقعد كم ساعة أذاكر المادة الفلانية، فيه طرق ذكية للمذاكرة بتخليكِ تذاكري أكبر قدر في أقل وقت وبأكبر تركيز. ممكن تشوفي الفيديو ده لأحمد أبو زيد وإن شاء الله يفيدكِ تعملي خطة تناسبك انتِ. وممكن تبحثي على يوتيوب، اكتبي (ذاكر أقل ذاكر بذكاء) هتلاقي فيديوهات تانية. ومتقلقيش إن شاء الله هتلحقي وهتتخلصي من المتراكم عليكِ. بالتوفيق. https://www.youtube.com/watch?v=A7zCOOEBxhU
تم النشر السبت، ٢٨ سبتمبر ٢٠٢٤
طالما كده كده متآخرة اعملي اتصالات او تواصلي مع زميلاتك و حاولي تعرفي النقاط المهمة اللي مطلوب التركيز عليها .. ثانيا هتجيبي كشكول و تفتحي كل كتاب تقري قراية عادية مثلا لكل باب او صفحة و تكتبي الملخص بتاعهم و النقاط المهمة بحيث نختصر الهري الكتير لحاجه معقولة نقدر نركز فيها ، بعد اما تخلصي كل مادة بواسطة القراءة السريعة .. فقط راجعي الحاجات المهمة اللي اخذتيها من زميلاتك مع تلخيصك و حاولي تستنتجي الطريقة اللي النقاط الهامة تم اختيارها علشان تكون مهمة ، لو قدرتي تفهمي معيار اختيار الأسئلة تقدري تخمني الامتحان بحاله ، و بعد كده لو فيه حاجات فيها احتمالات ( ابدئي الأول بالامثلة اللي موجودة فعليا و بعد اما تفهمي الطريقة جربي أمثلة خارجية ) الطريقة دي تنفع مع المواد اللي فيها حسابات او قيم متغيرة تابعة لقوانين رئيسية ، و اخيرا حاولي تلاقي امتحانات السنوات السابقة من اي حد خدي بصة عليهم سواء هنجييهم من ناس اكبر منك أو من الانترنت بالبحث عن اسم الامتحان و وسط اما انتي بتدوري متضيعيش وقت مع حد يخليكي تنتظري جربي كذا مصدر كأنك خدمة عملاء و دول عملاء عندك و بترضيهم كلهم في نفس الوقت
تم النشر السبت، ٢٨ سبتمبر ٢٠٢٤
عزيزتي، أستطيع أن أشعر بمدى الضغط الذي تواجهينه. إن الدراسة في المرحلة الثانوية، خصوصًا مع الطموحات الكبيرة مثل دخول كلية الطب، يمكن أن تكون مرهقة للغاية. هنا بعض النصائح العملية التي قد تساعدك: تنظيم الوقت : حاولي وضع جدول زمني للدراسة يتضمن فترات قصيرة من الدراسة تليها فترات قصيرة من الراحة. على سبيل المثال، يمكنك الدراسة لمدة 25 دقيقة ثم أخذ 5-10 دقائق من الراحة. تحديد الأهداف : ابتداءً من اليوم، حددي أهدافًا صغيرة قابلة للتحقيق. بدلاً من التفكير في المذاكرة لساعات طويلة، حاولي التركيز على مادة واحدة أو موضوع واحد. تحدثي مع أهلك : كوني صادقة مع أهلك وعبّري لهم عن مشاعرك وضغوطك. قد يساعدهم فهم الوضع على تقديم الدعم والمساعدة لك. البحث عن دعم : إذا كان لديك أصدقاء أو زملاء دراسة، يمكن أن تحاولي العمل معهم، فالدراسة مع الآخرين قد تكون أكثر تحفيزًا. العناية بالنفس : لا تنسي أهمية العناية بنفسك. تأكدي من حصولك على الراحة والاهتمام بصحتك البدنية والنفسية. تذكري، هذا الوقت تحدٍ كبير، ولكن يمكنك التغلب عليه. كوني لطيفة مع نفسك، وابتعدي عن التفكير السلبي، وتركزي على الخطوات الصغيرة التي يمكنك اتخاذها الآن. أنا هنا لدعمك، ولا تترددي في العودة لمزيد من المشورة.
تم النشر السبت، ٢٨ سبتمبر ٢٠٢٤
طالما انتي مش متعودة حاولي تخلصي النيه انك تنوي، تقولي انا هذاكر كذا وكذا وابدأي بحاجات بسيطه مواد انتي متقبلاها وحباها وصلي اطلبي العون والتوفيق من ربنا ، وحاولي تحديد هدف علشان دا هيساعدك تذاكري ولما تذاكري تكافئ نفسك حتي لو ذكرتي درس واحد وبالتوفيق ليكي
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا