ازاى تبطل عاده سريه ومترجعش تانى عشان حاولت كتير وتعبت وانا دلوقتي ف سنه مصيريه وداخل على امتحانات وبتضعفلي تركيزى وعايز افرح اهلى بس مش عارف اعمل اى برجع تانى ونفسي ابطل للأبد وجايلي فكره لتأجيل السنه بس مش عارف اخد قرار مع انى كنت شغال بنسبه ٧٥ % ف السنه بس بدأت اتراجع جدا عايز حل يساعدنى ارجع لشغفي ف المذاكره عشان الوقت بيضيق وبفكر اأجل السنه ارجوكم ساعدونى 💔
بص ياخويا احنا شباب زي بعض ف هتكلم معاك ب المفهوميه .. اولا زي ما اخويا اللي قبلي قال ماينفعش تبطل عاده لكن ينفع تستبدل عاده ب عاده .. يعني مينفعش تطلع الهوا من الكوبايه من غير ماتحط ميه .. ده اولا .. ثانيا العاده دي بالذات لازم ليها محفزات يا اما مخيله خصبه حبتين يا اما فيديوهات يا اما صور و هكذا .. احب اقولك ان اللي في الافلام مش واقعي اطلاقا وحتي الممثلين و المخرجين بتوع الحاجات دي عارفين ده ف ده اولا احنا بيتاكل بعقلنا حلاوه ياخويا ف معتقدش انت ترضي ب ده اننا نبقي متغفلين كده .. ولو جربت تشوف فيديو منهم من باب الفضول كده اللي هو ماتركزش غير اللي هو ده حقيقي ولا لا هتفهم قصدي ايه هتلاقي هجص .. و نفس الكلام ينطبق علي الصور علي فكره بالمناسبه بتوع الانستا و بتوع الحاجات دي ده شغلهم بيعملو كده عشان يعملو فلوس بس يعني برضه الموضوع نفسه مش هدفهم ده وسيله لكسب الفلوس علي قفا البشوات اللي بيشوفو .. المخيله دي بقي اللي صعبه شويه اولا اي واحده ف حياتك هي اختك لحد لما تبقي فينا بعد مراتك .. ثانيا اي حاجه في المخيله هي تخيل يعني وهم يعني بلح ف مالهاش لازمه اساسا غير انها بتشيل الواحد ذنوب ع الفاضي و نتايج ماترضيش ربنا ف الاخر .. ثالثا لو الموضوع مش ب ايدك ده عشان اللي بتشوفه فكلنا في كل الديانات مطالبين بغض البصر يعني برضه مالناش مبرر .. خلاص لو وصلنا اننا مش عارفين نبطل تفكير خالض افضل اتعب ف نفسك لحد لما تبقي خلاص مش قادر لازم تنام و افضل اعمل كده لحد لما تنساها .. بالاضافه طبعا انك تدخل ربنا شويه معاك ده اساسي .. و عارف اني طولت بس اخر حاجه انت راجل دلوقتي يعني المفروض تفكر فكر الكبار انت عايز واحده تشيلك و تحبك و تحببك ف نفسك و تقضي معاك سعاده و موده و حب و رحمه و ترفع راسك وسط اهلك و وسط الناس بدون ماتكون اوفر في لبسها او طريقتها .. متربيه من الاخر يعني .. الموضوع اياه ده هيبقي ليه معني تاني في الجواز حتي لو مش بالطريقه اللي متخيلها بس هيبقي مع شخص انت بتحبه ف مهما كان قليل اوي اوي هيكون مرضي ليك اكتر من اي حاجه تانيه
تم النشر السبت، ٢٠ مايو ٢٠٢٣
ابتعد عن الموبايل او مصدر الاباحية لا تمس فرجك تقرب اكثر من الله عزوجل بقرأة القرآن والصحبة الصالحه ولا تتبع خطواط الشيطان
تم النشر الجمعة، ٤ أغسطس ٢٠٢٣
محتاج تقتنع إن هذه العادة مضرة، وعلشان تعزز الجانب ده أكتر، بأقترح عليك أنك تبحث عن أضرار العادة سواء ضررها على الجانب البيولوجي، أو النفسي. ده هيعزز أكتر بعدك عنها، لأنك لازم تعرف كل الأضرار اللي هتقع عليك في الاخر منها. الخطوة التانية أنك تبتعد تماما عن الافلام الاباحية، لأنها هي من المحفزات الأساسية التي تثير عندك الشهوة في عمل العادة. الخطوة الثالثة أنك متقعدش لوحدك كتير، لأن القعدة لوحدك بتخليك تفكر كتير وممكن تلاقي نفسك بتفكر في هذه الامور، علشان كده سهل جدا أنك تنفذ. عارف زيها زي مدمن المخدرات لما يقرر يبطل، أوقات بتيجي عليه فترات ضعف وانتكاسات، زي ما هيحصل معاك، أول حاجه بيعملوها أنهم بيحاولوا يكلموا حد علشان يبقى فيه حد معاهم، وينسوا فكرة الضرب اللي بتيجي. يعني حاول تشغل نفسك أول ما تيجي فكرة العادة في دماغك، انزل اجري، اتمشي، كلم صحابك، اتفرج على فيلم كوميدي مثلا، اعمل اي حاجه، المهم