هل لو انا معاية دبلومة نفسية معتمدة من وزارة التربية والتعليم بس انا لسة مش خريجة اداب علم نفس يا تري هلاقي شغل ف عيادة محترمة ولا لازم اكون خريجة اداب علم نفس ارجو الرد ارجوكم فيدوني
الدبلومة المعتمدة من الجامعات لازم اللي يدخلها يكون متخصص في المجال نفسه .. ع سبيل المثال لو انتي عايزة تاخدي دبلومة اكلينيكي لازم الاول تكوني خريجة اداب علم نفس علشان تقدري تاخديها .. اما موضوع العيادة ف ديه عايزة ترخيص من وزارة الصحة .. وتكون مستوفيه عدة شروط :- منها دبلومة اكلينيكي او تطبيقي من كليات الاداب او ماجستير علم النفس الاكلينيكي او دكتوراه في علم النفس الاكلينيكي وتدريب سنتين في مستشفي حكومي و7 دورات متخصصة من خمس جهات معتمدة ومنهم: 1- الامانة العامة للصحة النفسية وعلاج الادمان 2- الجمعية المصرية للمعالجين النفسيين 3- رابطة الاخصائيين النفسيين 4- مركز البحوث والدراسات النفسية 5- الجعية المصرية للعلاج النفسي السلوكي والمعرفي وبعد تنفيذ كل الشروط بيحق التقديم على رخصة مزاولة المهنة من وزارة الصحة وبيبقى ليها امتحان.
تم النشر الأربعاء، ٢٨ ديسمبر ٢٠٢٢
الدبلوم بيكون في تخصص معين وعشان تخديها لازم تكوني اخدتي ليسانس اداب علم نفس في الاساس.. اعتقد تقصدي بالدبلومة دي انها كورس واسمه دبلومة كذا
تم النشر الخميس، ١٥ ديسمبر ٢٠٢٢
اكيد طبعا هتلاقى شغل بس انتى أسعى ودورى واسالى مش عيب
تم النشر الثلاثاء، ٣ يناير ٢٠٢٣
لعرض السؤال في فدني اضغط هنا