الحمدلله انا شخص مريت باذي كتير جدا
ولدي و ولدتي في مشاكل من و انا عندي 7 سنين و دلوقتي انا 20
ولدتي كانت تغضب عند اهلها كل 4 او 5 شهور و ترجع بعد 6 شهور او سنه كنن لما احب اروح اشوفها تشوفني و تقابلني عادي ساعه ولا اتنين و تقولي روح لابوك يلا باي و تمشيني و الحال دا تناه كدا سنين
رجعو لبعض و قعدت سنه من غير ما تغضب قولت الحمدلله و كنت مبسوط جدا انهم مع بعض مع العلم ان احنا 4 اخوات كانت تاخد خواتي معاها و تسبني انا و كانت علشان اقعد معاها و مقعدش مع ولدي كانت تطلب مني حاجات علشان اثبتلها اني بحبها و عايز اقعد معاها من ضمنها تروح ترفع قضيه علي ولدك انه طردك من البيت و تكلم حقوك الطفل و انا هدخلك البيت و فعلا ولدي كان طاردني و مكنتش عايز اعمل كدا معاه و كلمتها انه مينفعش و رفضت و قعدت يومين في الشارع ببات في الجنينة و علي الرصيف و من غير اكل و شرب و انا عندي 13 سنه لما لقيت ان مافيش غير اني اعمل كدا عملت ( دا مكنش الموقف الوحيد و ولدي فعلا صعب و ديما بيخون اللي قدامه و كان بيعشق حاجه اسمها ضرب)
مره تانية ولدي و انا صغير كان بيضربني ضرب بيعور و يكسر و يفتح الجلد و اللحم لدرجه اني دخلت المستشفي 4 مرات دا طبعا غير اللي كنت بشوفه بيعمله مع خواتي الصغيرين و ولديتي كذا مره شفتهم غرقانين في دمهم من و انا عندي 9 سنين وطبعا دا علي اتفه الأسباب زي بلعب كره مع زميلي في الجنينة قدام البيت و صوتي علي يقوم ضربني و يقولي مش عايز اسمع صوتك و انت بتلعب طبعا دا كان بيخلي صحابي ينفرو مني بسبب ولدي ف مبقاش ليا صحاب
مره تلته ولدتي غضبت من وانا 14 سنه و قعدت عند اهلها ف ولدي طردني انا و كل اخواتي الصغيرين و هنا بيقينا5 اخوات في الشارع رحت مكلم ولدتي قالتلي ارفع محضر في ابوك و هدخلك رحت عامل كدا علشان اخويا الصغير اللي لسه مولود عنده 2 ونص
و اشتغلت شغلنتين في سن 14 الاولي بمسح حمامات في كافية و التانية عامل حداده في شركة مقاولات و كنت بتذل و اتهان علشان اصرف عليها و علي اخواتي و ادفع الايجار و الفواتير و كنت وقتها في اعدادي و كنت بنام 4 ساعات بس في اليوم و يوم اجاه في الاسبوع بنام فيه بس و تنتني كدا حوالي 8 شهور روحت البيت و انا راجع من الشغل لقيت خالي ضارب خواتي و طاردهم في الشارع علشان ضربو عياله و هي مفكرتش تتحمق ليهم و بكلمها زعقتلي و رمتني انا واخواتي في الشارع و عملت فيها محضر سرقة و اني ضربتها كلمت ولدي حكيتله كلم المحامي بتاعه و المحضر اتحفظ
مره تانيه ولدي و انا عندي 17 سنه طرديني انا و اخواتي و عملت نفس الموضوع بس الفرق كنت في ثانوية و مشتني تاني علشان شكت اني بكلم ابويا و مروح من الشغل لقيتها رميالي هدومي و البلكونه
و من ساعتها و انا مع ابويا بس هنا بقي ابويا بقي يزلني و يحسسني انه بيمن عليا باكل و شرب و سكن من غير ايجار
وانا عندي 19 ولدي لفق لودتي حبس 10 سنين علشان جبتله حبس 3 سنين و وقتها حاولتي اتواصل مع ولدتي علشان اقدر اساعدها لان وقتها كنت شغال و بتاجر في بضاعه بسيطه راحت رفضه كدا و قالتلي تروح تقول في الجلسة انك شوفت كل حاجه و تلبسها لابوك ( وقتها رفضت اعمل كدا علشان ولدي طردني و كلمتنا اقعد معاها قالتلي اهلي مش عايزينك تدخل البيت عندي انا وقتها شديت معاها لان اتصدمت حسيت اني مش ابنها )
