مشكلتي اني اصبحت دون اصدقاء فجاءة اكتشفت ده بعدما كل صحابي بعدوا عني ، بيخرجوا زي زمان ومحدش بيقولي معني كنت وافي جدا وكنت خير صديق وناصح ، كنا نخرج كثيرا في اولي وتانية ثانوي ثم تغير كل شي عند انتهاء الثانوية وبداية الحياة الجامعية احدهم يعتبر صديق طفولتي منذ الابتدائية لكنه اصبح يفضل علي شخص اخر بالرغم اننا كنا اصدقاء مقربين وعندما اعرض عليه الخروج يقول حجج ليست حقيقية، ويوم ما عرضت عليه الخروج رفض لان لديه امتحان تاني يوم ثم خرجت مع اخي وأصدقائه وعند عودتي مع اخي وجدته صديقي (ال عليه امتحان تاني يوم) ماشي مع صديقي الاخر الذي فضله علي كانوا جالسين سوا لا اعرف اين لكن انتهوا من الجلوس في هذا المكان وكانوا ذاهبين الي بيته ليجلسوا ويتحدثوا مرة أخري وقالوا لي انهم اتصلوا علي بعض يقعدوا شوية بالرغم اني عرضت عليه وقال ان عليه امتحان فكيف هذا ! ومنذ يومين كنت بجيب حاجة لوالدتي ثم رايت صديقي هذا ينتظر الاخر تحت بيته معنه قالي انه مشغول عشان الامتحانات وحالفلي انه مش بيخرج خالص وفي الاخر شفته مستنيه عشان يخرجوا
ماذا افعل ؟ هل اتركهم الي حال سبيلهم ام احاول معهم مرة اخري
وهناك مشكل اني اخاف ان اكون اصدقاء جدد يصبحوا مثلهم
مش لازم كل الناس يستمروا معاك .. ومش لازم تطلع انت الشخص السئ برضه .. او حتى هما .. حاجات كتير ممكن تكون موجودة في غير الللي شايفينه .. اوقات الظروف! اوقات الحياة ومراحلها المختلفة! اوقات بنكتشف اننا عايز شخص بمواصفات تانية! اوقات احنا نفسنا بنتغير وبيتغير معانا كل حاجه في حياتنا! متستعجلش على حاجه .. وسيب كل حاجه تاخد وقتها. انا عارفه انك مضايق على العشرة، والوقت .. متعتبرش ده مرحلة وحشة من حياتك وخسرتها. بالعكس اعتبرها مرحلة من حياتك وخلاص خلصت .. واصنع مرحلة غيرها .. وبالمناسبة .. اي شخص بيبقى في حياتك رسالة، ل اما انت بتكون له رسالة، ل اما هو بيكون لك رسالة. ايا كانت بقى الرسالة ديه هيكون انطباعها ايه عليك، ولكنه شئ يغير فيك، او يغير فيه. واخيرا .. متحاولش معاه تاني، انت قدمت السبت، قدم هو الحد،قدم ... مقدمش خلاص، متكلموش تاني.
تم النشر الاثنين، ٢٥ ديسمبر ٢٠٢٣
اظن ان خير اجابة هى قول الشافعي: اذا المرء لا يرعاك الاتكلفا:فدعه ولا تكثر عليه التأسفا ففى الناس ابدال وفي الترك راحة:وفي القلب صبر للحبيب ولو جفا فما كل من تهواه يهواك قلبه :ولا كل من صافيته لك قد صفا فان لم يكن صفو الوداد طبيعية :فلا خير في ود يجيئ تكلفا. وهذه فرصة ان تتعرف على اصحاب صالحين فاقتنصها والسلام
تم النشر الاثنين، ٢٥ ديسمبر ٢٠٢٣
الاصدقاء مرتبطون بمراحل االحياة او بالمكان ..فليس هذا بالضرورة بسبب عيب فيك او فيه جمعتكم صداقة بسبب المدرسة وبانتهائها تنتهى الصداقة وهذا طبيعى لا تقوم بفرض قانون على نفسك يمنعك من الاستمتاع بكل ما فيها ...لسه هتقابل شخصيات هتقرر انت اللى تبعد عنهم او شخصيات يبعدوا هما وتكتشف ان ده خير ليك
تم النشر الاثنين، ٢٥ ديسمبر ٢٠٢٣
