لو سمحتوا انا متجوزة بقالي 15سنة واكتشفت ان جوزي بيكلم بنت قريبته بقاله 10سنين وحصلت بنا مشاكل كتير جدا لحد من اسبوعين سبت البيت واخوه راح جبني وسامحته للمرة المليون واكتشفت انه لسه بيكلمها مش عارفة اعمل ايه واايه سبب تمسكه بيها هل بيحبها مع العلم ان سلوكيتها وحشه وهو عارف كده يعني عمره ماحيتجوزها
فى البداية كده.ممكن يكون فى اختلافات بينكم وده أدى أن تحصل المشكله دى طب حاولتى تتكلمى معاه وتفهمى ايه اللى وصله للمرحله دى ممكن من النقاش هتفهمى أمور كتير وده بيكون بعيدا عن المشاكل يعنى الكلام بأسلوب واضح وهادى علشان تقدرى تفهمى وتحددى المشكله ايه لازم تعرفى بما انك متأكدة أنه مش هيتجوزها ليه بيتعامل معاها .ايه اللى ممكن يكون بيدور عليه ومفتقده الحوار والنقاش اهم حاجه اقوى وسيلة ممكن تستخدميها. حاولى تبعدى عن المشاكل وتركزى فى انك تعرفى الأسباب وازاى ممكن يتخلى عن العلاقه دى بأقل الخسائر وتذكرى دايما أن ربنا معاكى فى كل خطواتك وبيساعدك .وانك قوية وهتقدرى🌷
تم النشر الخميس، ٢٧ يونيو ٢٠٢٤
طب بصي انتي عندك تفسير الموضوع دا ف اخر كلمتين ان سلوكياتها وحشة وهو متأكد انه مش هيتجوزها هو الغرض من الكلام ما هو الا المتعة و الهروب من ضغط الشغل والبيت وكدة وكمان علشان هي ممكن تكون بتقدمله حاجات مغرية تخليه متعلق بيها تاكدي بقا انه مش بيخونك بمعنى الكلمة لا هو بيسلي نفسه م اكتر و كمان هو عمره ما هيسيبك و يروحلها علشان عارف قيمتك كويس كفاية انه اخدك بالحلال والغالي وهي بتكلمه سرقه
تم النشر الخميس، ٢٧ يونيو ٢٠٢٤
أولاً، حقيقي مقدرة شعورك وألمك، ومش سهل خالص إنك تكوني في الموقف ده. إنه يكون عندك هذا النوع من المشاكل والألم المتكرر صعب جداً. بالنسبة لتمسكه بها، في عدة أسباب ممكنة: الاعتياد : ممكن يكون اتعود على وجودها في حياته كنوع من الروتين، وبيلاقي فيها راحة أو هروب من أي ضغوط أو مشاكل يومية بيمر بيها. المشاعر المتناقضة : ممكن يكون عنده مشاعر متناقضة، مش الحب بالضرورة، لكن نوع من الإدمان العاطفي أو الارتباط العاطفي اللي صعب ينهيه. الاهتمام الزائد : بعض الناس ممكن يكون عندهم ميل إنهم يلاقوا الاهتمام من طرف تاني علشان يحسوا بالقيمة أو الإطراء. اللي لازم تفكري فيه دلوقتي هو نفسك وسعادتك وصحتك النفسية. لازم تسألي نفسك: هل تقدر تكملي في العلاقة دي وانتِ مرتاحة ومطمئنة؟ هل تحس إنك تستاهلي تعيش في كده؟ إذا كانت الإجابة لأ، إيه الخطوات اللي ممكن تاخديها علشان تحسني وضعك؟ مهم كمان إنك تتواصلي مع حد قريب منك أو أخصائي نفسي يساعدك في التعامل مع مشاعرك واتخاذ القرار الصحيح. وأخيراً، فكري في اللي بيعبر عن احترامك لذاتك وسعادتك الشخصية. كونك سامحتيه كتير ده دليل على قوة قلبك وحبك، لكن احياناً كمان محتاجين نفكر في نفسنا ونسعى للي يخلي حياتنا أفضل.
تم النشر الخميس، ٢٧ يونيو ٢٠٢٤
أولاً عليكِ الدعاء له بالهداية والصلاح. ثانياً ربما يكون حل خارج الصندوق، وهو تابعي صفحة شيريهان عصام الدين، لعلك تجدي الحل في ما تقدمه.
تم النشر الجمعة، ٢٨ يونيو ٢٠٢٤
لا عندي 3 اولاد وبستحمل برضه عشانهم
تم النشر الخميس، ٢٧ يونيو ٢٠٢٤
حبيبي صعب الخيانة من الزوج اناحاسة فيكي بس لومافيش اولاديبقى تتطلقي منه أفضل اناعندي اولادبيخوني وهومسافروبعيدوعايزيتجوزوانامستحملة علشان خاطراولادي لسه الصغيرة عمرهاخمس شهور
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا