عايزة انظم وقتي واستيقظ بدري واحط هدف واثبت عليه من غير تشتت او احباط ازاي التزم بده
سلام عليكم ورحمه الله وبركاته بصى لو قولتلك نصايح كتير بدون تطبيق فعلى يبقى ملهاش لازمه لازم حاجتين الأولى تعملى عصف ذهنى اللى هو تكتبى كل اللى فى دماغك على الورق واكتبى كل حاجه نفسك تتعلميها سواء بقى كانت من أهدافك ولا لأ كده ايه انتى دماغك بقت فاضيه حددى بقى هدف معين وليكن مثلا تعلم التصميم عن طريق الموبايل ومعاه هدفين تانين وليكن هبطل مثلا اضيع فلوسى على حاجات تافهه او زايده عن حاجتى والهدف التالت مثلا انى هشرب مياه كتير وتبدأى تحطى لكل هدف فيهم وقت معين تكونى حققتى فيه الهدف او حققتى ٨٠ % من الهدف وكل اسبوع تراجعى هدفك والغلط اللى عملتى الاسبوع اللى فات تصلحيه ومتقعيش فيه الاسبوع اللى جى وهكذا بردك كل شهر بالطريقه دى انتى ماشيه بطريقه عمليه وصحيحه مع الأهداف تانى حاجه بقى محتاجه تدخلى نفسك وسط مجتمع ايجابى وكريتيف وعنده أهداف وحلو جدا وده هيكون جروب No Zero Days و Free Courses
تم النشر السبت، ٢١ يناير ٢٠٢٣
نامي بدري ف يوم وضبطي انك تصحى بدري وقبل متنامي هتكوني مجهزه حجات هتنفذيها تاني يوم عبادات وانشطه بدنيه واجتماعيه واهدافك الي نفسك فيها واهدافك دي بترتبيها ترتيب هرمي من الأقل مجهود ومتطلبات للأعلى وكل هدف هتعمليله جدول تمشي بيه وتنفذيه تخلصيه وتطلعي للهدف الي بعديه وبعد كل هدف بتحققيه وبتنجزيه كافئي نفسك بحاجه نفسك فيها ماديه او معنويه هتفرق معاكي جدا
تم النشر السبت، ٢١ يناير ٢٠٢٣
انتي بتصلي
تم النشر الثلاثاء، ٢٤ يناير ٢٠٢٣
من وجهه نظرى الي بيلتزم لنسبه 80٪ بيقدر يوصة لنتائج مبهره طيب اعمل اي علشان التزم اولا احدد الهدف الي انا هعمله انا مثلا عايز اذاكر دا الهدف طيب يكون كمان الهدف قابل لتحقيق يعني متقولش هذاكر ماده الاحياء ف يوم اكيد اكيد مش هتقدر كمان يكون في دافع للهدف الدافع دا هيخليني متحمس. علشان اقدر اعمل كل دا لابد ان يكون الهدف بسيط وسهل التحقيق يعني بدل ما اقول هذاكر فصل لا اقول هذاكر درس واحد بس واشوف غيره لما اخلصه لو حابب نتكلم اكتر اشطا
تم النشر السبت، ٢١ يناير ٢٠٢٣
اول حاجه تبدأ تصحي قبل الفجر وتصلي علي قدر المستطاع وبعد كده تصلي الفجر وتبدا تدخل في اذكار الصباح واهم حاجه الدعاء ويبقي في يقين بأن ربنا هيستجاب الدعاء ده لان الله علي كل شئ قدير ولازم يبقي نيه للالتزام بورد يومي لان احنا كبني ادمين مخلوقين العباده وكمان ذكر الله بيغذي ارواحنا ألا بذكر الله تطمئن القلوب
تم النشر السبت، ٢١ يناير ٢٠٢٣
لعرض السؤال في فدني اضغط هنا