محتاجه اتكلم مع حد يفهمني من غير تجريح ومحتاجه افضفض معاكم واخد رأيكم
اتعرفت علي حد من فتره كبيره كنا اصحاب وبس وكان مرتبط بواحده ارتباط مش رسمي مع رفض اهلها فكره الزواج منه تماما
مع الوقت قربنا لبعض جدا وحبينا بعض وانا والله قربت ليه لاني كنت متأكده ان موضوعه ده مش هينفع ابدا عمري مافكرت اني اكون بفكر في حد مرتبط
حاليا اهلها وافقوا يتقدملها بس بعد كذا شهر وحاليا انا في صدمه جامده جدا مش عارفه افوق منها لدرجه اني حتي معرفتش ابعد عنه بعد حتي مااختار انه يروحلها هي
لسه معايا لسه بيقولي انه بيحبني بس برغم ده هيروحلها هي في الاخر
حاسه اني اوحش حد اني قابله علي نفسي وضع غريب زي ده وحاسه اني قليله عشان كده مختارنيش
بقيت بدعي انه يكون ليا لاما اموت قبل ماييجي اليوم اللي هيسيبني فيه
هو كل حاجه بالنسبالي بيعوضني عن اهلي واصحابي وكل الناس والله
محتاره اعمل ايه وحاسه دايما اني في حاله انهيار من الموقف ومش ببطل تفكير
اهربي من دلوقت افضل .. علشان مش طبيعي ابدا يكون عايز يكون معاها وفي نفس الوقت هو معاكي برضه .. بصي عليها من بره وكأنها مشكلة حد تاني .. مش هتحسي ان الوضع مريب ..!! وان لازم البنت اللي هي انتي تهرب. لان اولا هو هيروحلها مش علشان هي احسن او انتي احسن ..! علشان هو بيحبها .. وواعدها بالزواج، وحاول كتير علشان يعمل ده. انتي للاسف كنتي التعويض عن اللي حصل، والعلاقة التعويضية هي مش حب ده بالنسبة للطرف التاني مش ليكي. وعلشان كده الوضع كله غلط من الاول اساسا .. منطق الصحوبية نفسه غلط، دينيا حرام. ف ياريت قبل ما الموضوع يدخل في نطاق اكبر غلط وتكوني سبب في ان البنت ديه تعرف علاقتكم ببعض .. ياريت تنهي العلاقة ديه فورا، النهارده قبل بكره. وحافظي على نفسك من كل ده من الاول وبلاش علاقات مش رسمية .. وبلاش علاقات صداقة.
تم النشر الخميس، ٧ مارس ٢٠٢٤
اذهبي الى الله ... اقري قصتي كامله لاتحكمي من بدايه وانشاء الله أفيدك ولو بشي قليل اني كنت أيضا واقع بحب فتاه من كنا اطفال يعني في الابتدائية حبيتها لحد مصار عمري 18 سنه تحول هذا الحب من حب إلى تعلق وتفكير فيه دائما ..وانا شاب جميل وسيم ولم افكر ابدا في غير هذا الفتاه فقط عل رغم من لدي وجه جميل وأستطيع الحصول عل فتيات اجمل منها لكن كنت. اخاف الله ولم تفعل شيئا سيئأ فحتى الفتاه لم أكن المسها أو او ازيد بنضر إليها طبعا والدها ووالدي اصدقاء فأصبحنا نذهب إليهم هم يأتون الينا طبعاً البنت هاي تبادلني نفس شعور أيضا ليس انا فقط يوم صار لي حادث اثر عل نفسيتي وجعلني اتغير كثيرا فلم أصبح ذاك شاب الوسيم والجميل اصبحت شخص سمين واسمر الون مع الايام انتبهت عل بنت غيرت طريقتها معي بكلام وكثير من أمور ..