زوجى بيزعل معايا على اى حاجه واى مشكلة وبيتلككلى دايما على اى حاجه تافهه ومش بيسمع كلامى ومش بيقعد معايا وينزل مع أصحابه كتير وطول ما هو فى البيت ماسك الموبايل
السلام عليكم. غالبا ممكن يكون جوازكم لسه في البدايه يعني ممكن تكون اول سنه جواز تقريبا او اول سنتين لسه بتعرفوا ايه افضل طريقه تتعاملوا بها مع بعض خليني اقول لك اول نقطه مهمه جدا جدا جدا احنا بنبقى متخيلين ان الدنيا مش هتتضبط الا لو الطرف التاني عمل اللي انا عايزه بالظبط. وبالتالي ان انا باصوبه بالزبط والحقيقه ده مش واقع الحياه. الحياه بتتضبط لما احنا الاتنين نتفق. فاحنا محتاجين نعرف ازاي نقدر نتفق ازاي نقدر نلاقي ما بينا وما بين بعض طريق بنقعد فيه لحد ما نتفق على شيء يريحنا احنا الاتنين. فقبل ما تدوري اخليه زي يبطل اللي هو بيعمله معايا بيضايقني دوري معه بشكل جدي جدا ان انتم تلاقوا فين الترابيزه اللي تعرفوا تقعدوا عليها وتناقشه شيء لحد ما تلاقوا حل انتم الاثنين تكونوا فاضيين بيه اوقات الحل ده هيكون انه في حد فيكوا هيقول خلاص مش لازم يتعمل الحاجه بالطريقه اللي انا عايزها وانا موافق انها تتعمل ضريتك. وده هيكون تكرمه منه ومساعده لان العلاقه تمشي بشكل كويس او فيها اوقات تانيه الطرف التاني هو اللي هيعمل ده. او. هنلاقي نفسنا احنا الاتنين لا انا مش بعمل اللي هو عايزه ولا هو بيعمل اللي انا عايزاه بس لقينا حل وسط. مختلف عن الحاجتين اللي كل حد فينا عادي دي ضروري حاجه تبداي بها. وتقدروا تعملوها انتم الاتنين مع بعض. هقول لك معنى نقطه يعني اتمنى تتفاعليها من اجابتي. ممكن تكوني قصدك ايه انه مش بيسمع كلامي مش بيسمع كلامي يعني لما بتتكلمي بتحسي ان هو مش مستمع وكانه انك ما اتكلمتيش وعامل نوع من التجاهل ولا مش بيسمع كلامي انه لما بقول له على حاجه ما بيعملهاش. لانه لو جابتك هي. فيبقى هنا المشكله اكبرها او ممكن يكون كل تصرفات زوجك بسبب النقطه دي. لانه وضع الراجل ما ينفعش يكون كده ما ينفعش يكون حاسس انه لو مسمعش كلامك فانت هتقويه دائما متضايقه منه وهتكوني دائما مش راضيه عن علاقتهم ببعض لان مش هو ده واضح ان هو يكون لازم يسمع كلامك ممكن يكون رايك في اوقات. صح؟ وهو مش عايز ياخد بيه خلاص هو الراجل وهو اللي هيتحمل الناتج فمش محتاجه تقولي هو ما بيسمعش الكلام لو ما بيسمعش كلامك باحسان بتتكلمي وهو مش بيعرف يستمع هذا موضوع ثاني ممكن نشوف اسبابه ايه هل بتتكلم؟ هو اصلا مش عارف يسمع فيها ولا هو اصلا بشكل عام شخص مش مستمع يعني ما بيعرفش يقعد يسمع لفضفاضه حد او يسمع حد او حتى لو هو طلع ان هو فيه النقطه دي يعني انت كسبت تعملي ايه هو الحقيقه ان الستات ما بيكونوش محتاجين اكتر من انه شخص يكون قاعد قدامهم يقعد يسمعهم فانتي ببساطه تقولي له بص انا عارفه ان ايه يعني الكلام اللي انا بقوله ممكن تكون مش حابب تسمعه يعني بس انا ده احتياج عندي بصوا ممكن