انا اخويا الكبير في سنه أولى ثانوي وعنده ١٥ سنه ومطَّلع بطاقه وعايز يشتغل عشان بابا لما بييديله فلوس بيذله بيها واحيانا يكون متضايق يقوله امشي وانا معتش مديلك فلوس ولما بييديله مصروف يقوله صرفته في ايه واخويا بيتضايق مصروفي ومش عارف اصرفه وللاسف بابا رافض حكاية أنه يشتغل واخويا مخنوق ولما بيطلب فلوس زياده بابا يقوله ليه وهتعمل بيهم ايه وللعلم اخويا مش بيحب المذاكره بس بياخد دروس وبيعمل اللي عليه وبيجيب درجات حلوه والمدرسين في الدرس بيشكروا في اخويا
ممكن الاب خايف على ابنه شويه خايف يكون مش متعلم معندوش سلاح بيده ولاعنده خبرة فى الحياة عايز يعرفه قيمة القرش ازاي انت تعرف تدبر المصروف ال انت بتاخده لسه الحياة قدامه طويلة بيحاول يقوله بس بطريقته انه خلى بالك مش كل ماتطلب يبقى كل الناس ح تقبل وتوافق .ملهاش حل غير بالإقناع مفيش خلاص لازم يتقبل الامر الواقع ويحاول يعيش كده وده يكون هدف وحلم والوصول انه يذاكر وينجح ويشتغل ويبقى لى الحرية
تم النشر الأحد، ٢ فبراير ٢٠٢٥
اخوكي لو عايز يشتغل بصدق هيعرف يقنع ابوكي انه يشتغل ،و ابوكي خايف انه يشتري حاجة وحشة بفلوس شغله يبقى المفروض يتعامل مع المشكلة من جذورها مش يمنع تطور ابنه خالص لان الراجل لازم يشتغل و يعرف يتعامل مع الفلوس لوحده او هيبقى عالة و عايز اختصر عليكي حاجة ،الموضوع كله لعبة نفسية تخيلي معايا اخوكي واقف على عمارة و بيقول انه عايز ينط و ابوكي قاله متنطش ،اخوكي مش هينط ،بس مش عشان ابوكي قاله متنطش بس عشان هو خايف ينط اصلا فاهمة حاجة؟ بس اسعي مع اخوكي انه يشتغل و واحدة واحدة اقنعو ابوكي وان امكن استعينو بالأم ربنا يخليكو لبعض ان شاء الله
تم النشر الأحد، ٢ فبراير ٢٠٢٥
أفهم تمامًا الموقف الذي يمر به أخوك، وهو يبدو أنه يعاني من ضغوط تتعلق بقبول والده لمبدأ العمل في سن صغيرة. من المهم في هذه الحالة فهم مشاعره واحترام احتياجاته. إليك بعض النصائح التي قد تساعد: التواصل مع الوالد : حاول التحدث مع والدك بطريقة هادئة عن رغبة أخيك في العمل. يمكن أن يكون الحديث عن الفوائد التي ستعود على أخيك من العمل، مثل التعلم والاستقلالية، مفيدًا. تنظيم المصروف : يمكن التفكير في وضع خطة لمصروف أخيك، مثل تحديد ميزانية شهرية أو بالأسبوع، وبالتالي سيكون لديه فكرة أوضح عن كيفية إدارة الأموال. يمكنك مساعدته في ذلك. البحث عن عمل مناسب : إذا كان الوالد مستعدًا للتفكير في عمل أخيك، يمكن البحث عن وظائف تناسب سنه والوقت الذي يمكنه التفرغ له. ينبغي أن تكون تلك الوظائف بسيطة ومفتوحة للطلاب. تقديم الدعم العاطفي : من المهم أن يشعر أخوك بدعم من عائلته، لذا يجب أن تشجعه وتخبره بأن مشاعره صحيحة وأن لديه الحق في أن يُعبر عن احتياجاته. النظر في الخيارات البديلة : إذا كان العمل الخارجي غير ممكن في الوقت الحالي، يمكن التفكير في أنشطة أخرى تُنمي مهاراته وتتعلق بمشاعره وحياته الشخصية. تذكر أن الدعم والاحترام في التواصل هما مفتاح حل هذه المشكلة.
تم النشر السبت، ١ فبراير ٢٠٢٥
بس هو معاه حق، اخوكي لسه صغير وباباك خايف عليه، لان دلوقتي الدنيا مش كويسه، في شباب بيتاجرو ف المخدرات وغيرها من الحاجات الخطره جدا، هو لو عايز يشتغل ممكن يشتغل اونلاين، وخليه يحاول يتعامل باحترام مع والده ويبر بيه وهو مش هيعمل معاه شيء وحش.
تم النشر الأحد، ٢ فبراير ٢٠٢٥
وأنه لما يشتغل يروح يشتري حاجات وحشه
تم النشر السبت، ١ فبراير ٢٠٢٥
اه وبابا رافض خوفا من أن اخويا يسيب التعليم لما يشتغل
تم النشر السبت، ١ فبراير ٢٠٢٥
هي المشكله اي ان اخوك عايز يشتغل؟
تم النشر السبت، ١ فبراير ٢٠٢٥
لعرض السؤال في فدني اضغط هنا