الي يوم قالت لي أن صديقي معجب بها وهي تريد أن توافق هنا صار انفجار داخلي وبكيت كثيرا واقول ليش شنو سويت اني كنت ادعي لله اني تكون لي ولم تفعل اي شي خطأ بحقها يأتي أحد غيري يأخذها طبعا كنت متعلق بهاي فتاه بشكل غير طبيعي لدرجه خلال سنوات هذا كل يوم اني اقول اسمها من دون وعي والله العظيم أصبحت كالدمان عليها واقول بنفسي كيف رح أنساه مستحيل مارح اعيش اذا تزوجت رح اضلم مرتي لئن اعلم رح تضل مشاعر نحو فتاه سابقه كيف وايش اعمل بعد كل هذا سنوات كيف أنساه الى بليله واحده تغير كل شي ساعه واحده ليلا فزيت من نوم فا توضيت وذهبت اصلي صلاه الليل ودعيت ياربي ابعد هذا الحب ومشاعر التي بداخلي فلقد تعبت وأدعو كل ليله فأصبح مستحيل حقيقه مع الله اذهبي الى الله يا اختي واطلبي منه ان ينجيك مما انتي عليه فقد يكون هذا شخص مهما كنت تحبيه قد يسيئ لكي في مستقبل والله ابعدك عنه اذهبي واطلبي من الله ان يبعده عن قلبك واصبري واصبري فلقد تحملت أنا شهور مع الله إلى أن نسيتها بفضل الله ولولاه لا أصبحت سنين اتمنى ان تكون قصتي فادتكي ولو بشي قليل دمتي سالمه
تم النشر الخميس، ٧ مارس ٢٠٢٤
نصيحة ما بني علي باطل فهو باطل للنهاية انا حبيت واتحبيت وخطبت وسيبت واتسابت وفالاخر لما نويت الخير لنفسي وللي قلبي يختارها اتجوزتها وربنا يسر الدنيا فخلال ٥ شهور وانا مكنش حيلتي حاجة بس ربنا يسرها من عنده لكن اللي رايد هيدخل البيت من بابه غير كدة فهو باطل
تم النشر الخميس، ٧ مارس ٢٠٢٤
هو مش خير ليكي ، ابعدي عنه في اسرع وقت ، صلي و ادعي ربنا كتير اوي يكتبلك الي فيه الخير و اشغلي كل دقيقه في حياتك ، متسبيش دماغك تفكر ابدا ، ابعدي عنه ، و لو نصيبك ربنا حيرزقك بيه ، لكن ابعدي و شوفي حياتك انتي و لو تقدري تتابعي مع طبيبة نفسية او حد تستشيريه بشكل أوسع
تم النشر الخميس، ٧ مارس ٢٠٢٤
إبعدي عنه .. دا علاقه محرمة من البداية وغير شرعية وهو شخص باين جدا إنه بيتسلى وبيضيع وقت ومعندوش مشاعر إتجاهك ولا إتجاه اللي هيخطبها.. إزاي بيقول إنه بيحبك وبيحبها؟ إقطعي علاقتك بيه و إحمدي ربنا إنه إتكشف ليكي على حقيقة من الوقتي .. تخيلي الشخص دا لو كان أهل البنت التانيه رفضوه وجه إتقدملك انتِ .. تضمنى إنه ميكلمش غيرك عليكي و يوهمها بالحب زي ما عمل ؟ ربنا كشفهولك قولي الحمدلله وإبعدي بنيه ترك الحرام وربنا هيعوضك وهيقويكي على ترك معصيته
تم النشر الخميس، ٧ مارس ٢٠٢٤
أعتقد أنه لو إختارك سيعيش حياة أفضل من اختياره الأول..! ولكن مع ذلك هو لازال متعلق بالأولى وجعلك إحتياطي ولم يحبك بجد، وكان الصح أنه لو عنده كرامة وأترفض خلاص يسيبها ويروح عند اللي حبته بجد.! فعلى الأقل حتى لو لازال يحبها ليتذكر رفض أهلها له!!!!
تم النشر الخميس، ٧ مارس ٢٠٢٤
اللي انتي فيه ده بجد حاجه مش حلوه متقبليش علي نفسك حاجه هي بتذيكي نفسيا متقبليش تكوني سد خانه لحد تاني محدش بياخد مكان حد ومحدش بيعوض مكان حد لازم تكوني عارفه حاجه زي دي وإن النصيب والرزق محدش بيسرقهم أو بياخدهم من حد كل واحد ليه نصيبه ومكتوبله لو ليكي نصيب معاه هتلاقي الأمور اتيسرت واتحلت معاكي لو غير كده يبقي الموضوع خالص مش في صالحك ولا هو من نصيبك اصلا واوعي تصدقي حد يقولك أن بيحب شخصين في نفس الوقت لأن ده كدب القلب يملكه واحده بس مش اتنين متخليش الشيطان يصورلك أنه بيحبك لأن ده عمره ما كان حب هو كان بيحاول ينساها بيكي لكن معرفش هي دي الحقيقه اللي لازم تصدقيها
تم النشر الخميس، ٧ مارس ٢٠٢٤
أولا حرام الصداقه بين الولد والبنت لأن العلاقات دي حرام وليس جائزه في الاسلام قال الله تعالى (لا تواعدهن سرا) ف انتى المفروض تبعدى عنوا ومتكلميش اي شباب اصلا وده مش تعقيد ولا حاجه عيشى حياتك زي ما تحبي لكن بما يرضى الله وأتذكر أن (علاقه لا ترضي الله نهايتها لن ترضيك) وكل واحد نصيبوا وقدروا متحدد ومكتوب ف بلاش نضيع طاقتنا في الحب فى الحرام حاولي تنسيه وان شاء الله ربنا يعوضك بحد احسن ويبحبك ويقدرك والدين ليس به تعقيد لكن الناس هيا اللى فاهمه غلط والحب مش حرام لكن الطريقه دي حرام حبي اللى يتقدملك ويدخل البيت من بابوا واديكى شوفتى نهايت العلاقات المحرمه لو استمريت ممكن يحصل الاسوء ممكن يكون شخص مش مناسب ليكى ربنا عارف الخير فين أن مع العسر يسرا وان شاء الله ربنا يعوضك بس انتى توبي لأن العلاقه حرام مع كامل حبي واحترامي ليكى 🥰💓
تم النشر الخميس، ٧ مارس ٢٠٢٤
فيه نوعية من الناس عايزة تمسك العصاية من النص بمعنى انك انتي لو بعدتي هي هتبقى موجودة، و العكس صحيح يعني لو هي حصل حاجة و أهلها مثلاً عملوا مشكلة أو الموضوع مكملش ف انتي اللي هتبقي الاحتياطي، أنا مش قاصد أي إساءة والله بس كان لازم تفهمي بالطريقة دي علشان تفوقي لنفسك
تم النشر الخميس، ٧ مارس ٢٠٢٤
هقولك حاجه بس افهميها صح ال بيحب ميقدرش يبعد عن ال بيحبه وفكري في حياتك من حقق تعيشي الحياه ال تتمنها مش المتاحه لانك كدا بتضري نفسك نصيحتي ليكي فكري بعقلك مش بقلبك وحولي انتي تبعدي نفسك انتي خيريه ولو مختركيش اعتبري الحال انتهي ولو بيحبك بجد هيرجعلك ولو لا يبقا انتي الكسبانه اولا كسبتي نفسك ثانيا خرجتي من العلاقه السامه دي لان لو كملتي كدا اخرتها هتزعلك انتي لان قربكم من بعض عامل زي المسكن لجرح محدش بيعلجه وحله ييتعالج صح ،ربنا يوفقك ،واتمنالك كل خير
تم النشر الخميس، ٧ مارس ٢٠٢٤
بداية لازم تبقي عارفة حاجة مهمة أوي،سواء راجل أو ست بعد الإنفصال علطول بيحتاج يلاقي حد يعوض المكان الفاضي بتاع الشخص اللي فات ف هو محبكيش هو بس سد بيكي المكان الفاضي ده، و بدليل إنك بتحاولي دلوقتي تسدي مكانه الفاضي و بتسألي هنا، أهم حاجة الفترة الجاية تمسكي نفسك كدة و هي فترة والله و هتعدي إن شاء الله
تم النشر الخميس، ٧ مارس ٢٠٢٤
وانتي علي فكرة مش اوحس. انتي الطرف المظلوم فالحكايه دي فلو سمحتي. تبصي للموضوع بنظرة أكثر ايجابيه لان هو الشخص اللي مقدرش ولما راح راح مبسوط كمان انتي مفكيش عيب لاكن هو اللي فيه عيب النكراناحمدي ربنا لحد.كده.