في الوقت اللي كنت فيه لوحدي انا اتعلمت كذا حاجه و اشتغلت في التسويق العقاري و فتحت شركة تشطيبات و ربنا كرمني و بدل ما كنت بحس بالوحده الناس كلها اتلمت حولين مني و انا اللي كنت بلمهم لدرجه اني كنت انا اللي بحاسب علي كل حاجه في اماكن غاليه
في الوقت دا حبيت بنت اكبر مني بسنتين بنت رجل اعمال زميلي و اعرفه و يعرفني و كانت هي بالنسبة لي كل حاجه في الدنيا و قولت هي اللي هتعوضني و كانت شبهي في كل حاجه لدرجه المشكل اللي عندي في البيت عندها بس ابوها اللي كان بيرفضها لكن امها كانت بتخاف عليها و بتهتم بيها
حبيت اخطبها ف رجعت لولدي و حكيتله و قالي ماشي بس لازم يكون معاك ملك بتاعك ف هات فلوس اشتريلك ارض و فعلا اشتراها بس باسمه
زعلت معاه و كلمته قلي انت و مالك لابيك و اقنعني ف عديت الموقف
جيت بقي اتخانقت معاه بد ما حسيت ان كل فلوسي راحت بسببه و شغلي طبعا وقف وقتها راح طردني و البنت اللي حبتها رحلها مكان شغلها و زعق معاها و كان معاه صور ليها من فوني بعد ما هكره و انا معرفش و قعد يقول في مكان شغلها انها بنت قليله الادب و شمال و سواء سمعتها علي الاخر و يوريهم صورها اللي بعتهالي و دي كنت صور عاديه جدا مثلا صوره ليها و هي في المدرسة مع زميلها او بتتفسح و يقولهم دي امارة دا انت بوريكو بس اثبات انها بتبعتله صور لاكن في صور انا مش هينفع اوريهالكم علشان عيب ( و دا كذب اوي ) راح المدير مكلمها و طردها من الشغل و كل صحابها البنات بعدو عنها
طبعا بعد دا طلو بعدنا عن بعض و انا بموت فيها بس خايف اقرب منها و اذيها و هي بقت خايفة مني برضو
ف دخلت في حاله اكتئاب و كبرت دماغي من الشغل و رجعت اشتغل تاني في الكافيهات بس ويتر
و بالصدفه عملت حادث و انا رايح الشغل من 3 شهور ف اخويا بيكلمني قولته اني عملت حادث طبعا بلغ ولدي و انا اصلا كنت ماجر و قاعد في محافظه بعيده عن اهلي بحوالي 3 ساعات سفر مباشر و السكن كان جنب كليتي و البنت اللي حبتها كانت كليتها في نفس المدينة ( انا اصلا دخلت كليه جنب كليتها علشان نكون سوا ) المهم جالي ولدي و اخدني و قعدني من الشغل معاه في البيت و اتفاجئت وقتها انه متجوز عمليه كنت مشطبلها شقه و مقليش ولا عزمني و دلوقتي قاعد من الشغل و بيدفعني ايجار و اكل و شرب دا غير ان مراته مش طيقاني انا واخواتي و بتتبلي علينا و يقوم عامل مشكلة معانا و البنت اللي بحبها قابلتها و انا رايح الكلية لاننا ساكنين في نفس المنطقه اصلا و بدانا نتكلم تاني بس كاننا اغراب دا مع اهتمام بسيط
المهم انا دلوقتي بقيت حاسس اني غريب و مضايق بقيت بحس بوخزه في نحيه الشمال من صدري و عندي احباط و حياتي بيظه و حاسس بوحده ديما و معدتش بعيط مع اني نفسي و معدتش كمان بحب اصلا اتعامل مع ناس غير خواتي بس غير كدا مش بحب اتعامل اصلا مع اني بعرف اتعامل و الناس لقيتها بتحب تتعامل معايا بس انا اللي بقيت ببعد عن الكل جتي اللي حبتها و رجعنا نتكلم بقيت بستني منها رسالة بس لقيتها مش بتبعت غير لظا ابعت و الرد علي القد
فحد ممكن يقولي اعمل اي لان كان بقي في تفكير بالانتحار علشان تعبت من كل الناس و من البيت بقيت بحس كل الناس ضددي