تسيب الموبايل واقعد اسمعني ومن غير ما تقول حاجه انا كده فضفضته واتكلمت معكم وخلاص. واحتفل ان هو يعمل كده لانه الرجاله بتبقى بتسمع الستات متخيلين انه هي بتتكلم عايزاني ارد عليها او لازم اقعد اناقش الحاجات اللي هي بتقولها او رايي فيها او هو مش عايز يعمل كده فانت ممكن لما توضحي له ده تمام يعني يوافق معاكي على موضوع ان هو يسمع لك. ضروري بقى تشوفي يعني اجواء البيت عامله ازاي لان الحاجات اللي بتقوليها دي سواء بقى كانت من رجل او من ست ده دليل على انه الشخص مش مش مرتاح في البيت في شيء غير مريح في البيت بالنسبه له فضروري انت كسبت البيت تتاكدي انه الاوضاع في البيت مستقره بما يناسب الراجل ده ان هو ضروري يكون البيت متهيا بالشكل اللي برضه يكون مناسب لي ممكن ان هو يكون بييجي في اضواء عاليه وهو مش بيحبها او في صوت عالي للتلفزيون وهو مش بيحبه يعني. شوفي ايه الاجواء اللي ممكن يكون هو علقلك عليها وانت ما انتبهتيش ان دي حاجه ممكن تكون مهمه دي ممكن تكون الاسباب النوع يقعد يمسك التليفون ينشال معايا احسن ما يقعد يركز مع الحاجات اللي مش عاجباه اللي انت مش مهتميه بيها او بينزل الجو ده خالص الاجواء اللي تخلي البيت بالنسبه له هو المكان المفضل بيزعل معك كتير ممكن بسبب ان هو يكلمك في حاجات كتير برضو وانت شايفاها حاجه غير مهمه ومش بتنفذيها طبعا انا بطرح كلها احتمالات يعني اتمنى انك الاحتمالات فعلا تشوفيها يعني لو هي موجوده لو في حاجه غيرها قوليها وان شاء الله نساعدك في نصائح.
تم النشر الجمعة، ٣١ مايو ٢٠٢٤
السلام عليكم ورحمه الله اهلا بيكي الزوج آيه من آيات الله ، و فيها إعجاز حيث أن شخصين من عادات و تقاليد مختلف من اب و ام مختلفين يعيشوا مع بعض و يكون فيه تواصل جيد ف دا شيئ مش سهل ابدا. لازم يكون في طريقه للتواصل بينك و بينه،. تقعدوا مع بعض تتكلمي تقوليه تعالي نشوف انا عرفاك ولا لا . و تقولي ايه اكتر ٣ حاجات بيحب يعملها وقت فراغه ، ايه اكتر ٣ هوايات بيحب يمارسها ، ايه اكتر ٣ حاجات تضايقه .. و انتي كمان تتكلمي معاه و تسأليه تعرف ايه اكتر ٣ حاجات انا بحبها و تبدأي تسأليه. طيب لو في حاجه قولتيها غلط او هو قال حاجات انتي مش بتحبيها ، هنا هتبدأي تعرفيه اللي انتي بتحبيه و انتي كمان تعرفي اللي هو بيحبه. و من هنا هتفهمي ليه بيمسك الموبيل اغلب الوقت ، ليه بيخرج مع أصحابه كتير. كمان ممكن تعملي يوم في الاسبوع تخرجي معاه حتي لو تتمشوا مع بعض. و كمان الراجل غير الست في التفاصيل و الاهتمام الراجل بيحب التقدير بيشوف أنه يروح الشغل و يوفر لكم الاحتياجات بتاعتكم كدا قمه الحب ف بيكون عاوز تقدير . أما الست ربنا خلقنا نحب التفاصيل و نركز فيها ، و نحب الاهتمام. دا هيفيدك ف انك تعذريه شويه. و كمان حاولي يكون ليكي اهتمامات أخري بحيث يكون في شئ مختلف تتكلموا فيه ، أو تسأليه عن أحوال يومه و اليوم بدأ ازاي. عارفه أنه بيكون مجهود عليكي خصوصا لو هو بيهتم اوي و لكن مع الوقت هتلاقي ربنا بيحسن الأمور بينكم. ربنا يوفقكم و يسعدكم
