انا لم اتعافى بشكل كافى من علاقة حب سابقة..كنت بحب شخص فترة المراهقة و فى كلية اكتشفت انه كان فعلا متقدم لى و لكن والدتى قالت انها صغيرة عالزواح و حاليا هو تزوج و خلف كمان و انا كنت نسيته خلاص و لكن لما شفته مرة حسيت رجعت احن ليه و المصيبة انى حسيته هو كمان بيحبنى من جواه لكن طبعا كان متجاهلنى بسبب احساسه بالرفض.. كان كل ما الف وشى الاقيه بيبص ناحيتى و يلف وشه بسرعة و انا ماشىة مروحة نسيت حاجة هناك لاقيته كان لافف بجسمه كله ناحيتى اول ما شافنى لف جسمه و طلع ..فى حين انه بيحاول يهرب من مجرد رؤيتى يعنى لو انا ف الصالة ينزل تحت يمشى لحدد ما اخرج على كل حال انا عمرى ما ابوظ بيت كامل بأنى ادخل بينه و بين مراته مهما كانت مشاعرى زمان ناحيته... بس انا عندى مشكلة دى انى بتعاقى من اى علاقة بنسبة ٩٠٪ مثلا بسهولة لكن ديما بيكون فيه حبة موجودين مش عارفة اتناسى بشكل كبير
المواقف دى فى الحياة بتبقى حاجة كده زى حركة ( بص العصفورة ) تكونى ماشية فى حياتك وكله تمام ويجى شعور او ذكرى قديمة تاخدك وتسرحى معاها بعيد عن طريقك اللى مكملة فيه ....بس هى مش طريق هى مجرد الهاء مؤقت كأنك فعلا بصيتى على عصفورة ع الشجرة او فى السما ومش بصه قدامك على طريقك فلو مرجعتيش ركزتى ع الطريق هتلاقى نفسك يا اما روحتى على طريق تانى وانتى مش شايفه يا اما اتكعبلتى ووقعتى فى طريقك. اكيد مش هتحبى ده ولا ده . الموضوع هنا ملهوش علاقة بالتعافى ...ده تشتت بسبب خطفة من الذكريات الماضية وبس متندمجيش مع العصفورة كتير....بصى بصه وابتسمى وامشى وكملى تركيز فى طريقك.
تم النشر الجمعة، ٢٨ أبريل ٢٠٢٣
مررت بنفس ما مررتي به تمامًا، حتى الالتقاء بعد فترة طويلة من الانفصال، وشعور بالحنين، وظن بأنه يحن أيضًا ... الخ وحقيقة لن اجد أفضل مما نصحتك به ذكية، لذا سأتحدث عن قسم آخر من القصة ألا وهو الطرف الآخر. قد يشتاق الرجل ويحن لحب ماضي، ولكنه لن يضحي مطلقًا باستقراره في سبيل هذا الحب. أخبرني طبيبي النفسي مرة بمثال عن الرجال يمكن تطبيقه على قصتينا، قال بأن كل شلة أصحاب من الشباب كان هناك مطعمًا ما يجمعهم، ربما مطعم كوارع في منطقة شعبية ما. بعد التخرج والزواج يتباعد الجمع، ويتوقف عن زيارة المطعم، إلا أنهم كل فترة من الزمن قد تكون سنوات طويلة يحنون إلى هذه الذكرى، فيتجمعون هناك، يجددون العلاقة والذكريات، يتفقون على تكرارها بشكل اسبوعي وعلى الدوام، ثم يفترقون وتمر سنين دون تجديد الذكرى إلا بعد سنوات طويلة أخرى. الخلاصة الرجل والمرأة يمران اثناء الزواج بحالات فتور وخلافه، ويلجأ بعض الرجال في هذه الأوقات دون وعي منهم ربما إلى تذكر لحظات الماضي، وربما محاولة اعادة جزء منه، ربما ليثبتوا لانفسهم انهم لا يمكن نسيانهم وأنهم مرغوب فيهم رغم مرور العمر والمسؤوليات، وربما تسرية عن النفس لا غير تسرية تعيين على مواصلة الحياة. فيا ترى هل تريد امرأة أن تكون الركن الذي يسري به رجل ما عن نفسه من حين لآخر؟
تم النشر الجمعة، ٢٨ أبريل ٢٠٢٣
مش يمكن مجرد حنين الي الماضي! يعني اكيد الموضوع مش بنفس القوة اللي كانت في الاول، ولكن الموضوع وما فيه حنين الي الماضي والذكريات. وكويس جدا انك بتتعافي بسهولة زي ما قولتي، واذا كان على الجزء الصغير اللي باقي، اكيد فيه ثغرة معينة انتي سبياها في اي علاقة، سواء في تفكيرك، او في العلاقة نفسها. يعني مثلا العلاقة ديه، طالما انك لسه لم تتعافي بنسبة 100% تحاولي انك تسيبي المكان اللي هو فيه ده لو كان شغل، لو بامكانك كده اعمليه.
تم النشر السبت، ٢٢ أبريل ٢٠٢٣
أهلا بك! فكرت شوية في اللي قلتيلي، ورأيي إن الحل الوحيد هو إعادة بناء ثقتك بنفسك وتحسين علاقتك بنفسك، والسبب إنك بتتعاقي بسهولة هو إنك مش مرتاحة مع نفسك ومش محبة نفسك على النحو الكافي. لذلك، تحتاجين لوقت وتشغلي نفسك في شؤون أخرى، افعلي أشياء يمكن أن ترفعي بها من معنوياتك وتثقيفي نفسك بأمور جديدة، مثلا تعلمي شيئًا جديدًا أو إنضمي إلى نادٍ أو جمعية، أو حتى تساعدي في العمل التطوعي في المجتمع. وأهم شيء: حافظي على تفاصيل صغيرة جميلة في حياتك، مثلا أكل الأكل اللذيذ أو ممارسة التمارين الرياضية، أو الذهاب للتسوق وشراء ملابس أو أشياء تشعرين أنها تليق بك. ومن المهم أن تشعري بأنك مهتمة بما يحدث حولك وبنفسك. ولا تنسي تذكر نصيحتي إذا شعرتي بالحزن: "هذا سيمر، فقط ثقي بنفسك".
تم النشر السبت، ٢٢ أبريل ٢٠٢٣
دا ممكن جدا 👍
تم النشر السبت، ٢٢ أبريل ٢٠٢٣
ممكن علشان انتى لسه مش مرتبطة فحسه مشاعر ناحيته بدافع الوحدة مش اكتر .. تجاهلى لا يصح الا الصحيح.. من جاءكم من ترضون دينه وخلقه فزوجوه .. غض البصر والصبر إلى أن يأتى الشخص المناسب
تم النشر السبت، ٢٢ أبريل ٢٠٢٣
لعرض السؤال في فدني اضغط هنا