و ياريت محدش يقولي قرب من ربنا و هو دا العلاج لان انا بعمل كدا من زمان لحد ما ياست
و للعلم ولدي صاحب شركتين و اراضي زراعيه و مقتدر جدا و مهندس مساحه و ولدتي معاها اعدادية
بصراحه انت ابتلاءك صعب ..ربنا رزقك باب وام معندهومش ريحة المسئوليه وانت احمد ربنا كل يوم انك ربنا نزع منك نفس الصفه السيئة اللى عندهم دى اهلك وعاملهم على طباعهم وعامل ربنا فيهم بما يرضى الله وتجنب انك تصدق الحاجات اللى زى اللى فاتت اللى مبهدلينك بيها فى تصرفات كلها غلط فى غلط وبيجوا على حقك وحق اخواتك كل اللى راح منك ان شاء الله مردودلك خير تانى فى حياتك وربنا شال عنك اكيد شر كبير بكل اللى راح ده. ارجع ابنى حياتك مع نفسك واتعامل كأن اهلك عايشين فى بلد تانى اسعى وارضى ربنا فى عملك وتعاملاتك و اتعامل بصلة الرحم مع اهلك عزوتك ناسك اللى مقدرين قيمتك ان شاء الله احسن من اللى من دمك دلوقتى
تم النشر الأحد، ١٠ مارس ٢٠٢٤
بص انت وصلت لحد هنا مينفعش تستسلم انت ربنا أعانك ووقف جنبك كل الفترة دي ف مش هيسيبك، لسه الحياة طويلة قدامك وحياتك هتبقي احسن وهترتاح أحلي حاجه انك طموح ومكمل وبتشتغل وبتصرف علي نفسك ودي اهم حاجه ف كمل انت هتبقي حاجه كويسة كمان كم سنة وهتبقي فخور بنفسك أنك مستسلمتش أنت راجل يعني مينفعش تتكسر وتحس بالضعف الي يقعدك عن طريقك، ان انت بتتعامل مع أهلك رغم كل السوء الي عملوه ليك ده بر عظيم اوي ومش هيضيع عند ربنا وتأكد ان ربنا هيعوضك ويجبر بخاطرك بس انت توكل عليه وخليك متعلق بالصلاة ف المسجد هترتاح كتير ، ولو انت بتحبها اخطبها وسيبك من الي فات لو هيا لسه بتحبك هتفهم انه مش غلطتك ، ربنا يوفقك وييسرلك أمرك
تم النشر السبت، ٩ مارس ٢٠٢٤
انت اخواتك ايه فرقبتك ومعاك مش كده. طيب روحت بيهم فين فالاخر
تم النشر السبت، ٩ مارس ٢٠٢٤
ممكن دلوقت اسالك سؤال
تم النشر السبت، ٩ مارس ٢٠٢٤
السلام عليكم اخي. يعني اهو كلنا معاك وهنحاول معاك متخافش ومتقلقش وانت مش لوحدك فالدنيا
تم النشر السبت، ٩ مارس ٢٠٢٤
خد وقتك وجمع طاقتك وأبدأ واحدة واحدة مش لازم كل حاجه تعملها ف نفس الوقت وربنا يوفقك وييسرلك كل خير ليك يارب
تم النشر السبت، ٩ مارس ٢٠٢٤
انا انطفيت وربنا ما بقي فارق معايا حاجه اصلا بقيت بارد و معدش عندي طاقه من الاصل
تم النشر السبت، ٩ مارس ٢٠٢٤
ماتثقش فيهم تاني عاملهم كويس بس اوعي تثق فيهم ولا تاخد رايهم في اي قرار لان صدقني كدا كل واحد هيحب ياخد بنط لنفسه مش اكتر .....انت مريت بكتير والكلام دا مختصر جدا اكيد وشعورك بموقف واحد مش هيكفي مليون كلمه تكتبه بس دا يخليك في نفس الوقت قادر انك تبدأ من تاني ابدأ اشتغل وحوش وخد شقه ايجار او ملك ليك ولاخواتك وابعد عنهم مدام هما بالقساوة دي وادعي ربنا يلين قلب البنت اللي بتحبها ويقدرك علي انك تتقدملها وصدقني الانتحار عمره ماكان حل ......تخيل واحد عايز يطلع الدور ال ١٠٠ وفضل يطلع كذا دور لحد لما وصل ال ٩٩ وقام ناطط منه ....دا كدا وصل لايه ...ضيع مجهودة وتعب سنين علي الفاضي وبس .....استعين بالله وماتثقش في حد وصدقني انت انسان عظيم وانا فخور جدا بيك 🤍
تم النشر السبت، ٩ مارس ٢٠٢٤
التفكير في الإنتحار جديد عليك ولا فكرت فيه قبل كدة ؟
تم النشر السبت، ٩ مارس ٢٠٢٤
لعرض السؤال في فدني اضغط هنا