السلام عليكم، كنت عاوز اعرف هل تنكيس السور يبطل الصلاة ولا لا وايه ترتيب السور عند قراءتها في الصلاة
ما حكم التنكيس؟ وعليكم السّلام ورحمة الله وبركاته. أولًا: التنكيس إما في السور، وإما في الآيات. والتنكيس هو: أن يقرأ المصّلي في الركعة الثانية سورة قبل التي قرأها في الأولى. مثال التنكيس بالسور: رجل يصلّي الفجر -مثلًا- فقرأ في الركعة الأولى بسورة: الكافرون، وقرأ في الركعة الثانية بسورة: النصر.. فهذا مباح. وأما التنكيس بالآيات: أن يقرأ المصّلي في الصلاة بأواخر السورة قبل أولها.. فهذا لا يجوز. فيجب الترتيب بين الآيات، لا السور.
تم النشر الأحد، ٩ يوليو ٢٠٢٣
شكرا لصاحب السؤال وللى اجابوا انا استفدت جدا لانى مكنتش اعرف مصطلح تنكيس اصلا
تم النشر الأحد، ٩ يوليو ٢٠٢٣
و جزاك مثله و اكثر
تم النشر الثلاثاء، ١١ يوليو ٢٠٢٣
جزاكم الله خير ❤️
تم النشر الأحد، ٩ يوليو ٢٠٢٣
شوف مش لازم كلمه تنكيس دي اولا ترتيب المصحف بنفس الترتيب اللي قصادك ده اللي هو من اول الجزء الاول الى الجزء الثلاثون طيب فلنفترض انك هتقرا في الجزء 30 تمام جيت في الركعه الاولى وقرات قل هو الله احد الركعه الثانيه لازم تكون من السوره الي بعد قل هو الله احد او اللي بعدها ايا يكن المهم انك ما تجيبش من قبل قل هو الله احد تمام ولو بصيت في المصحف هتلاقي قل هو الله احد بعديها قل اعوذ برب الفلق بعديها قل اعوذ برب الناس اذا لما تقرا لازم تقرا بترتيب المصحف يعني ما تبداش بايه الكرسي في الركعه الاولى وفي نفس الركعه تجيب ايه من سوره قبل سوره البقره فاهميني كده يا جماعه طيب انا كنت بقرا ومش بترتيب المصحف زمان وما كنتش اعرف خلاص انت دلوقتي اول ما عرفت يبقى انت من دلوقتي بتتحاسب كل اللي فات خلاص راح بس لو عدلت كل اللي جاي اللي فات هيتحسب لك كمان لكن لو ما عدلتش وفضلت على نفس الخطا اللي انت فيه يبقى تنسى ان ربنا يكتب لك اللي فات وهو مش تنكيس للمصحف ولكن مكروه بانك تعمله تمام انت دلوقتي اتوضيت مش هتاخد في ايدك ثلاث ثواني وانت بتفتح المصحف تشوف هتقرا سوره ايه قبل سوره ايه
تم النشر الأحد، ٩ يوليو ٢٠٢٣
تعريف التنكيس للي ميعرفهوش "هو انك تقرأ من سورة بترتيب المصحف وترجع تقرأ من سورة قبلها في نفس الركعة". يعني علي سبيل المثال الترتيب الصحيح ان سورة النساء بعد آل عمران ف التنكيس انك تقرأ النساء بعدها تقرأ آل عمران ودا ذهب بعض العلماء لكراهته والبعض الآخر انه مباح لكن الافضل انك تحاول تقرأ بترتيب المصحف لان دي السنة
تم النشر الأحد، ٩ يوليو ٢٠٢٣
يعني اية تكنيس الصور لم افهم بعد
تم النشر الأحد، ٩ يوليو ٢٠٢٣
لعرض السؤال في فدني اضغط هنا