تم النشر الخميس، ٧ مارس ٢٠٢٤
حبيبتي هو مقدرش ده. انتي متزعليش مني انتي بالتسباله كنتي استبن وحدة كان عيزخا ورفضتخ غلق غيرها ولما رجعتلو سابك. احمدي ربنا أنك عرفتيه علي حقيقتو قبل الجواز وصدقيني حتي لو عايزاه للدرجادي ده شخص بياع حتي لو كان حنون معاكي. فالحاله دي احكمي من المواقف متخكميش باللي جواكي واللي كان
تم النشر الخميس، ٧ مارس ٢٠٢٤
اختارى نفسك وابعدى بصى انتى فى الحالتين موجوعه لو فضلتى معاه هتتوجعى لانه بيحب غيرك ولو بعدتى عنه موجوعه لانك بتحبيه خلاص اختارى الوجع اللى فيه كرامتك الحب بيقوى مابيضعفش وعلاقتك بيه مش هتعمل حاجه غير انها ترهقك وتخليى دماغك دايما مش رحماكى سبيه ووكلى امرك لله واستغفرى كتير لانه ممكن ربنا يكون بيحبك فبيديكى اشاره تبعدى عن الحاجه الحرام فابعدى وربنا هيعوضك باللى يقدرك ويحسسك انك كفايه
تم النشر الخميس، ٧ مارس ٢٠٢٤
اختي لازم تعرفي حاجه انه هو محبكيش لانه مستحيل معاه وحده ويرجعلها تاني بعد رفضها ليه سد احتياجه بيكي حاولي ع قد متقدري تنهي القصه دي واتعلمي من غلطك متصاحبيش حد مرتبط متصحبيش خالص ده علشانك مفيش ولد تأمنيله ف حياتك واتمنى تفوقي وتبقى احسن ف اسرع وقت
تم النشر الخميس، ٧ مارس ٢٠٢٤
كان في واحد بينصح البنات بيقول أن اللي بيحب واحدة بيكون عاوزها في بيته يتحوزها ولكن عنده استعداد يتسلى بعشرة غيرها انما الغالية عتده بيصونها ف بيته . انت مجرد متعلقة به مش اكتر حاولي تشغلي نفسك ويومك ومتخايش وقت فراغ والزمي الدعاء وهو لو عاوزك لك اخل سخطبك منهم اقطعي معاه خااالص
تم النشر الخميس، ٧ مارس ٢٠٢٤
ولا شكر ولا حاجة ربنا يكتب ليكي الأحسن إن شاء الله
تم النشر الخميس، ٧ مارس ٢٠٢٤
فهماك اكيد شكرا جدا ليك❤️
تم النشر الخميس، ٧ مارس ٢٠٢٤
شكرا جدا للرد.. طيب ليه مكمل معايا عادي لسه؟؟
تم النشر الخميس، ٧ مارس ٢٠٢٤
لعرض السؤال في فدني اضغط هنا