كنت مرتبط بفتاة من ٣ سنين كنا بنحب بعض جدا صبح وليل في وش بعض مغيبناش يوم تقريبا عمر ما كان في بينا مشكلة وتجاوزت اليومين كنا شغالين مع بعض وبنحضر ماجستير مع بعض وكل حاجه مع بعض كنت بحبها جدا ، وحوشت وجبت الشبكه وعملت اللي اقدر عليه علشانها ، ووالدي رفض للاسف ،
مشكلة نسب وحاجات كدا وهوا مرضيش حاولت معاه بكل الطرق ومفيش فايده ، فضلنا ع الحال ده 6 شهور وكنا لسا بنكلم بعض وانا كنت بحاول أقنع والدي وهي كانت بتقولي لو جالي حد هوافق وكنت بقول ع الله لأن مش بايدي حاجه اعملها ومعملتهاش ، المهم جينا فشهر 1 اللي فات فاجئتني انها بتقولي جالي حد ووافقت وخطوبتي الاسبوع الجاي رغم أن كنا بنتكلم عادي بس مكانتش قايلالي غير لما الموضوع تم ،
الفكرة انها معايا في مكان العمل ومعرض كل يوم اشوفها ، عدي شهرين ع الكلام ده ، هيا وحشتني اوي اوي وحشني نخطف يوم من ايامنا سوا أو ضحكتها أو صوتها أو ريحتها جنبي وحشانى بشكل لا يصدق ، يمكن والدي كان سبب من اسباب فراقنا لكن اولا واخيرا هيا مش نصيبي ومن باب من تعلق بشئ عذب به فانا في قمة عذابي حاليا ،
عاوز اعرف اعمل اي كل ما يشوفها بكتئب كل شويه الفون الاقي حاجه نطالي ليها من حاجاتنا الكتير اوي اللي كانت بينا ومسحت معظمها ، مش عارف اقاوم فكرة انها مش بتاعتي وبتاعت حد غيري مش قادر احس أن هي مش ليا هيا وحشانى اوي ومش بايدي حاجه لأنها حاليا بتاعت راجل تاني وانا لو مكانه اكيد مش هحب حاجه زي دي تحصل
انا عملتها بلوك من كل حاجه ومسحت أرقامها لكن برضو مش عارف أتجاوز ، فكرت اخش في علاقات تانيه لكن حرام ومش قادر ارتبط من الاول ولا اعمل الشغل ده ، وتعبت وارهقت نفسيا جداااا
السلام عليكم ورحمه الله وبركاته طيب دي حاجه خلصت بس احنا عايزين نتاكد ان احنا قادرين نحتفظ بيها جوانا صح عشان ما تبوظش الدنيا هل تقدر تحكي القصه دي من اولها لاخرها كانك بتقرا روايه وتقدر تحط النهايه فعلا وتقفل الكتاب هو هنا المشكله كلها ان انا حتى لو مقتنع بكل الكلام وحتى لو شايف انه نصيب وكل الكلام ده بس انا مش قادر اقفل الكتاب لانه قفلت الكتاب دي معناها ان انا خلاص مش شايف الكلام مش شايف التفاصيل وشفت النهايه والموضوع خلص واقدر ابدا اكمل في تفاصيل حياتي من غير ما تبقى تفاصيل الكتاب قدام عيني او من غير ما كل شويه عايزه افتح الكتاب واقرأ نفس الحته دي تاني. القصص اللي بتعدي علينا في حياتنا او التجارب اللي بتعدي علينا لما بنفضل ماسكين الكتاب بتاعها مش قادرين نقفله ومش قادرين نحطه على الرف هو ده اللي بيخلينا مش قادرين نتجاوز. ضروري جدا تكون تحاول تعمل ده بالشكل زي ما انا بقوله كده تعرف تحكي الحدوته تقول انا كنت زي ما كتبتها لنا كده في السؤال انا كنت مرتبط بس من غير ما يكون جوه الحكايه وانا بتكلم المشاعر طالعه جياشة كده، طول ما المشاعر طالعه جاياشه كده يبقى لا لسه انا قدامي شويه وطبيعي الموضوع ياخد وقت لانهم ثلاث سنين بتفاصيل كتير. انه التفاصيل دي يتردم عليا فجاه طبعا ده ما بيحصلش مع اي بني ادم يعني خلينا بقى نقول على نقطه ثانيه مهمه وهي نقطه الإحلال والتبديل الإحلال والتبديل انا كان في تفاصيل كتير بعيشها مع البنت دي فبقى مكان التفاصيل دي فاضي فما ينفعش نسيبه فاضي ليه عشان ما ينطش فيه حاجه زي ما انت قلت كده حاجه حرام وغلط من غير ما انا اخد بالي او يعني بسبب ضعفي يحصل ده فهحتاج انا اللي بايدي اعمل الاحلال والتبديل يعني احلى كان فيه توقيت كنا اا واحنا في مكان العمل بنوقف ونتكلم مع بعض انا لازم في التوقيت ده احط بداله حاجه ثانيه اعملها وفعلا برده تكون حاجه لطيفه واستمتع بها اللي هو اشوف حد من زمايلي في الوقت ده هنروح نشرب فنجان قهوه لو انت بتحب القهوه او نشرب كوبايه شاي او تعال اعزمك على حاجه حلوه لازم انا احط لنفسي في التوقيت ده حاجه ثانيه بديله للحظه اللي انا كنت بعيشها مع البنت دي قيس على ده بقى كل الحاجات اللي انت هتلاقيها ذكريات بتنطلق علشان انت عشتها معاها او تفاصيل كنت متعود عليها معاها ضروري تحط بدالها حاجه ثانيه علشان يحصل اشباع في نفسك وما تبقاش الدنيا فراغ والفراغ ده يؤدي إلى حاجات مش كويسه الموضوع كده كده هياخد وقت لانهم ثلاث سنين بتفاصيل كتير بتحمل الوقت ده هيمشي تدريجيا بس لازم انت تكون في الوقت ده وانت اللي تكون بتدير الوقت ده وبتعمل فيه الامور الصح واهمها الحاجات اللي انا شرحتها لك دي وربنا معاك.
تم النشر الخميس، ٢٠ مارس ٢٠٢٥
أخي العزيز، أفهم تماماً مدى الصعوبة التي تواجهها في تخطي هذه العلاقة القديمة، خاصةً بعد سنوات من المشاعر القوية والتجارب المشتركة، ومن الطبيعي أن تشعر بالحزن والفراغ بعد ما حدث. هناك بعض الخطوات التي يمكنك اتخاذها للمساعدة في تجاوز هذه المشاعر: القبول : عليك أن تقبل ما حدث وأن تدرك أن الحياة تسير في مسارات مختلفة. إن الاعتراف بأن هذه العلاقة لم تكن مكتوبة لك هو جزء من عملية الشفاء. الابتعاد عن الذكريات : بما أنك مسحت بعض الذكريات، فهذا جيد. حاول الاستمرار في الابتعاد عن أي شيء يذكرك بها، سواء كان ذلك صوراً أو رسائل. التركيز على النفس : انشغل بأشياء تجعلك تشعر بالرضا. قد يكون ذلك من خلال تطوير مهارات جديدة، ممارسة هواياتك أو قضاء الوقت مع الأصدقاء والعائلة. التواصل : لا تتردد في الحديث مع أصدقائك أو عائلتك حول مشاعرك. مشاركة هذه المشاعر يمكن أن تخفف من حدتها. خطط للمستقبل : حاول وضع أهداف جديدة لنفسك، سواءً كانت مهنية أو شخصية. التفكير في المستقبل يمكن أن يساعدك على الانتقال من الماضي. تقبل الوقت : تذكر أن عملية الشفاء تحتاج إلى وقت، ولا تتعجل في تجاوز مشاعرك. التحلي بالصبر والرحمة مع نفسك أمران ضروريان. إذا كنت تجد صعوبة في تجاوز هذه المشاعر بمفردك، قد يكون من المفيد التحدث إلى مختص نفسي يساعدك على فهم مشاعرك بشكل أفضل. تذكر أن ما تمر به هو جزء من الحياة، وأن كل تجربة صعبة يمكن أن تكون درساً مهماً لنموك الشخصي. تأكد من أنك لست وحدك في رحلتك، وأن الأمل دائماً موجود. أتمنى لك كل التوفيق والراحة في هذه المرحلة.
تم النشر الخميس، ٢٠ مارس ٢٠٢٥
من تعلق بغير الله هلك قلبه للأسف .. الدرس المستفاد اياك وأن تتعلق بأحد غير الله لأن كل شىء زائل الا هو الباقى .. طبيعة الحب بين الرجل والمرأة عندما يكون فى الله وبطاعة الله تصبح علاقة رائعة وصحية وتبنى الهمم ، وعندما يتخللها عشق فى غير الله ومعصية لله تصبح هلاك والعياذ بالله .. لذا عليك أن تدرك الدرس الذى أرسله الله اليك لتعود لرشدك فمن لا يتألم لا يتعلم ، ثم عليك بأن تختلى بالله .. كلما تألمت صلى لله واستغيث به أن يزول الم العشق كما ازاله من قلب إمرأة العزيز بعدما آمنت بالله .. فبعدما تعلّقت بسيدنا يوسف عليه السلام لدرجة أنها فقدت جمالها من الم العشق والحزن عليه ، آمنت بالله وتعلقت به فأزاح الله عنها هذا العشق وانار قلبها فاستنار جمالها وعادت لرشدها .. فبعد عودتك لله والإلحاح والإخلاص له فى الدعاء .. سيغنيك ويكفيك إن شاء الله
تم النشر الخميس، ٢٠ مارس ٢٠٢٥
لعرض السؤال في فدني اضغط هنا