انا طالبة ثانوية عامة السنة دي.. عايزة اسمع خبرات حد قدر يحقق حاجة كويسة بعد السنة الصعبة دي و يحكيلي تجربته لإني محبطة جدا رغم اني بذاكر كتير.. و من ناحية الكم و عدد ساعات الدراسة اعمل ايه؟ المفروض اذاكر كام ساعة في اليوم و اخد كام مادة و اخلص قد ايه فيهم.. يعني هل مثلا كفاية نص درس طويل بالأسئلة بتاعته ولا لازم درس كامل و كدة.. ف حقيقي انا في امس الحاجة ان حد يساعدني
في البداية لازم نكون فاهمين إن الثانويه مش سنة تعليم بس دي رحلة طويله عايزه نفس طويل ..استعداد كويس .. خطه واضحه لتحقيق هدف انتي حاطاه لنفسك ... طب هتتعبي ؟ .. أكيد طبعا بس الفكره إن احنا بنمشي ورا أمل ان مزاكرتنا في ميزان حسانتنا أولا وثانيا بنطبق آية وأن ليس للإنسان إلى ما سعى فالقرار قرارك هتسعى وتتعب هتلاقي وتفوز هتكسل في نص الطريق يبقا متستاهلش وفيه غيرك يستاهل ... كل واحد ليه تجربه مختلفه وقصه فيها عبره ومثال لتوفيق ربنا وحكمته وهتشوفي ده بنفسك فمتنتظريش تسمعي قصة حد وعيشي قصتك بس على يقين إن هدفك هيتحقق...وبس كده .. نيجي بقا لجزء المزاكره مش هقولك على طريقه عشان دي بتختلف على حسب كل واحد بس هفهمك مبدأ كويس .. إنتي وليكن عندك طاقه ومقدره تزاكري 10 ساعات في اليوم .. زاكرتي ال 10 تمام ربنا شايفك وشاف انك مقصرتيش لكن زاكرتي 8 برغم انك قادره تكملي 10 حتى لو هتضغطي نفسك شويه ساعتها يبقى اسمك قصرتي .. أتمنى تكوني فهمتي مضمون كلامي ومش هنقدر نعمل حاجه غير ناخد بالأسباب ونتوكل على الله ونفتكر دايما ان رزقنا مكتوب من البداية أصلا ومش هنشوف غيره فلا داعي للهلع ونشتغل في هدوء وتركيز .. بالتوفيق يا فندم ❤️
تم النشر السبت، ١٠ أغسطس ٢٠٢٤
لا يوجد لازم في قاموس الثانوية العامة. انظري، سأخبرك شيء تعلمي أن تصلي للأفضل بالنسبة لك وليس بالنسبة للآخرين، يعني لديك 24 ساعة في اليوم، استثنِ ساعات النوم والصلاة والأكل والدروس، وقسمي ساعات يومك. لا تنسي أن يشمل يومك بعض الراحة، وقللي التعامل مع الهاتف أو قاطعيه تمامًا إن أمكن لك ذلك. سأخبرك أن فكرة مراجعة الدرس بعد أن يُشرح وحل تطبيقات عملية عليه هذه تقنية تساعد على تثبيت المعلومة. وكذلك سماع ملخص للدرس وأنت في طريقك للدرس قبل أن يشرحه المدرس، هذا يساعدك على التركيز في الحصة ويقلل الشرود والتشتت.
