انا كل اللي طالبه حد يقولي اعمل ايه وبس
انا شخص عصبي بزيادة علي الناس اللي بحبهم
وشخص غيور زيادة علي الناس اللي بحبهم
ومش بحب أن الناس اللي بحبهم يغلطوا
عايز بقا حد يقولي علي طريقة تخليني ابقي شخص بارد ولا بيغير ولا عصبي ولا اي حاجه خالص
معذرة أيها السائل بداية السؤال مش ألطف حاجة الحقيقة... مفيش مشكلة فالدنيا بتتحل بطريقة سحرية وكأن حد هيبلغك وصفة وخطوات تنفذها فتنتهى المشكلة ... ودى أول خطوة فالعلاج والحل لمشكلتك!! التشخيص المبدئ لحضرتك انك بتعانى من الكمالية والسيطرة المفرطة وزى مابنقول عاوز كل حاجة بالمسطرة ومظبوطة بدون ولا غلطة ، مبتسمحش لنفسك تغلط ولالاى حد حواليك وده ال بيخليك طول الوقت عصبي ومضغوط بسبب انك عاوز تتحكم فكل حاجة عشان تكون مطمن انها فأحسن صورة ومظبوطة بالملى. كل ال حكيته فوق بيحتاج رحلة بحث بداخلك عن أسباب الكمالية والمثالية وجذورها جواك منذ الطفولة ...
تم النشر السبت، ١٨ مايو ٢٠٢٤
اي كلام ممكن نقوله حاليا لإرشاد فهو مجرد كلام و لكن ينبغي عن البحث جذور المشكله و ايه اللي بيخليه يتفاقم و نتابع دا عن طريق عرض الحدث و تفهم ليك اتصرفت كدا ، لما يكون فيه خلل في الانفعال أن حضرتك تتعصب جدا اذا يوجد خلل في المعرفه و بالتالي هيحصل معاك مشاكل خصوصا مع اقرب الناس ليك . و لذلك انصحك متابعه متخصص لتنميه بعض المهارات ، و لو حابب اعرفك علي هذه المهارات ممكن مراسلتي و هذا تطوعي بدون اي مقابل وفقا لقواعد البرنامج
تم النشر الأحد، ١٩ مايو ٢٠٢٤
جميل طلبك في السؤال انك محتاج حد يقول لك تعمل ايه بس محتاجه اسالك سؤال بعدين انت فعلا الحاجات اللي هنقولها هتعملها ولا هتبص على الحاجات دي ان هي منافيه لافكارك وصعبه لان هي هتبقى اساسها انك تكسر حاجات من اللي هي قواعد ثابته عندك انت مستعد تعمل فعلا اللي احنا بنقول عليه. الحاجات اللي هتكون حل لمساله العصبيه هو نشوفه هي عصبيه سببها ايه انك غيور طيب انت بتغير ليه بتغير عشان فعلا فيها اسباب منطقيه للغيره يعني في فعلا مخاوف في فعلا انك شايف في ناس ممكن يؤذوا اللي انت بتحبوهم دول او يقربوا منهم بطريقه تضايقك. فعشان كده بتغير ولا انت بتتعصب عشان خاطر مجرد ما بتحس بالتهديد ان في حد هياخد حاجه او شخص عزيز عليك يعني هيبعدوا عنك حتى ولو حاجه بسيطه او هياخدوا منك اصلا ايه اللي انت بتشربه عشان كده بيبدا ده يكون محفز للعصبيه الحل ايه هو ان احنا نعرف نحفزات العصبيه ايه اللي بيحفز عندك عصبيه فعلا يعني انا عشان بغير هو ايه محفزه غيره اصلا ايه اللي بيخلي الغيره تبقى بالشكل العنيف ده افكارك ايه اللي موصلك ده وهكذا كل حاجه لازم تعرف هو ليه هو الشيء اللي جاي لك خارجي بيهدد ايه جواك عشان كده بيكون عصبي لان العصبيه بتكون نوع لنفس فمحتاج تشوف هو ايه اللي ههددك من اللي قدامك وتبدا تعالج ده جوه نفسك ليه انت بتشعر بالتهديد عشان تطلعش بالشكل ده
تم النشر الأحد، ١٩ مايو ٢٠٢٤
يبدو أنك تشعر بالضغط والتوتر بسبب تفاعلاتك المبالغ فيها. الخطوة الأولى هي الاعتراف بالمشكلة والرغبة في التغيير. جرب تقنيات التنفس العميق والاسترخاء عند شعورك بالغضب، وحاول التعرف على نقاط الضغط والتوتر لديك وابحث عن طرق للتحكم فيها. يمكنك أيضًا ممارسة الرياضة بانتظام للتخلص من الطاقة السلبية والتوتر. وأهم شيء، توجه إلى مدرب حياة أو معالج نفسي ليساعدك في التعامل مع هذه العواطف بشكل أفضل.
تم النشر الجمعة، ١٧ مايو ٢٠٢٤
انتي المفروض اصلا تبقي بارده وحطي ده في حساباتك لان التعامل في الوقت الحاضر مينفعش يكون الا كده مش كل الناس هتستحمل عصبيتك وتفهم ان ده حب حاولي تهدي ومتبقيش متسرعة ودايما فكري قبل ماتتكلمي او تاخدي قرار
تم النشر الأحد، ١٩ مايو ٢٠٢٤
لعرض السؤال في فدني اضغط هنا