تم النشر الخميس، ٣٠ مايو ٢٠٢٤
لازم الاول تقعدي معاه و تتكلمو و تتناقشو براحه و تعرفي ايه مضايقه منك و ايه اللي مخلي بينكم كدا و هو بالتالي هيحكي لكن لازم يكون عندك صبر تسمعيه و تتقبلي رأيه و متضايقيش من انتقاده و حاولي لو قالك على عيب تحاولي تصلحيه
تم النشر الجمعة، ٣١ مايو ٢٠٢٤
بصي حاولي تعبري عن مشاعرك وتبينيله اد اي انت بتحبيه وكدا ويكون شكلك حلو وكدا والزمي قيام الليل في الثلث الاخير من الليل واقراي سوره البقره كل يوم وادعي وصلي على سيدنا محمد عليه افضل الصلاة والسلام بالطريقه الابراهيميه بنيه ان ربنا يهديهولك
تم النشر الجمعة، ٣١ مايو ٢٠٢٤
حاولي تعبري عن مشاعرك وعن أحتياجاتك وغيري روتين اليوم واعملي الحاجات اللي بيحبها وشاركيه إهتمامته ولازم تعرفي انه راجل محتاج حرية ووقت يقضيه مع نفسه واصدقائه
تم النشر الخميس، ٣٠ مايو ٢٠٢٤
آه يا حبيبتي، القصة اللي بتحكيها دي فعلاً مش سهلة. أي زوجة بتحب تكون علاقتها بزوجها حلوة ومليانة تفاهم وحب. خلينا نمشي خطوة خطوة: التفاهم والحوار : حاولي تجلسي معاه في وقت هادي كده وتتكلموا بصراحة وبهدوء عن مشاعرك واحتياجاتك. كمان اسأليه عن مشاعره والشكاوى بتاعته. الحوار هو المفتاح. اختاري الوقت المناسب : مش دايماً يكون الوقت مناسب للكلام، فاختاري وقت يكون فيه رايق وعنده استعداد يسمعك. اظهري له حبك ودعمك : في بعض الأحيان، الناس بتتغير للأحسن لما يحسوا أنهم محبوبين ومقدرين. حاولي تظهري له اهتمامك وحبك بطرق صغيرة، زي تحضير أكلة هو بيحبها، أو رسالة لطيفة. اشغلى وقتك بنفسك : أحياناً، لما نحاول نركز على سعادتنا الشخصية، بنلاحظ إن الآخرين بيدوروا علينا أكتر. اتعلمي حاجة جديدة، اهتمي بهواياتك، وكوني إجتماعية بتوازن. استشيري مختص : إذا لقيتي إن الأمور مش بتتحسن أو بتزداد سوءاً، ممكن تستشيري متخصص في العلاقات الزوجية. أحياناً بنحتاج لشخص خارجي يساعد في فهم المواقف وإيجاد حلول. وأهم حاجة خلي عندك صبر وذكاء في التعامل، مش كل مشكلة بتتحل في يوم وليلة. حظ سعيد وإن شاء الله علاقتكم تتحسن وتبقى أفضل.
تم النشر الأربعاء، ٢٩ مايو ٢٠٢٤
حاولي تجلسي تتفاهمي معه وتقوليله الي مضايقك منه وهو نفس شي اساليه عن إلي مضايقه منك وحاولوا تتفاهوا وكل واحد يرضا عن الثاني ربي يسعدكم ويرضا عليكم
تم النشر الجمعة، ٣١ مايو ٢٠٢٤
قدمي ليه هدية وقوللي لو في حاجة مضايقاك مني قولي عليها واحاول مكررهاش تاني وياريت ننسي اللي فات ونبدا صفحة جديدة ، متحوليش لما يخرج مع صحابه تنكدي عليه وتقوليله يوه كل شوية صحابك صحابك وانا فين لا بالعكس قوللي انبسط ولما ترجع احكلي عملت اي،اديله مساحة خاصة بيه هو عشان ميكرهش وجودك ويهرب
تم النشر الجمعة، ٣١ مايو ٢٠٢٤
لعرض السؤال في فدني اضغط هنا