..
اقطعي علاقتك بيه بجد انتو الاتنين غلطانين بس هو كان بيبدأ بمداخل الشيطان دي وده مش طبيعي خالص ده قرف بجد انا اتآذيت بس من الكلام اللى انتي قولتيه انا اسفه بس ده شخص مش آمين ودخل بيت اهلك وقعد معاهم وبيعمل كده من وراهم مع بنتهم وفوق كل ده ده مش بيحبك دي شهوه وخايفه عليكي بعد كل ده يقولك كل شيء قسمه ونصيب متطاوعيهوش ف اي حاجه حرام زي كده ده قرف يا بنتي وربنا عمره ما هيبارك ف اي خطوة بعد كده...وحتي لو كمل معاكي تفتكري هيشوفك ازاي وانتي بتطاوعيه ف حاجات زي كده؟ من رأيي تقطعي علاقتك بيه وتبدأي مع نفسك بدايه جديده.
تم النشر الثلاثاء، ١٣ أغسطس ٢٠٢٤
أول شي، حبيبتي، لازم تعرفي إنه مش كل حاجة نقدر نتجاوزها عادي. واضح إنك حاسة بعدم الارتياح تجاه التصرفات اللي بيقوم بها خطيبك، واللي هي فعلاً غلط. من المهم جداً إنك تحطي حدود لنفسك وتوضحي له إنك مش مرتاحة مع هالموضوع. حاولي تتكلمي معاه بصراحة. قولي له إنك بتحبي تكوني معاه، بس مش بهالطريقة. حاولي توضحيله إنه الطلبات اللي طرحها عليك مش مناسبة، وإنك تبغيين تحافظي على العلاقة بشكل صحي. إذا كرر التصرفات هذه مرة تانية، فكري بجدية إذا كانت العلاقة مناسبة لك. الأهم هو راحة بالك ومبادئك. العلاقات تقتضي احترام، وإذا هو مايقدر يحترم حدودك، ممكن تضطرّي تعيدي النظر في العلاقة. كوني قوية وافتحي قلبك، وبالتوفيق!
تم النشر الثلاثاء، ١٣ أغسطس ٢٠٢٤
السلام عليكم، شكرًا لعرض مشكلتك على فدني وإن شاء الله نقدر نفيدك. أولًا، للأسف فيه تعبير كارثي في كلامك وهو وصفك (تجاوزات بسيطة)... أختي، مين قال إن مسكة يد وحضن دي حاجة بسيطة. المفروض اننا بنقيس الحاجة تبع شرع ربنا... ربنا قال ده حرام يبقى مينفعش نقول حاجة بسيطة أبدا (وتحسبونه هينًا وهو عند الله عظيم) والحاجات اللي بنقول عنها بسيطة دي ممكن بعد كده تأدي لكوارث ومصايب أكيد سمعتِ عنها. لو كان خطيبك ده مكتوب كتابكم كنت قلت لك تمام، لكن ده لا يحل لكِ. عارفة إنك ندمتِ وهو اعتذر بس أعتقد إنك محتاجة تراجعي قرار خطبتك للشخص ده. هل شخص استحل تصرف زي ده معك وهو أكيد عارف إنه حرام هو شخص أمين عليكِ بعد كده؟ تعرفي إن كتير من البنات اللي اشتكوا من تصرف زي ده حصل معهم فيه منهم اللي وقعت في خطأ أكبر وخطيبها تخلى عنها في الآخر وسابها تواجه المصيبة لوحدها وفيه منها اللي فسخ الخطوبة بعد كده واتحجج إنها مش أمينة على نفسها لما وافقت على طلباته. حتى اللي كمل منهم واتزوج كان بيعاير زوجته بإنها غلطت معه؟ للأسف الأشكال دي كتيرة في مجتمعنا وربنا والدين بقى آخر حاجة يفكروا فيها. أنا عارفة إن كلنا بشر وممكن نقع في الخطأ. لكن الحقيقة مش قادرة أبرر اللي عمله ولا أقول إنه ضعف وزل وإن اعتذاره صادق لأن في مجتمعنا وزمننا مبقاش حاجة مضمونة. والحقيقة إن الأمان أضمن. استخيري ربنا أكثر من مرة واركني مشاعركِ على جنب... اقرأي عن صلاة الاستخارة وازاي تصليها صح وادعي ربنا يختار لك الخير... إن كان في زواجك منه خير فإن شاء الله ربنا هيهديه ويصلحه وييسر زواجكم وإن كان شر لك فإن شاء الله ربنا هيصرفه عنك. مرة أخيرة شيلي من تفكيرك كلمة (تجاوزات بسيطة) وخلي ربنا دايمًا هو الأول وفي بالك دايمًا. ربنا يحفظكِ من كل سوء ويوفقك في حياتك.
تم النشر الثلاثاء، ١٣ أغسطس ٢٠٢٤
احذرى ثم احذرى من هذه الزواجه البدايات الى مترضيش ربنا نهايتها مش هترضيكى.. لان حصل تجاوز وفى استسلام منك.. اخشى عليكى انك تقعى فى حاجه اصعب ودى لعبه الشيطان يوقع فى حاجه زى كده والموضوع يحصل فى تجاوز اكتر من كده و تندمى ندم شديد .. اسال الله ربنا يتوب عايكو لابد من توبه لانك لسه غريبه عنه متحلولش لسه ولا يحل ليه يعمل اى حاجه من دى الا بعد العقد عليكى والاشهار.. نفترض هو الى سابك ومكملتيش معاه ايه وبعد ماحصل كده هو مش هيفرق معاه هيخطب واحده تانيه وانتى هتتاذى نفسيه وغلطى وشيلتى ذنب كبير.. استغفرى ربنا وصلى ربنا يهديكى للخير ونصيحه اسمعى ضوابط الخطوبه لهاله سمير هتستفادى كتير وارجعى لربنا كلنا اصحاب ذنوب وربنا يسترها عليكى وعلى كل بناتنا واخواتنا..النبى صلى الله عليه وسلم قال إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير.. راجعى نفسك و اختارى حد تامنى عليه نفسك و عرضك ويكون أب لاودلاك
تم النشر الثلاثاء، ١٣ أغسطس ٢٠٢٤
معاك حق جزاك الله خيرا ي اخي انا صليت واستغفرت وندمت اوي علي اي حاجه بقبلها وهرفض ومش هوافق خالص علي اي حاجه من دي تاني شكرا لك
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا