السلام عليكم ورحمة الله وبركاته ، انا عندي أمنية اني اتعين في الكلية بس المشكلة أنا في سنة أولي جايبة الترم الاول تقدير حلو بس كنت عايزه احسن و الترم الثاني خايفة عشان الدكاترة قلبت علينا و شيتتهم صعبة فحسة بخوف كبير ، في حد نصحني بالصلاة على النبي حتي لو مش عارفه ادعي بس المشكلة اني بعمل بالنصيحة يوم وعشرة لا بيقولولي عشان مش حاسه بيها فاعمل ايه أن حقيقي بكتب وانا منهارة من العياط بجد و نفسي الاقي شغل في الإجازة اشتغل فيه كل إجازة ذي حضانة مثلا ممكن تفيدوني و انت كمان يا ذكية
اعملي اللي عليكي ... اصل هتعملي ايه اكتر من انك تعملي اللي عليكي! الباقي والنتيجة ديه مش بتاعتك ... انتي عليكي السعي وبس... حتى لو حلمك متحققش اعملي خطة بديلة .. مينفعش تعلقي حياتك كلها ع حلم واحد بس، لازم تكون فيه خطط بديلة لاي حاجه ..علشان متقفيش في حياتك، لان اللي بيقف ع حاجة متحققتش في حياته، مش بيشوف غيرها وبيعتبرها اخر الدنيا. الدنيا صعبة في الكلية ما هي صعبة ع الكل مش صعبة عليكي انتي بس.... انتي في ايدك ايه تعمليه اكتر من انك تجتهدي وتذاكري ... وسيبي الباقي ع ربنا. لو خير ليكي هيحصل، ولو مش خير ربنا هيقف معاكي ، ويكون الخير في حاجه تاني. مفيش حاجه اخر الدنيا
تم النشر السبت، ١ أبريل ٢٠٢٣
وعليكم السلام ورحمة الله وبركاته مين قالك إنه الخير ليكي شغلك فالجامعه بصي مش معني إنك ليكي حلم يبقي هو ده الخير و المناسب ليكي احلمي واسعى بس تيقني إن مخنا أصغر بكتير من ادراك إيه الخير فإنتي اسعي وتوكلي وثقي ف قرارات ربنا وتدبيره ليكي.. ولما تحسي بكركبه فدماغك عيطي وفرغي واكتبي وتفضفضي عشان مش تفضلي مشتته وادعي كتير وأنتي ساجده ربنا يبصرك ويراضيكي.. وفعلا الصلاه علي الرسول والورد اليومي لو ١٠٠ مره فقط ليه معجزه وسحر بالتوفيق يارب 💜
تم النشر الجمعة، ٣١ مارس ٢٠٢٣
اعملى اللى عليكى وتوكلى على الله قل لن يصيبنا الا ما كتب الله لنا رضاكى بالنتيجة اى كانت هيخليكى اهدى وتحققى احسن من اللى نفسك فيه كمان
تم النشر الجمعة، ٣١ مارس ٢٠٢٣
اهدي خالص اول حاجه لازم تثقي ف ربنا وانه مش هيضيع تعبك ابدا ومش معنى انك مش شايفه النتيجه دلوقتي من دعاء او استغفار او صلاه ع النبي ان ربنا مش سامعك ومش هيحققلك مطلبك ثقي انه هيققه ف وقته الصح وبأستمرارك ف الالحاح بطلبك بمذاكرتك وجهدك وتعبك ومعافرتك انك تحسني تقديرك ومتخليش الشيطان يدخلك ابدا من الباب ده وان ربنا مش هيتجيب ثقي ف رحمه ربنا وثقي ف عدله وثقي ف قضائه وف مجهودك وتعبك وانه مش هيضيع ابدا
تم النشر الجمعة، ٣١ مارس ٢٠٢٣
انا ك محمود اهووو ف كليه حقوق و الظروف كلها ضدي عاوز ابقي معيد ف الكليه بس انا عاوز اقولك حاجه بسيطه جدا . فكره انك تتعيني معيده هي يعتبر لا تساوي اي شىء بالنسبه لو اشتغلتي ف سوق العمل برا انتي بس اعملي الي عليكي وربنا لو جبهالك يبقي ربنا كاتبلك الخير فيها ولو مكنش نصيب ليكي فيها اعرفي ان ربنا شايلك حاجه كبيره اوي علشان انتي تعبني . إن الله لا يضيع اجر من احسن عملا ♥️ + بالنسبه للدكاتره وحوار الشيتات بصي يا ست البنات الي بيمشي عليكي بيمشي ع الكل مش انتي بس الي الدنيا عندك صعبه لا كلو ف نفس الشي ومتخافيش يعني الدكاتره بتطلع بتطلع و بتنزل ع مفيش + استغلي النت كويس في انك تطلعي منوو اساله و اجوبه الشيتات و شغلي دماغك دائما ع الدكاتره ولو ف اي حاجه حضرتك ابعتيي ونا هساعد حضرتك باذن الله 🤍🍂
تم النشر الجمعة، ٣١ مارس ٢٠٢٣
عليكِ ألا تفقدي الأمل بتحقيق حلمك في الالتحاق بالكلية، فلا يوجد شيء مستحيل في الحياة، ولكن علينا أن نعمل بجدية واجتهاد لتحقيقه. بالنسبة للدراسة، عليكِ أن تحاولي الاستفادة من أساليب الدراسة المختلفة، مثل الدروس الخصوصية أو الدورات التدريبية، وأن تنظمي وقتكِ بطريقة تتناسب مع مستواكِ الدراسي. وبالنسبة للعمل خلال الإجازة، يمكنكِ البحث عن وظائف مؤقتة في المنطقة التي تقيمين بها، مثل مساعدة في حضانة أطفال، أو العمل في متجر تجزئة أو مطعم، وهكذا. أخيرًا، يجب أن تفكري إيجابيًا وأن تتحلى بالصبر والثقة بالنفس، وعليكِ الاستمرار في بذل الجهد والعمل بانتظام لتحقيق أهدافكِ. ستشعرين بالتحسن وتحقيق نتائج جيدة إذا استمريت في العمل الجاد والمثابرة.
تم النشر الجمعة، ٣١ مارس ٢٠٢٣
لعرض السؤال في فدني اضغط هنا