السلام عليكم ورحمة الله وبركاته
انا جوزي هاجرني ليه شهرين ونص ع الرغم انه عايش معايا مش بيسافر ومتجنبني خالص اسلوبه في البيت أوامر بس اسلوبه معايا حازم جدا كأنه بيتعامل مع حد غريب ولا ضحكه ولا هزار والبيت كله اكتئاب بيرجع من الشغل يقعد ع الفون لحد ميدخل ينام وانا مليت جدا عندي طفلة عندها سنتين والهجر في العلاقه برضو
السلام عليكم ورحمه الله وبركاته. ضروري جدا بقى نشوف هو قبل الشهرين ونصف دول. هل كان فيه تعامل عادي جدا وكان الطف وكان مختلف تماما يعني اللي هو فرق السماء والارض ولا هو كان كده بس الموضوع بقى ازيد؟ ده هيفرق قوي. كمان شوفي اذا كان. في حاجه اتغيرت في الحياه حاليا ولا لا لو مفيش يبقى اكيد في عوامل خارجيه ورد تكون ضغط شغل او مشكله هو مش قادر يحكي عنها او وارد جدا يكون في حد بيحاول ان هو يتقرب منه او اي حاجه يعني شوفي ايه الاحتمالات اللي ممكن تكون اقرب لانه بتفاصيل كتير جدا هتفرق لكن طبعا ما ينفعش تصبري تسكتي على الوضع ده يعني اقرب الطرق انك بشكل مباشر تبعتي له رساله لطيفه صباح الخير عامل ايه حاسه انك متغير طمني الامور كلها كويسه معاك ولا لا في مشكله بتحصل معاك طيب انا مضايقاك لو مضايقاك لو مضايقاك قولي لو في مشكله ااا انا السبب فيها عرفني علشان الوضع ما يبقاش كده. مش حلوه عشان ربنا يعني ما قالش ان احنا نبقى شكل البيت كده فحلينا نصلح مع بعض يعني حاولي انك تبادري معاه بالشكل ده وشوفي هيكون الرد ايه؟
تم النشر الخميس، ١٩ ديسمبر ٢٠٢٤
وعليكم السلام ورحمة الله وبركاته، أفهم تمامًا مشاعرك وما تواجهينه في هذه الوضعية الصعبة. الهجر داخل الحياة الزوجية، حتى لو كان الجسدي منعدم، يشعر المرأة بالعزلة وعدم الثقة، خاصة مع وجود ابنة صغيرة تتطلب الحب والرعاية. من المهم أن تعرفي أن التواصل هو الأساس لحل المشكلات. حاولي التحدث مع زوجك بلطف وفتح قلبك. قد يحتاج إلى معرفة ما تشعرين به بطريقة واضحة وصادقة. كوني حذرة عند اختيار كلماتك، وواهبي له فرصة للتعبير عن مشاعره واحتياجاته أيضًا. إذا كان سلوكه هذا نتيجة لضغوطات العمل أو مشاكل شخصية، فقد يكون من المفيد استكشاف تلك الجوانب معه. حاولي أن تكوني داعمة، وفي نفس الوقت، لا تترددي في التعبير عن حاجتك للتواصل والحب. إذا استمر الوضع دون تغيير، فقد يكون من المفيد طلب استشارة من مختص في العلاقات أو معالج نفسي يساعدكما على فهم المشاكل بشكل أفضل واستعادة التواصل بينكما. تذكري أن استقرار الطفلة وتعزيز بيئة دافئة ومحبة لها هو الأهم، لذا حاولي أن تبقي إيجابية قدر الإمكان. وإن كنت بحاجة لأي دعم إضافي، فلا تترددي في البحث عن مساعدة أو استشارة.
تم النشر الأربعاء، ١٨ ديسمبر ٢٠٢٤
حضرتك حاولي تتكلمي معاه وتشوفي هل تجاهله عن عمد بسبب زعل منك او يوجد ضغط خارجي سواء مشاكل بالشغل او مع الاهل ومن خلال اىكلام بينكم هيتضج سبب الفجوة بينكم ثم يتم حلها ويارب يصلح بينكم ويبعد عنكم كل شر
تم النشر الجمعة، ٢٠ ديسمبر ٢٠٢٤
افتحىي كلام انتي أو ابدأى بمواضيع
تم النشر الخميس، ١٩ ديسمبر ٢٠٢٤
اسأليه عن السبب . يمكن تكوني مزعلاه في حاجه و انتي متعرفيش
تم النشر الخميس، ١٩ ديسمبر ٢٠٢٤
هل فيه أسباب معينة خلته يعمل كدة؟
تم النشر الأربعاء، ١٨ ديسمبر ٢٠٢٤
لعرض السؤال في فدني اضغط هنا