متسبش نفسك لدماغك. الخطوة الرابعة هي ان لو فيه وقت فراغ في حياتك، اشغله بشغل، بعمل تطوعي، بتعليم. اقتل الفراغ بأي طريقة علشان متسبش لنفسك وقت للتفكير. انت ممكن تقع مرة أو اتنين أو حتى عشرة، ده عادي جدا، متيأسش بسرعة، ده طبيعي جدا. هتفضل تقع وتقوم، هتقع وتقوم. علشان كده الخطوة الخامسة هي الايمان، مش الايمان بالله وبس، لازم نؤمن بنفسك، أنك هتقدر إنك تكون أفضل مما أنت عليه. أما عن شغفك للمذاكرة .. فالحقيقة المعادلة ديه صعبة جدا .. الشغف يعني (الحماس) والحماس ده مستحيل تكون فيه كل الوقت، انت متخيل يعني ايه شخص متحمس طول الوقت؟ ده منافي للطبيعة اصلا؟ مش هيحصل ... طيب ازاي ترجع زي الاول ... نرجع بخطوات فعلا عملية ... بخطوات واقعية .. فالاول لازم تكون (ملتزم وحاسس بالمسؤولية اتجاه نفسك، واتجاه اهلك اللي وثقوا فيك، الالتزام والهدف هو اللي بيخلي الواحد ينجز ويعمل اللي هو عايزه مش الشغف ابدا، لان طبيعي جدا انك تمر في اليوم بمشاعر كتير متضاربة كلها وعكس بعضها، شوية زعلان، شوية فرحان، شوية حااسس بملل، ده الطبيعي). تاني حاجه محتاج تنظم وقتك، وترتب اولوياتك، وياريت لو يكون فيه محفز ليك بعد ما تخلص حاجه في المذاكرة .. وحاول تبعد عن المشتات السوشيال ميديا وغيره .. وان شاء الله تحصيلك يعلى مع الوقت .. أتمنى ليك السلامة
تم النشر السبت، ٢٠ مايو ٢٠٢٣
اقولك حل رغم غرابته الا انك لو مش عارف تتحكم فى نفسك اوى كده اعمله. ذاكر بره البيت ...مهما كان متقعدش فى البيت عشان تبعد عن الجو اللى بيسهل الموضوع انه يتنفذ. انشالله تطلع السطوح
تم النشر الأحد، ٢١ مايو ٢٠٢٣
انت قولت عادة وعلشان تبطل عادة محتاج عادات جديدة تكتسبها اقرأ أو اتفرج على فيديوهات لتحسين الذاكرة النوم بدري وبقدر كافي + ابتعد عن المشتتات + اذهب الى الجيم يوميا بتمارين بسيطة غير مجهدة ولو غير متاح تروح الجيم اعمل تمارين في البيت + صاحب أشخاص إيجابية فقط وحاول دائما يكون ليك ولو صديق يكبرك في السن يكون قدوة وليس مجرد شخص حتى لو من على الانترنت لانه بيبقى أكثر حكمة ومر بتجاربك ونصايحه هتخليك سابق سنك كون عادة لنفسك بالنسبة للمذاكرة خليها عادة يعني مثلا اربطها بالصلاة وغير في الأجواء ذاكر في أماكن خارج البيت أو البلكونة أو فيه كافيه هادي وابتعد عن أي مشتتات زي الموبايل او التلفزيون أو صحبة تفسد عليك المذاكرة خطط ليومك بشكل بسيط يعني بدون تفاصيل ومعقدات مثلا اجعل كل يوم ٣ مواد كل مادة ساعتين منفصلين حاول ماتقعدش على المذاكرة أكثر من نصف ساعة الا إذا وجدت نفسك مندمج ولا تشعر بالملل صلي وادعي في صلاتك بالتفصيل مثلا يارب اعني على مذاكرة المادة كذا وحببني في مذاكرتها وسهلها عليا ووفقني فيها وشوف الفيديو ده بيعرفك تذاكر بذكاء https://youtu.be/A7zCOOEBxhU بالنسبة للعادة السرية مع التغيير اللي انت هتعمله هتبدأ رغبتك في تركها حاول تبتعد عن المكان والوقت اللي دايما بتعمل فيها العادة دي لانها اكيد مرتبطة بمشاهدة الاباحية فلو بتعمل كدة في الحمام ماتاخدش الموبايل معاك والفترة دي عموما ابتعد عن الموبايل وامسح تطبيقات السوشيال ميديا اللي كمان ممكن يساعدك اكتب يومياتك لما تحس انك بتكتب تاريخك هتبقى عايز تملئه بأفضل حاجة عندك كل اللي هتعمله تشتري نوتة صغيرة وتكتب فيها افضل حاجة عملتها في يوم مثلا مامسكتش الموبايل النهاردة 👍 مااتفرجتش على افلام 🌟 ذاكرت ٣ مواد 🥳 لعبت تمارين رياضيه 💪 اتمشيت في الهواء الطلق وسط الطبيعة 🚶 مزاجي النهاردة جيد جدا متفائل خير يارب وفقني 🤲 ممكن طبعا تكتب ده على الموبايل تقدر تستخدم اي تطبيق notes يكون بسيط وخلي عنوان النوت بتاريخ اليوم يارب اكون ساعدتك
تم النشر السبت، ٢٠ مايو ٢٠٢٣
لعرض السؤال في فدني اضغط هنا