انا عايزا اتكلم كثير اوي انا عندي مشاكل في شتى نواحي الحياة انا مولوده في عيلة وكبرت بكلمة البنت عار وليا الي بتعمل كل حاجه والله حتى بتشتغل عشان تعيش كبنت وتجيب احتياجتها الشخصية، والله انا عندي كمية مشاكل وكمية عيوب في حياتي وفي نفسي ، نفسي افضفض مع دكتور نفسي ويلاقيلي حلول بس والله ما معايا فلوس فبجد انا مش عارفه اعمل ايه ومعنديش اي حد في حياتي اقدر اعتمد عليه خالص وانا عندي كمية ضغط نفسي وكمية حاجات مكتومه بجد انا نفسيا تعبانه لابعد حد وعندي عصبية لاتفه سبب والله انا تعبانه من اني احكي اصلا بس انا بجد مش قادره اعيش طبيعي خالص ..
انا بس بفضفض شوية عشان عارفه في بعض التعليقات هتقولي روحي لدكتور غير مكلف بس والله انا جنيه مش معايا
تم النشر الاثنين، ١٠ يونيو ٢٠٢٤
حبيبتي، أنا سامعه صوتك ولقلت التعب اللي بتمرّي بيه. مشاكل آخرها وبداياتها صعبه والضغط النفسي بيكتر لما الواحد بيحس إنه لوحده. أول حاجة عايزة أقولك إنك قوية، حتى لو مش حاسة بكده دلوقتي. أنك بتواجهي الحياة رغم الظروف الصعبة ده إنجاز بحد ذاته. دلوقتي بقدر أديكي شوية نصايح نمشي عليها وحدة بوحدة: كتب ومقالات مجانية : فيه كتير من المصادر اللي ممكن تقريها على الإنترنت في مواضيع الصحة النفسية وكيف الواحد يتعامل مع الضغط. حاولي تدوري على مقالات أو كتب تساعدك تتفهمي أكتر مشاعرك وتديكي أدوات للتعامل معاها. التأمل والتنفس العميق : ما تستهينيش بقوة التنفس العميق والتأمل. جربي تجلسي في مكان هادي وتحاولي تركزي على نفسك. مستواية بسيطة وهي تساعدك في التقليل من التوتر. الكتابة : جربي تكتبي عن مشاكلك ومشاعرك في كراسة. دي طريقة لتفضيّ ضغوطك وتفكري في مشاكلك من زاوية مختلفة. الرياضة : حاولي تتحركي حتى لو حاجة بسيطة زي المشي. النشاط البدني ليه تأثير إيجابي جدًا على الصحة النفسية. التواصل : إذا معندكيش حد تقدر تعتمدي عليه، جربي تكلمي مع ناس جديدة. فيه مجموعات دعم اونلاين أو منتديات ممكن تلاقي فيها ناس بيمروا بنفس المشاكل. العمل التطوعي : جربي تعملي حاجة تطوعية، ده ممكن يخليكي تحسي إنك بتساهمي في حاجة أكبر ويعزز من مشاعرك الإيجابية. حبي نفسك : ده مش مجرد كلام مترف، لازم تبدأي تشوفي القيمه اللي فيكي وتقدري نفسك مهما كان. فكرك في رأيك ولا، لو عندك أي حاجة حابة تحكيها أو تحتاجي دعم أكتر، أنا هنا معاكي. وأنتي ما لوحدكش، تذكري دي. 💪❤️
تم النشر السبت، ٨ يونيو ٢٠٢٤
لو محتاجه مساعده تواصلي مع الخط الساخن للأمانة العامة للصحة النفسية 16328 أو احجزى جلسه علي موقع الامانه العامه للصحه النفسيه وان شاء الله تتحسني وللعلم جميع الخدمات المقدمة مجانية تماماً وتحت إشراف مختصين
تم النشر الاثنين، ١٠ يونيو ٢٠٢٤
السلام عليكم ورحمه الله اهلا بيكي مقدره اللي بتقوله و حسه بيكي ، و جميل جدا أن يكون عندك الدافعيه للتخلص من المشاكل و الضغوط اللي بتمرير بيها بشكل علمي و دا هيساعدك كتير. ابعتيلي و متشليش هم ثمن الجلسات، رسالتنا الاولي هي حياه بلا معاناه. ربنا يسدد عنك و يوفقك لما هو صالح. تحياتي لكي
تم النشر الأحد، ٩ يونيو ٢٠٢٤
عجل الرحمان الفرج طيبتي ، اللهم الفرج العظيم لك ، عاجلا غير آجل خيرا يا بنيتي خيرا 🤍 ، جزاك الرحمان لصبرك الفردوس ، بارك الرحمان فيك و في قوتك ، و مد في صبرك و عزيمتك ، و عجل منالك يا رب ، و شرح صدرك
تم النشر الأحد، ٩ يونيو ٢٠٢٤
لا حول ولا قوة الا بالله ربنا يفرج همك هوني على نفسك ومتشيليش هم الدنيا مش مستاهلة و الدنيا دي دار اختبار مش دار قرار
تم النشر السبت، ٨ يونيو ٢٠٢٤
قيام الليل هو الحل ، أخبرنا النبي صلى الله عليه وسلم ان من الثلث الاخير من الليل بيتنزل فيه الله عز وجل تنزل يليق بجماله و كماله عز وجل ف يقول الله هل من داعي استجيب له ، هل من سائل ف اعطيه ، هل من مستغر ف يغفر له هل من تائب ف اتوب عليه .. انتي متخيلة ، قيام الليل شيء عظيم جدا وافضل صلاة بعد الفريضة ، رابط الحلقة كاملة على قناة امير منير
تم النشر الأحد، ٩ يونيو ٢٠٢٤
ممكن ابسط طريقه تجيبي ورقه وقلم وتكتبي كل حاجه جواكي ذي مانتي عايزه تقولها بالظبط
تم النشر الأحد، ٩ يونيو ٢٠٢٤
اتفضلي بدون اي جنية وان شاء الله خير
تم النشر الأحد، ٩ يونيو ٢٠٢٤
لعرض السؤال في فدني اضغط هنا