بص بصراحة انا عارفه انك ممكن مش تقتنع بالكلام اللي هيتقالك لأنك مش عاوز حاجه تخرجك من الوهم اللي انت فيه - اه زي ما شوفت وهم - وهم جميل بتعيش وانت في سن المراهقة ومع الوقت ولما تكبر شوية هتقول ياااااه انا قد اي كنت ساذج أو هو انا كنت بفكر كده ازاي وانا بقولك الكلام ده عن تجربة لأني مريت بتجربة مشابهة وخسرت فيها ثقة اعز الناس عليا اصل انت لسه صغير هتمر بحاجات كتير وهتبدأ كل ما تكبر وتفتكر حاجه انت عملت بسبب الوهم اللي في دماغك دلوقتي وشايفه احساس جميل ولو زي ما انت بتقول ان البنت محترمه جدا فده معناه انها مستحيل توافق ترتبط بيك او بحد غيرك ولو قولتلها انك معجب بيها اول حاجه هتعملها هتروح تقول لاخوها اللي هو صاحبك واكيد صاحبك هيدايق وهيلومك انك خونت الامانه لأنه دخلك بيته وآمنك على اهل بيته تقوم تحب اخته واعتقد انك ممكن تخسره للأبد فيبقى خسرت البت اللي بتحبها زي ما بتقول - مع اني متاكده ان بعد فترة هتغير رأيك و متاكده ان حكاية الحب او الإعجاب ده هيروح مع الوقت - وخسرت اعز اصحابك بسبب وهم فترة وهيروح
تم النشر الخميس، ١٩ يناير ٢٠٢٣
4 تعليق
لا شكر على واجب انت زي اخويا الصغير
تم النشر الجمعة، ٢٠ يناير ٢٠٢٣
ماشي شكراً
تم النشر الجمعة، ٢٠ يناير ٢٠٢٣
كده كويس منك جدا انك تفكر كده وصح ممكن اكون مش فهمتك بس انا حاولت اوصلك اللي ممكن يحصل لو انت استمريت بطريقة التفكير دي بجد والله هتخسر ناس كتير ومن رأيي ركز على دروسك ومذاكرتك ولو انت في رأيك انك بتحبها فحاول في مذاكرتك علشان لما تكبر وتروح تتقدملها زي ما بتقول مش تترفض
تم النشر الجمعة، ٢٠ يناير ٢٠٢٣
انتي مش فاهماني بس عادي انا خلاص خدت قرار اني هعمل اللي عليا واللي بحبه ولو في نصيب لينا مع بعض اني اتقدملها في يوم من الايام هيحصل بس انا خلاص مش هفكر بالطريقة دي تاني وشكرا على وقتك الثمين
تم النشر الخميس، ١٩ يناير ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك