السلام عليكم انا عندى ١٦ سنه فى اولى تمريض مخطوبه لواحد ساكن عندنا فى المنطقه عنده ٢٦ سنه شغال ويتر فى مطعم شكله مقبول ولا حلو ولا وحش احنا هنتجوز فى اجازه تانيه تمريض مش هتكتب رسمى علشان المدرسه والخلفي بعد سنتين علشان اكون خلصت هما هيعملوا عند محامى انا بصراحه فى الاول ولا كنت موافقه ولا مش موافقه لانى كنت لسه طالعه من تالته اعداداى مش فاهمه لكن لما روحت التمريض بقيت بروح مواصلات وبشوف ناس وبحس انى اتسرقت لأن شخصيته عكس شخصيتى هو طيب وغلبان ومحترم مبيشربش سجاير بس هو بيتفرج على افلام وكده مره كنت فاتحه تليفونه وشوفت جروب تليجرام احنا هنعيش فى بيت عيله هما ٣ صبيان اخوه الكبير بس ال متجوز ومراته طيبه وكويسه بس قعده لوحدها وجوزها مسافر وبتروح عند اهلها اهله طيبين انا اصلا كنت عايزه تفركش من زمان لأن حصل كام موقف كده هو كان خاطب قبل كده وجابلي نفس التليفون بتاعها هى ال سبته وجه يزم الخطوبه بنفس البدله ونفس الهدوم ونفس البوكيه وانا كنت جايبه نفس لون فستانها الموضوع بتاع البوكيه ده ال زعلني ووداني عند واحده يعرفوها عملت ميكب ب٥٠٠ وكان شكله يقرف فى الخطوبه احنا عملنها بالنص وكانت صغيره هما هيجوا كل الاجهزه واحنا حجات بسيطه بابا كان فرحان لأن احنا برضو على قد حالنا المهم انا قولت مش مشكله المهم اما اتجوز هتبقى العيشه حلوه ماديا يعنى لبس او اى حاجه ال خلانى اصلا ابقى عايزه افركش ناس كتير بتقولى على فرق السن وكمان شغله وحيات ياما ال خلى الفكره تثبت فى دماغى بنت عمى عندها٢٢سنه انا احلى منها بياما هى كليه وهتتخطب لظابط هما ماديا أعلى مننا بياما مش عارفه الصحون لانى خايفه اكون اتسرعت او انا من كلام الناس غيرت رأيى وشكرا اسفه على الاطاله
النبي صلى الله عليه وسلم قال « اذا اتاكم من ترضون دينه وخلقه فزوجوه » ، وسيبك من اللي بيقلك انتي لشه صغيرة والعمر قدامك والكلام دا ، في ناس قريبة جدا من سنك وهتموت وتتزوج ، المهم هنا هو دين الشاب وخلقه ، هل ترضين دينه وخلقه ؟ ، لو لا يبقى فركشي وبلاش منها جوازه ، وتاني حاجه انتي كانتي هتتحملي مسؤولية اولاد وتربية وزوج وشغل بيت وطبخ وحاجات كتير ولا لا ، ولو لا يبقى تهدي وتفكري مرة تانيه ، ولازم تستعدي نفسيا للي جاي لان يا اختي دي حياة ، الجواز مش حب وحضن وخروجة ونقعد نضحك والكلام دا ، الزواج دا حياة مختلفة تماما ، انتي هناك هتبقي شخص بيبني حياة وبيشارك حياته مع شخص تاني وبيشارك في حياة الشخص التاني ، دا غير انك هتبني اشخاص لسه هيتولدوا ففكري كويس واستشيري حد كبير وعاقل ومتجوز في عائلتك ، وحد كويس مش اي حد ، ولو الشخص قالك كملي في الجواز يبقا كملي ، وصلي استخارة قبل ما تكملي ولو الدنيا مشيت يبقا خير وبركة ، ممشيتش يبقا تسيبي الشخص دا احسن ، وكل دا بعد ايه ( اذا رضيتي دينه وخلقه اولا ) ، وبس كده :)
تم النشر الاثنين، ٢٩ يناير ٢٠٢٤
وعليكم السلام ورحمة الله وبركاته .. لسه صغيرة جداا جدا .. انتي في مرحلة المراهقة يعني مرحلة الزواج هتكون مسؤولية كبيرة اوي عليكي .. الموضوع مش سهل اطلاقا. هل انتي قادرة انك تشيلي مسؤولية زي ديه؟ ثم ان جواكي عدم رضا واضح عن الموضوع، ومن اولها وانتي بتقارني ما بينه وما بين خطيب قريبتك ..! وده مينفعش .. انتي مش مطلوب منك تقارني الناس ببعض، ولا بعيشة حد .. كل واحد وله ظروفه ونصيبه. هتفضلي باصه على غيرك، عمرك ما هتحسي بالسعادة صدقيني وهتبقى ديما حاسه بالنقص .. بلاش تبقى العادة ديه فيكي .. هتتعبي. اما عن الزواج عموما في السن ده مش بننصح بيه اطلاقا، واظن الساده الافاضل قالوا ده في التعليقات .. انتي في مرحلة هتتشكلي فيها، تفكيرك هيتغير، هتنضجي .. ده كله لسه بيتشكل. ف بلاش تاخدي خطوة كبيرة اوي زي ديه وانتي لسه مش مستعدة ليها. ركزي في دراستك، واشتغلي لو عايزه بعد كده .. وربنا يرزقك بعد كده بالشخص المناسب ليكي. وربنا معاكي ويوفقك.