تم النشر الجمعة، ٩ أغسطس ٢٠٢٤
الفكرة مش في كم الساعات الي تذكريها الفكرة في الكم نفسه في ناس ممكن تذاكر كم معين في ساعة وناس تانية في نص ساعة فحاولي كل يوم تحددي كم معين في كل مدة وتخلصيها بغض النظر عن الوقت واهم حاجة في السنة دي اوعي تراكمي وذاكري اول بأول
تم النشر السبت، ١٠ أغسطس ٢٠٢٤
السلام عليكم ورحمه الله وبركاته حاضر يا دكتوره معاكي محمد 2024 الدفعه اللي فاتت يعني. طبعا الثانوي بيجي لنا في افكار صعبه زي اللي بتجيلك في الاول دي. اييي بس على فكره الموضوع غير كده خالص يعني؟ الموضوع غير كده اطلاقا ممكن الخوف والقلق بتاعك ده من الشيطان انك بس مش هتلحقي هو كل الافكار اللي هتيجي لك سيئه هدفها الرئيسي حط 1000 خط تحت الجمله اللي هقولها لك دي هدفها الرئيسي كل الافكار دي انك توقفي عن المذاكره من الاخر الشيطان مش هيسيبك ربنا قال في القران انما ذلكم الشيطان يخوف اوليائه فلا تخافوهم وخافوني ان كنتم مؤمنين انا عرفت الحقيقه دي متاخر للاسف يعني انا كنت تعبان نفسيا كنت وفرت على نفسي تعب كبير يعني كان المفروض كده افتح طريقه امل وطريقه فوق زي ما انت بتكلمي مثلا انك قدامك بس انت دلوقتي حاطه في دماغك صوره اللي هو طريق الاحباط والتعب النفسي والكلام ده كله ومش عارف ايه؟ الحياه مش كده الحقيقه ان في ناس بتوصل واا ناس كثيره والحمد لله ربنا وفقني بمجموع كويس بس لسه باقي لي يعني سنه بس الحمد لله يعني على كل حال واتعلمنا والله من السنه دي الصبر والتقسيم وانك مفيش حاجه بتضيع ابدا يعني مفيش جهد هتبذلي اصلا هيضيع يعني. على عكس مثلا الطلبه اللي بتقول لك مجهول ده ما اعتقدش ان هو بيكون يعني ايه؟ كان احسن حاجه او نظم الدنيا باحسن حاجه ما اعتقدش ان في ناس موجوده بتوصل ودي حقيقه هو كان منظم اكتر وكان فاهم هو بيعمل ايه بس الفكره كلها انك تكون منظم وقتك وبتذاكر اول باول يعني المطلوب في الثانوي هو حضور بانتظام مذاكره اول باول. والحل اهم حاجه الحل على حسب امكانياتك وقدراتك في ناس مثلا ممكن تكون معاه امكانيات اللي تجيب مذكره المستر او الكتاب اللي مستر وممكن ما نجيبش الكتاب التاني مش مشكله ممكن تشتغل عليه بي دي اف لو يعني اصل هو مسامحين او كده فاا عادي المهم الامكانيات سواء امكانيات ماديه او امكانيات اللي هي قدرات يعني اللي انت تقدر تشتغل ولا لا بس ارشح لك انك تشتغل من مصدرين وما تزودش عن كده انك ممكن تتعب نفسك فاهمني ولو في وقت زودت فهو خير ليك بس على حسب امكانياتك ما تزودش فوق طاقتك يعني الماده بتتذاكر كل يوم بتذاكر ماده مثلا او على حسب عندكم الدروس قد ايه في اليوم ممكن تاخد درسين في اليوم يعني جزء بسيط يعني عندنا مثلا في اسكندريه والقاهره بناخذ الماده في اليوم بس يعني جزء اكبر شويه فهي كل حسب يعني كل محافظه تختلف عن الثانيه بس انت الاساس انك بتنظم كل حاجه. فاهمني وبس يعني ما عليك الا انك تعمل ثلاث حاجات دول بس اول باول ما كانش حاجه يعني هتوصل ان شاء الله يعني وناس كثيره بتوصل ما تقلقش ناس كثيره كويسه وهتفرح بمجهودك بقى في الاخر واما تيجي تخش الامتحان كده وتعرف ان مجهودك جوه هو وباين وانت بتعرف تحل فما تقلقش من الثانويه خالص لان هي مش مستاهله اي قلق والله. وبنقتل العلم والوصلات اللي هتتكون في دماغك ااا بتاعه النيوز بتاعه الوصلات العصبيه العلميه طريقتك التعليميه اصلا هتبقى ثابته يعني مش هتضيع ابدا اللي بيقول لك الداتا بيكدب عليك عشان هو بس محبط في الفتره دي. فربنا معكم يوفقك يا رب.
