عندة سؤال اتمنى ان حد يساعدني فية . عندى مشكلة انى دايما بحس ان زميلى ف الشغل بيتكلموا عليا و بينتقدونى طول الوقت. انا بنت محترمة جدا و عاملة لنفسى حدود مع الكل و صريحة كمان. بس مش اجتماعية اوى او بمعنى أصح اجتماعية مع الناس اللى برتاح ليهم ، الناس اللى شبهى بس ف شغلى الحالى بحس دايما ب انتقاد من اللى حواليا و دايما بحس ب نقد بسبب او من غير
و للأسف تقريبا جتلى عقدة من دة و بقيت اكرة اروح الشغل بسببهم .
بس الحمد لله انا محبطة بنعم كبيرة اوى و دايما ربنا بيكرمنى
نفسى اعرف ازاى اتعامل مع الاحساس دة و اواجهه ازاى
شوفى هو انتى لو محافظة على احترامك وادبك وحدودك مع الناس عشان تظهرى بس بمظهر كويس والكل يشكر فيكى ...فدى مش حقيقة الاجتماعيات عموما . الواحد بيفضل كويس لنفسه ولربنا قبل اى حد لان محدش الناس مش هتنتقده ...ربنا عز وجل وانبياءه ورسله تم انتقادهم فالنقطة دى افضل تعامل معاها هو الثبات رغم اللى بيحصل ..طالما انتى عارفه انك على الحق لان انتقاد الشخص اللى قدامك للحق مش هيغير من الحق ...لكن لو انتى مش واثقه فهيكون فى احتمال انك تحيدى عن الحق ومعتقدش انك تحبى ده يحصل واكتفى بالاشخاص اللى شبهك لانك مش مضطره تكونى صاحبة الكل اصلا كفايه ان الناس تحترمك مش لازم يحبوكى
تم النشر الثلاثاء، ٦ فبراير ٢٠٢٤
طنشيهم وخليك واثقة في نفسك واعرفي ان العين بتكره اللي احسن منها الا من رحم ربي
تم النشر الثلاثاء، ٦ فبراير ٢٠٢٤
حاسه ولكن انتي مش متاكده صح؟ يعني عندك احساس انهم بيتكلموا عليكي .. لكن انتي مش متاكدة اذا كان بيتكلموا ولا لا؟ ثم ماذا لو كانا بيتكلموا فعلا؟ انتي مطلوب منك تعملي ليهم ايه؟ مش مطلوب منك اي حاجه وقتها .. اللي هيتكلم هيتكلم حتى لو كنتي ايه!! طول ما انتي محترمة نفسك وعامله حدود .. انتي كده تمام. ثم انتي ليكي الحق في اختيار الناس اللي هتقربي منهم .. وده علشان راحتك الشخصية وحدودك اللي انتي محتاجها تكون موجودة وده مش غلط! تواجهي ده بانك تثقي في نفسك وتعرفي اللي عايز يتكلم هيتكلم كده كده .. طول ما انتي مش بتعملي اذي لحد .. ومحترمة نفسك وحاطه حدود انتي كده تمام.
تم النشر السبت، ٣ فبراير ٢٠٢٤
فالغالب هذا الوسواس الذي يأتي لكِ سببه ضعف فالشخصيه. استعيذي بالله من هذه الوساوس وحتي ولو كانوا يتحدثون عنكِ بطريقه سيئه في غيابك فسوف يعوضك الله.
تم النشر السبت، ٣ فبراير ٢٠٢٤
لعرض السؤال في فدني اضغط هنا