الحياة مراحل يا صديقي، حاول تقبل هذه الحقيقة، ولا تتعلق بمن تجاوزك. سافر تجد عوضًا عمن تفارقه.. لا أقصد السفر تحديدا ولكن التنقل وتقبل التغيير. اقرأ أبيات الإمام الشافعي ستجد فيها راحة ونصيحة عظيمة إذا المرء لا يرعاك إلا تكلفا فدعه ولا تكثر عليه التأسفا ففي الناس إبدال وفي الترك راحة وفي القلب صبر للحبيب ولو جفا فما كل من تهواه يهواك قلبه ولا كل من صافيته لك قد صفا إذا لم يكن صفو الوداد طبيعة فلا خير في ود يجئ تكلفا ولا خير في خل يخون خليله ويلقاه من بعد المودة بالجفا وينكر عيشا قد تقادم عهده ويظهر سراً كان بالأمس قد خفا فسلام على الدنيا إذا لم يكن بها صديق صدوق صادق الوعد منصفا
تم النشر الثلاثاء، ٢٦ ديسمبر ٢٠٢٣
نصيحه حاول تطور من نفسك تطور اسلوبك وحياتك للاحسن وحاول تتعرف على اصدقاء جدد ونصيحه عامل الناس ب المثل ال يحبك حبه وال يهملك أهمله
تم النشر الثلاثاء، ٢٦ ديسمبر ٢٠٢٣
لو ركزت في حياتك ونجحت فيها هتلاقي ناس كثير بتقرب منك يا اما عشان يعرفوا سبب النجاح يا اما علشان يكونوا زيك الناس اللي ما ترضاش تكون معانا بلاش نكون تقال عليهم في ناس كثير تتمنى ان احنا نكون معاهم فبلاش نضيع وقتنا في اللي بيبعدنا عنهم
تم النشر الاثنين، ٢٥ ديسمبر ٢٠٢٣
جربي كدا تعيشي حياتك وتظبطي امورك، هتلاهم تلقائي نفسهم عايزينك وفي حاجات اهم تشغلي نفسك بيها محدش هينفعك منهم
تم النشر الاثنين، ٢٥ ديسمبر ٢٠٢٣
حاول تحس بقيمه نفسك اولا انت انسان مخلص كون صدقات جديد ربنا بعدهم عنك علشان مش شبهك
تم النشر الاثنين، ٢٥ ديسمبر ٢٠٢٣
وممكن يكون سوء اختياراتك في صحابك مش بتختاري صح، لكن م0كل الصحاب زي بعضهم وافتكري دايما انو ربنا بيبعد عنا الحوش فمتضايقيش اكيد هما شبة؟ بعض ونت مختلفة علشان كدة ربنا بيبعدهم عنك انتي مش وحشة
تم النشر الاثنين، ٢٥ ديسمبر ٢٠٢٣
الاصحاب الجيدين لا يتصرفون مثل هذا التصرف ابتعد عنهم حتي تحافظ على قلبك ونفسك لانهم مخادعين
تم النشر الأربعاء، ٢٧ ديسمبر ٢٠٢٣
انا حرفيا مريت بكل اللي بتمر بيه ودلوقتي ربنا عوضني عوض كبييير جدا عن الصحبه الفاشله عوضني بصاحبه بكل صحاب الدنيا الصاحبه اللي تمسك بايدك وتتقدم للامل للمستقبل والاهم للجنه وصدقني في يوم ربنا هيعوضك بس اصبر وعافر عارفه انها حاجه صعبه بس صدقني الصبر ده هيجيبلك عوض الدنيا بحالها عوض هيبكيك من كتر شوقك ليه وهتشكر ربنا ف كل ثانيه في كل جزء لا يتجزاء من الثانيه
تم النشر الثلاثاء، ٢٦ ديسمبر ٢٠٢٣
المرحله اللي انتوا فيها مرحله كفاح يعني ما بعدها مسؤليه كبيره وضغط والشخص الواعي وحده اللي هيقدر يتحداها ممكن ربنا بيبعده عنك علشان تبص بصه لقدام وتشوف انت لازم تعمل اي خليك شجاع وانزل الساحه لان الدنيا حرب والكسبان هو اللي قدر يفوق من غفوته قبل ما تضييعه شوف حاجه تشغل بيها وقتك اتعلم حاجه جديده دلوقتي تقدر تكون نفسك باكتر من طريقه من غير اصحاب من غير دعم من حد اتعلم واستفاد وبعدها صدقني مش انت اللي هتدور عليهم انما العكس وقتها هتحص بالنصر اللي مش هييجي غير بعد كفاح ومحاوله والاصحاب احيانا كتير بيكونوا هم سبب فشلك
تم النشر الثلاثاء، ٢٦ ديسمبر ٢٠٢٣
لعرض السؤال في فدني اضغط هنا