تم النشر الأحد، ٢٨ يناير ٢٠٢٤
بصي انا عارفه إنو الظروف ليها دور في الموضوع ده يعني انتى بتقولي انكم على قد حالكم وقولتى أهله أو هو يعني هيجيبو الجهاز وانتو هيكون حاجات بسيطة تجيبوها ودي مش حاجه كويسة علفكرة علشان ممكن بعد ماتتجوزي أي مشكلة يعايروكي ويقولوكي ده احنا لولا اخدناكي مكانش حد ياخدك وكلام وحوارات مش كويسة وبهدلة يعني من الآخر دي كانت حاجه الحاجه التانية انتى لسه صغيرة والطريقة اللى بتقولي عليها عايزين يجوزوكي بيها دي مش طريقة جواز عند المحامي والكلام ده انتى ممكن تفركشي وتكملى وتخلصي تمريض وربنا يكرمك وتتوظفي وتجهزي نفسك وابن الحلال اللى مكتوب ليكهتاخديه على الأقل تبقى بوظيفه ده غير انك قولتى إنو مش كويس واكتر من مرة تشوفي كدا ودا ماينفعش لا عمره هيبقى زوج صالح ولا أب صالح حتى ففركشي.وكملي وتتوظفي وزي ماقولتلك
تم النشر الأحد، ٢٨ يناير ٢٠٢٤
اولا المشكلة مش ففرق السن قد م المشكلة انك مش بتحبيه ،، لو كنتي بتحبيه مكنتيش سألتي السؤال ده ثانيا صدقيني انا من و انا فسنك لحد دلوقت تفكيري اتغير ١٨٠ درجة فمينفعش تاخدي قرار زي ده دلوقت خالص خدي وقتك ثالثا و الاهم مينفعش تقارني نفسك بحد خاصة ف حاجة زي دي مينفعش تقولي قريبتي ال انا احلى منها اتخطبت لكذا لا كل واحد ربنا بيوفقو لصاحب نصيبو و محدش احلى من حد كلنا حلوين بطريقة ما فأدعي ربنا يهديكي للقرار الصح و متتسرعيش ،، و اسفة لو كلامي دايقك فأي حاجة ،، ربنا يوفقك و يريح بالك يارب
تم النشر الأحد، ٢٨ يناير ٢٠٢٤
بصي انت لسه الصغيره قوي فما تستعجليش في قرار الجواز خالص وانت مش بتحبيه وبدات تقارني ما بينه وما بين غيره فحاليا لو انت شايفه حته المقارنه دي عادي فبعد الجواز هتبقى مش عادي خلاص ولو انت متضايقه من فكره ان انا بقول لك انت لسه الصغيره بس حتى لما تيجي تتجوزي يبقى واحد انت مقتنعه بيه 100% مش متردده في قرارك لان ده جواز مش لعبه فانت سيبيه وان شاء الله يجي لك اللي احسن منه بس في الوقت المناسب عشان انت لو كملتي هتبقي بتظلميه وبتظلمي نفسك اتمنى اكون فتك
تم النشر الأحد، ٢٨ يناير ٢٠٢٤
Dodo Eldesoky هفركش شكرا جدا ليكى يا حبيبى جزاكى الله خيرا ❤❤
تم النشر الاثنين، ٢٩ يناير ٢٠٢٤
هعمل كده شكرا جدا جدا لحضرتك جزاكى الله خيرا ❤❤
تم النشر الاثنين، ٢٩ يناير ٢٠٢٤
ليه تتجوزي في السن دا ؟وبالطريقة دي .. عند محامي .. مش شايفة انك قلتي اي ظروف تخليكي تتجوزي شخص اكبر منك .. انتي لسه صغيرة اوي اوي ولسه هتشوفي ناس وطريقة تفكيرك هتتغير .. ماتستعجليش عشان تلبسي فستان الفرح .. الجواز مسئولية كبيرة اوووي والاطفال كمان .. خلصي دراستك واشتغلي وبعدين فكري في الجواز .. واختاري شخص تقدري تعيشي معاه ويكون شريك حياتك وتلاقي في الصفات الي تحبي تكون في جوزك وابو عيالك .. فركشي طبعا ياحبيبتي
تم النشر الأحد، ٢٨ يناير ٢٠٢٤
ونسيت اقولك إن الراجل ميحبش يشوف الست أعلي منه في التعليم في اه رجاله كويسه بس سيبك الكويسين دول قليلين هيقعد يقولك في الخطوبه أنا معاكي وهخليكي تكملي تعليمك ومش عارفه اي وهيجي في الآخر يقولك اقعدي بيتك وعيالك أولي بالمصاريف فمتنسيش الكلمتين دول مفيش راجل غير أربعة من الصالحين هيحب يشوف مراته أعلي منه والكلام ده عن تجارب قدامي من أصحابي
تم النشر الأحد، ٢٨ يناير ٢٠٢٤
بصي أنا 22 سنه وقربت اخلص كليه ولا اتخطبت ولا اتجوزت فانتي 16 سنه السن ده مش سن جواز ولا ارتباط إنتي قدامك العمر طويل خودي وقتك وركزي في دراستك ومش لازم تتجوزي دلوقتي لأن الجواز ممكن يلهيكي عن الدراسة وصدقيني الجواز والدراسة مع بعض ميتفقوش غير في أصعب الحالات وأنتي لسه قاصر متغلطيش غلطه صحبتي اتجوزت في تالته ثانوي وحاليا مطلقه ومعاها عيلين ومكملتش تعليم ركزي في نفسك يا بنت الحلال وفي دراستك مفيش حاجه هتنفعك غيرها والجواز لما تخلصي خالص ده اضمنلك
تم النشر الأحد، ٢٨ يناير ٢٠٢٤
لعرض السؤال في فدني اضغط هنا