هل الوسواس القهري ممكن نتخلص منه من غير مانروح لطبيب نفسي بعض الأفكار السيئه بتخطر علي بالي بس انا منتقض الافكار دي مع اني ملتزم جدا
جَاءَ نَاسٌ مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ، فَسَأَلُوهُ: إِنَّا نَجِدُ فِي أَنْفُسِنَا مَا يَتَعَاظَمُ أَحَدُنَا أَنْ يَتَكَلَّمَ بِهِ، قَالَ: وَقَدْ وَجَدْتُمُوهُ؟ قَالُوا: نَعَمْ، قَالَ: ذَاكَ صَرِيحُ الْإِيمَانِ جاء رجلٌ إلى النبيِّ صلَّى اللهُ عليهِ وسلَّمَ فقال يا رسولَ اللهِ إنَّ أحدَنا يجدُ في نفسِه، يعرضُ بالشيء، لأن يكونُ حممةٌ أحبَّ إليه من أن يتكلَّم به، فقال : اللهُ أكبرُ، اللهُ أكبرُ، اللهُ أكبرُ، الحمدُ للهِ الذي ردَّ كيدَه إلى الوسوسةِ ده وسواس قهري علاجه التجاهل التام وعدم الالتفات له والانشغال باي عمل صالح بمجرد الاحساس بالوسوسة .حضرتك راجع اجابات اسئلة الوسواس القهري هتفيدك جدا
تم النشر الأحد، ٨ يناير ٢٠٢٣
بص انا كنت عندي نفس المشكله والحمد لله اتحلت بالتجاهل و لما سمعت الحديث اللي قالتوا الاستاذه عائشة محمد دا عن تجربه و في حلقات هتفيدك جدا في الموضوع دا علي اليوتيوب الاستاذ هاني عرفة (عن تجربه)
تم النشر الاثنين، ٩ يناير ٢٠٢٣
لازم تتجاهلها تجاهل تام ولا تلتفت اليها ولا تكتبها ولا تفكر فيها حتى ان زادت وكثرت استعذ بالله ولا تلتفت وانشغل بعمل صالح
تم النشر الأحد، ٨ يناير ٢٠٢٣
الافكار القهريه مدركه جدا انها بتكون مجهده ومتعبه ف مقاومتها بس هي محتاجه مقاومه ومواجهه وتشتيت تقاومها يعني اول متبدأ تشتغل معاك متسمحش انها تستمر بأنك تتحرك من مكانك او انك تستغفر او انك تكلم شخص معين تواجهها بأنك تخاطب نفسك بأن الافكار دي مش حقيقيه وانك مؤمن بالله وانها مجرد فكره وسواسيه مينفعش تستسلم ليها وانك تشتتها بأنك تفكر ففكره تانيه تطلعك منها زي انك تستغفر تسبح او تبدأ تردد جمله تحفيزيه انت مؤمن بيها او انك تقوم تعمل تمرين رياضي بسيط ل ٢٠ عده لان الافكار بتتشتت كمان مع المجهود البدني وتلتزم بالرياضه وحاول تشغل يومك يعني شغل ونشاط رياضي وكتاب تقرأه مثلا وبعيد عن موضوع الاديان وتختار شخص مقرب منك كل الفكره متجيلك تشاركه عشان يساعدك تشتتها وتقاومها وطبعا الوسواس القهري من الاضطرابات الي محتاجه ف حالات منها لادويه بتكون بسيطه ومبيبقاش في اعتماد عليها
تم النشر الأحد، ٨ يناير ٢٠٢٣
دى افكار وحديث نفس طالما هى مبتخرجش لاطار الافعال اللى متقدرش تتحكم فيها فانت كده تقدر تتخلص منها بسهولة باذن الله بانك تزود على مسامعك كل ما يضاد هذه الافكار فيبقى الافكار مترسخ جواك قدامها الرد دون مجهود وارهاق منك
تم النشر الأحد، ٨ يناير ٢٠٢٣
في اي افعال قهريه بعد الافكار دي
تم النشر الأحد، ٨ يناير ٢٠٢٣
محتاحين نحدد الاول هل هي افكار وسواسيه بس ام افكار وافعال قهريه؟ الافكار دي بقالها قد ايه موجوده ؟ وهل هي افكار ملحه بتسبب التوتر والغضب واعاقه العمل والانعزال عن الناس وتشتت الانتباه
تم النشر الأحد، ٨ يناير ٢٠٢٣
لازم دكتور يا كيمو عشان صحته النفسيه مهمه وبيبقي في علاج بيخفف كل ده شفاك الله وعافاك يخويا
تم النشر الثلاثاء، ١٠ يناير ٢٠٢٣
في فيديو للشيخ محمد الغليظ إسمه الوسوسه في الله هيفيدك جداً عن تجربه
تم النشر الثلاثاء، ١٠ يناير ٢٠٢٣
سجل كل الافكار دي في ورقه وحدد هي منطقي التفكير ده اي اهميتها وتاثيرها كويس ولالا علي يوم فكر بتعطل حياتي هي اولويه ؟لا بيها هقدر انجز حاجه او هطلعني لا ف خد خطوات في انك تصدق وجودها وبعدين تتقبلها تتقبل ضررها وتكتب كل فكره كل يوم كل الي بيخطر ف بالك وتبدا تسال نفسك كدا اول بي اول ..لكن لما ترفضها في كل مره هتتعرض لقلق وهتبقا نافر منها ومش هتوصل لي حاجه ف كل مره هتعمل الخطوات دي هتحس بتحسن
تم النشر الاثنين، ٩ يناير ٢٠٢٣
ادعي ربنا دايما وانت بتصلي واقول اللهم يا مقلب القلوب ثبت قلبي علي دينك واستغفر كتير بنيه انو يصرف عنك التفكير ده وماتحاولش ترد علي الأفكار دي خالص علشان ماتثبتش في عقلك اتركها واتفرج علي اي حاجه او أخرج والعب مع اصحابك المهم ما تدلهاش فرصه تتمكن منك
تم النشر الأحد، ٨ يناير ٢٠٢٣
لعرض السؤال في فدني اضغط هنا