انا بتأثر جدا بالاحداث والحاجات اللي بتحصل للاشخاص اللي بحبهم وخاصة الاطفال بتعمق جدا في مشاعرهم وليا طفل قريب مني اوي بحس دايما بالمسؤولية تجاهه مش بتحمل اي حد يكلمه او اشوفه زعلان لو والدته زعقتله او تصرفت معاه بعنف بزعل وبتأثر اوي خصزصا انه حساس وبيزعل بسرعة وبيخاف جدا لو حد هدده بالضرب وبيتأثر بالكلام السلبي انا طول الوقت بفكر فيه والمشاعر اللي ممكن يحس بيها اتكلمت مع امه كتير تغير من اسلوبها معاه لكن مفيش فايده هي بتتعامل معاه بعنف وبزعيق ولما بيعيط او بيخاف بتهدده بالضرب بدل ما تطمنه
انا بقى كل تفكيري معاه بخاف كل ده يأثر عليه
ساعات بحاول اريح نفسي من التفكير واقول لنفسي بلاش تفكري كتير وان مخاوفي ملهاش اساس في اطفال بتتعرض كده من امهاتهم وده عادي لكن للاسف مش بقدر اوقف تفكير فيه وبفتكر زعله وخوفه وبحس مشاعره كأنه انا
اتمنى حد يفيدني ازاي اتخلص من الافكار دي واحساسي بالمسؤلية تجاهه وهل فعلا تعامل امه معاه ممكن تأثر بالسلب اوي زي ما انا متخيلة عليه
مشاعرك جميلة جدا .. ولكن احساسك بالمسؤولية اتجاه كل حاجه ديه حاجه لازم تتظبط، لان فيه حاجات مش ف ايدينا واحنا مش هنصلح الكون .. ف لازم نكون عارفين اننا مش هنقدر نصلح كل اللي حوالينا ... مش هنقدر نغير كل حاجه! ولكن، اللي تقدري تعمليه واللي كون في مقدروك اعمليه، يعني مثلا لو هنتكلم عن الطفل ده .. طبعا فيه امهات كده كتير بيزعقوا وبيضربوا وهكذا .. لو الطفل ده قريب منك قومي انتي بالدور الايجابي معاه بدل والدته .. طالما في مقدروك كده.
تم النشر الاثنين، ٥ يونيو ٢٠٢٣
لا استطيع تحديد مدى قربك من هذا الطفل، ولكن ما عرفته وتعلمته أنه علاقة واحدة صحية في حياة الطفل قد تكون سبيل نجاته من كل ذاك السوء الذي يرتكب في حقه. أما بالنسبة لكونك تتأثرين بسرعة فأنتِ في حاجة لعمل اختبارات على كل موقف تشعرين فيه بهذه المشاعر، فسألي نفسك هل أنتِ مسؤولة عن وقوع هذه المشكلة؟ وهل تملكين أي وسيلة لإصلاح الوضع؟ فإن كانت الإجابة على كلا السؤالين لا، فأنت في حاجة في الابتعاد التام عن الموقف وكل ما يذكرك به، والتركيز على أن ما هو خارج عن قدرتك وتأثيرك لا يستحق بذل العناء فيه في حين أن هناك الكثير والكثير من الأشياء التي نقدر على تغييرها بأبسط مجهود
تم النشر الاثنين، ٥ يونيو ٢٠٢٣
شخصيتك جميلة وقلبك ابيض وطفولى وحاسه بالاطفال جدا....حبك ليهم هو اللى بيدفعك لاحساس المسؤولية . تعاملى بس بحدود الواقع انك مش هتقدر تأثرى فى الطفل الا على قد حدود علاقتك بيه واوقات تواجدك معاه.....فانتى بدل القلق خليكى مستعدة تديله جرعة من الحاجات الحلوة اللى عندك وقت ما الظروف تسمح بتواجدك معاه. تكونى انتى الشخص اللى يفتكره دايما بالحاجات الحلوة دى ودى بتعادل اى تقصير ممكن يكون حصل من الأشخاص اللى ليهم المسؤولية الاساسية عليه. ربنا مكان ما يحطك فى حياة اشخاص ...ركزى بس انك تستغلى المساحة دى اللى انتى محطوطة فيها وتسيبى اثر يكمل معاهم لسنين كتير قدام ....فى ناس عايشة على حس موقف واحد من شخص عابر فى الشارع وحياتهم مستقرة بسبب موقف واحد عابر ...فانتى قدامك فرصة اكبر استغليها بس بدون قلق.
تم النشر الاثنين، ٥ يونيو ٢٠٢٣
• هل أنتِ فتاة مُتزوجه وليس لديكِ أطفال ، أم أنكِ آنسة ولا تعملي ؟
تم النشر الخميس، ٢٥ يناير ٢٠٢٤
لعرض السؤال في فدني اضغط هنا