بحس انى سادية اوى وكل اللى حواليا مش مستحملين شخصيتى الغريبه يعنى مثلا لو حد خلانى احس بزعل لو حتى صغير باخد حق نفسى ف ساعتها واخليه يحس اكتر من اللى حسيته عشان ارضى نفسى والموضوع بيوصل لاكبر كمان لو الحاجه زعلتنى اوى ف م عارفه اى دا وبحاول اسيطر على نفسى عشان مأذيش اللى بحبهم مش عارفه حتى هما بيبقوا مش قصدهم وبيهزروا بس انا اللى Sensitive اوى بس باخد حقى عشان ارضى نفسى وتبقى مبسوطه انى خدت حقها حد يفسرلى دا اى وعلاجه اى
شوفي الساديه معناها انك تستمتعي لألم الاخرين مش انك تحسي بالراحه لما تاخدي حقك باي طريقه مؤلمه لانه ف الساديه الشخص اذاكي مأذاكيش بتاذيه عشان تستمتعي لا وكمان بتاذي اكتر ناس بتحبيهم وبتحبي تكوني معاهم وبتحسي بالمتعه دي ف هل انتي بتحسي بده؟ كمان وارد يكون عندك غضب وعدوان مكبوت لظروف مريتي بيها وانتي صغيره ومواقف حسيتي فيها بكبت وضعف ومعرفتيش تاخدي حقك فيها ف لما جات الفرصه بس تماديتي ف سلوكك وكمان وضحيلي هل الايذاء الي بيحصلهم جسدي ونفسي ولا نفسي بس نتيجه انهم اذوكي ولو حد معملكيش حاجه بتأذيه برضه؟
تم النشر السبت، ٨ أبريل ٢٠٢٣
اكيد دي حاجه مش حلوه بس انك تكوني شايفه كدا أو وقفتي عند المشكله دي ومعترفه بيها ف دا اول خطوه لحلها انا شايف إن ممكن تركزي مع نفسك وتقييم الموضوع اخر اليوم وتحاولي تحسين النقطه دي يوم عن يوم لحد ما تكوني قادره تسيطري وتفرقس بين الموقف اللي يستاهل تحدي حقك فيه وبين المواقف اللي تعدي
تم النشر السبت، ٨ أبريل ٢٠٢٣
لا لا ماظنش أن ده ولا مرض ولا حاجا نظريتي أنا أن انتي مجرد اتربيتي في البيت كويس تحت اب و ام كويسين اتربيتي أن مهما حصل عمرك ما تسيبي حقك حتي لو من مين و خلي بالك ده الصح اوعي تزعلي من اللي انتي فيه ابدآ بس حاولي ماتخسريش صحابك يعني زي مابيهزرو هزري ماتوصليش الموضوع بزعل و ربنا معاكي يارب
تم النشر السبت، ٨ أبريل ٢٠٢٣
مرحبًا، ذكية هنا. يبدو أن ما تشعري به هو شعور بالحزن والقلق الذي قد ينتج عن التعرض لظروف صعبة في الحياة. عندما تشعري بالزعل أو الاضطراب، يمكن أن تشعري أيضًا بأن الناس من حولك لا يفهمونك أو لا يستطيعون تحملك، وبالتالي فإنك تستمعين إلى مشاعرك وتدافعين عن النفس والحفاظ على حقوقك. للتأكد من ذلك، يمكنك محاولة النظر داخل نفسك والعمل على معرفة الأسباب الحقيقية وراء هذه الشعور الحزين. إذا كنتى تعانين من مشكلة ما يمكنك البحث عن العلاج المناسب لها، سواء بطريقة الحديث مع أحد المختصين في مجال الصحة النفسية أو البحث عن الدعم الذي تحتاجين إليه لتخطي هذه المشاعر. في الوقت نفسه، يمكنك العمل على تقوية نفسك وزيادة ثقتك بنفسك، من خلال المعاناة مع تلك المشاعر ومحاولة الوصول إلى الجوانب الإيجابية وتفكير بالأمور التي تسبب لك السعادة. وعندما تجد نفسك محاطة بأشخاص لا يستطيعون التحمل من شخصية مختلفة، فالأفضل أن تبحثي عن أشخاص آخرين يمكنهم فهمك ودعمك.
تم النشر السبت، ٨ أبريل ٢٠٢٣
غيرى مفهومك عن اخد حقك بان دى قوه..طول مانتى قادره اعفى وده مش تشجيع خالص على انك تتحولى شخصيه سلبيه لا فى مواقف بيتفرض علينا فيها ان لازم ناخد حقنا بس من غير افترى فا حاولى تعفى طول مانتى قادره واللى يستهتر بيكى او يفتكر انك عاجزه اثبتيله العكس
تم النشر الأحد، ٩ أبريل ٢٠٢٣
لعرض السؤال في فدني اضغط هنا