النبي صلى الله عليه وسلم قال « اذا اتاكم من ترضون دينه وخلقه فزوجوه » ، وسيبك من اللي بيقلك انتي لشه صغيرة والعمر قدامك والكلام دا ، في ناس قريبة جدا من سنك وهتموت وتتزوج ، المهم هنا هو دين الشاب وخلقه ، هل ترضين دينه وخلقه ؟ ، لو لا يبقى فركشي وبلاش منها جوازه ، وتاني حاجه انتي كانتي هتتحملي مسؤولية اولاد وتربية وزوج وشغل بيت وطبخ وحاجات كتير ولا لا ، ولو لا يبقى تهدي وتفكري مرة تانيه ، ولازم تستعدي نفسيا للي جاي لان يا اختي دي حياة ، الجواز مش حب وحضن وخروجة ونقعد نضحك والكلام دا ، الزواج دا حياة مختلفة تماما ، انتي هناك هتبقي شخص بيبني حياة وبيشارك حياته مع شخص تاني وبيشارك في حياة الشخص التاني ، دا غير انك هتبني اشخاص لسه هيتولدوا ففكري كويس واستشيري حد كبير وعاقل ومتجوز في عائلتك ، وحد كويس مش اي حد ، ولو الشخص قالك كملي في الجواز يبقا كملي ، وصلي استخارة قبل ما تكملي ولو الدنيا مشيت يبقا خير وبركة ، ممشيتش يبقا تسيبي الشخص دا احسن ، وكل دا بعد ايه ( اذا رضيتي دينه وخلقه اولا ) ، وبس كده :)
العفو :)
تم النشر الاثنين، ٢٩ يناير ٢٠٢٤
انا اصلا مش هقدر أقنعه انا هفركش وبجد شكرا جدا جدا ليك وديه شهاده اعتز بيها
تم النشر الاثنين، ٢٩ يناير ٢٠٢٤
مش محتاجه تحكي ولا اي حاجه ، الراجل مش بيصلي فمينفعش انك تتجوزيه ، وحكاية انه يقولك انتي لبسك واسع دي فيها حاجه غلط اوي اوي ، لانه بالطريقة دي هيلبسك ضيق بعد كده او حتى يقلعك الخمار اصلا ، وغير دا كله اللي مش بيصلي مينفعش يتجوز اصلا ، لان اللي مش بيصلي دا حكمه حاجه من الاتنين يا اما كافر يا اما فاسق ، ودا مش كلام من عندي ، دا حديث النبي صلى الله عليه وسلم « العهد الذي بيننا وبينهم الصلاة فمن تركها فقد كفر » ، فاهربي بدينك ونفسك واخلاقك بعيد عن الشخص دا وارفضي الزواج منه تماماً ، ومتقوليش ما هو ممكن ربنا يهديه ويصلي او انا هبقا اقنعه والكلام دا لان دا مش هيحصل في الغالب ، فارفضي يا بنت الحلال افضل مليون مره ليكي . وانا بقلك كل دا لان بعتبر ان اللي هتتجوز دي اختى وانا عمري ما اجوز اختي شخص زي دا . اما الجواز في الفلاحين فمش كله كويس الصراحة ودا من نظري انا بس .
تم النشر الاثنين، ٢٩ يناير ٢٠٢٤
هو مبيصليش وبيسمع اغانى انا مختمره كنا بنتكلم فى الاول لما تخطبنا وقالى ان لبسى واسع ومش محتاج خمار وكده ماما قالت لي عادي لان بابا بيصلي في الجامع ومش بيسيب فرد بس انا هتجوزه هو مش ابوه ثانيا انا استحمل بس بصراحه مع الدراسه لا او مستحيل استشير مين مثلا لان والدي ووالدتي مترددين وانا اصلا ما كنتش في دماغي حكايه بنت عمي بس هم كل شويه يقولوا شكلنا اتسرانه فاهم فانا بصراحه مش حابه استشيرهم في حاجه انا بكره هسافر عند جدتي الفلاحين هحكي لها كله واشوف رايها لان هناك بنات كثير بتتجوز يعني وهي شايفه وهي عارفه ايه الصح والغلط لقيناها كمان جديد شديده بس يعني ترى كويسه انا احبها لانها يعني فاهمه كل حاجه انا كنت عايزه احكي لها من زمان لكن ماما كانت بتقول لي ان زمان غير دلوقتي وتفكيرها بتاع زمان بس بالعكس انا شايفه يعني الفلاحين هناك بيفكروا احسن من هنا وجوازاتهم اصلا بتبقى احسن من هنا 100 مره بس مش عارفه
تم النشر الاثنين، ٢٩ يناير ٢٠٢٤
لعرض الإجابة في فدني اضغط هنا