تم النشر السبت، ١٠ أغسطس ٢٠٢٤
أهلا بك يا حبيبي! أفهم تماما إحساسك، الثانوية العامة فعلا سنة صعبة لكن فيها كتير من الفرص! في كتير طلاب مروا بنفس تجربتك وقدروا يحققوا نجاحات بعد ما عانوا، فخلي عندك ثقة بنفسك. بالنسبة لساعات الدراسة، ممكن تبدأي بـ 4 ساعات في اليوم وتقسميهم على المواد. المهم إنك تخلقين روتين تناسبك. لو حابة تذاكري بشكل أعمق، حاولي تخلصي درس كامل ومعاه الأسئلة. نص درس كفاية بس علشان تجربي طريقتك في الفهم. وحاولي ما تزيدي عن 2-3 مواد كل يوم، بحيث يتبقى لك وقت للراحة. كمان بالراحة والتركيز أحسن من المذاكرة لعدد ساعات طويل بدون فائدة. خدي وقت للراحة بين الدروس، ممكن تشربي شاي أو تمشي شوية. ما تكسري قلبك، النجاح بيجي مع الصبر والجهد. آمن بنفسك واشتغلي على أهدافك. إذا تحسي بالتعب، ممكن تتكلمي مع أحد من أهلك أو صديقاتك عن إحساسك. وكلما تحتاجي مساعدة أنا هنا!❤️
تم النشر الجمعة، ٩ أغسطس ٢٠٢٤
باذن الله يحبيبتي ❤️
تم النشر السبت، ١٠ أغسطس ٢٠٢٤
شكرا ليكي جدا و ان شاء الله ربنا هيكرمني علشان بجتهد و بعمل اللي عليا و بجد كلامك ريحني و فادني ف شكرا اوي
تم النشر السبت، ١٠ أغسطس ٢٠٢٤
انا هقولك على حاجه هتنفعك جدا... بصي علي قد تعبك هتلاقي كرم ربنا كبييير اوي كل م هتتعبي ف المذاكره كل م الكرم يزيد وتلاقي ربنا مديكي صبر طول السنه انتي نفسك مستغرباه.. انتي هتيجي ف نص التيرم كده وتملي شويه بس اقسملك يبنتي كل م تعافري كل م ربنا يكرمك أكتر.. والثانويه كام شهر.. يوم النتيجه لما تلاقي ان شاء الله نفسك جبتي مجموع عالي وربنا اداكي علي قد تعبك اقسم بالله ماهتفتكري انك تعبتي اصلا
تم النشر السبت، ١٠ أغسطس ٢٠٢٤
بس ف النهايه حيه اقولك ان الثانويه مش بعبع اوعي تتعاملي معاها على أنها كابوس أو سنه وحشه أو أو.. والله يبنتي سنه عاديه جدااا زي اي سنه
تم النشر السبت، ١٠ أغسطس ٢٠٢٤
ومش بقولك بهدلي نفسك مذاكره ليل نهار لا طبعا مفيش عقليه تتحمل كده... لكن لو انتي عام ممكن تذاكري كل يوم بتاع ٧ أو ٨ ساعات ف وقت كويس زي مثلا من الساعه ٦ للفجر دا اظن توقيت كويس جدا وتنامي الفجر وتصحي على أول معاد درس لكي وتيجي من الدروس تنامي وكده
تم النشر السبت، ١٠ أغسطس ٢٠٢٤
لعرض السؤال في فدني اضغط هنا