قصه حب من طرف واحد .. أريد أن أنساه ولكن لا أستطيع، كيف أفعل ذلك؟

Question

انا كنت بحب شخص وكلمته بس قلتله كلامنا ع اساس اخوات وهو وافق نتكلم بس خفت اعترفله بحقيقة مشاعري وفضلنا نتكلم فتره صراحه حواره معايا مكنش بيتعدي حدود الأدب ولا كان بيتدخل ف اي تفصيل ف حياتتي وكمان لما كنت بكلمه كنت بتبسط اوي وكان بيهزر معايا علطول وكنت بحب الوقت الي بيكلمني فيه بس عرفت أنه هيخطب وسألته واكدلي الموضوع وبعدها انا دخلت ف حاله انهيار ومن ساعتها معتش بكلمو وعملتلو بلوك من كل حاجه واتس ومن كل مكان ومعتش كلمته من يومها بس كل يوم بدخل على الانستا بتاعته والفيس والتيك توك بتاعه واشوف فيدهاته وصوره وبفتكر كلامه معايا وكمان ف اخر فتره تقريبا بقيت بشوفه ف اغلب الاماكن الي بروحها مناسبات بخرج عشان افكك عن نفسي ارجع من اول خمس دقايق منهاره تماما كل مشوفه فيست فيس بحس أن قلبي هيقف من الوجع وبلقي دموعي تنزل من غير سبب وهو حاليا معتش شاغل دماغو بيه وتقريبا نسي كل حاجه وكمان شوفته كام يوم ورا بعض كان بيصبلي تقريبا نظره عتاب أو انا صراحه مش عارفه نظره اي بس بتبقي نظره غريبه مش مفهومه وبعدها بمشي من المكان الي ببقي فيه بصراحه نا حاولت أنساه وافكر ف مستقبلي بس مش بعرف وكل مفتكر حاجه تخصه ارجع اعيش اللحظات الي كنت ببقي معاه فيها وبصراحه انا معتش عايزه اي حاجه خالص غير اني أنساه واطلع من الاكتئاب النفسي اليخلت فيه بسبب الموضوع ده

Accepted Answer

انتي ممكن تكوني اتعلقتي بيه بس .. يعني اتعلقتي بالكلام، بالهزار، بمشاركة يومكم مع بعض .. لكن الحب بينشأ مع العشرة والمواقف. قصة انك عايزة تنسيه وكل يوم تدخلي على السوشيال ميديا بتاعته ديه مش هتخليكي تنسي، بل بالعكس ده الامر هيسوء معاكي للاسوء. حاولي في القصة ديه تلاقي المخرج بتاعك من القصة المستفادة. يعني مثلا لو جبنا القصة من الاول هنلاقي ان الموضوع مكانش لازم يحصل بالطريقة ديه. هنلاقيه اولا حرام شرعا يكون في اي كلام بينك وبين اي ولد بالطريقة ديه. سواء صحوبية او اخوات او حب. لانه مش اخوكي بكل بساطة، طالما يحل ليكي يبقى مش اخوكي. المشكلة ان الواحد بيضحك على نفسه وبيصدقها كمان. ف انتي استفادي من التجربة ديه علشان متتكررش تاني. بانك تحافظي على قلبك ومشاعرك من الاستنزاف ده، ف ليه تعملي ف نفسك كده. تاني شئ .. ابداي ناقشي نفسك وكمان الافكار اللي بتجيلك .. لان اي فكرة وفضلت جواكي ومتعاملتيش معاها هتسوء. وحاولي تنشغلي بأي طريقة .. سواء كورسات، شغل، رياضة، تطوع .. كل ما هتنشغلي اكتر كل ما الامر هيعدي عليكي سهل.

Answer

حاولى تشغلى نفسك بأى حاجة هواية او حاجة بتحبيها وقربي من ربنا وادعيله وقوليله انه يشيل حبك ليه من قلبك وميعلقكيش بحاجة او حد غيره اللى انتى فيه طبيعى خدى وقتك ف الزعل عادى مش هتتخطى بسهولة ادى نفسك فرصة تزعلى وعيطي واعملى كل حاجة وبعد م تخلصي عياط قومى اعملى ماسكات وحطى ميكب واعملى اكله بتحبيها وروقى نفسك والله مفيش حاجة ولا حد مستاهل ومتحاوليش تكلمى حد تنسي بيه حد حافظى على قلبك للى يستاهلو ف الحلال وهتشوفى عوض ربنا وهتفرحى اخر فرح وهتقولى انو مكنش يستاهل والله وربنا يهدى قلبك الجميل ويهون عليكى ويعوضك خير

قصه حب من طرف واحد .. أريد أن أنساه ولكن لا أستطيع، كيف أفعل ذلك؟

نفسية

اجتماعية

حب

سؤال من احد أعضاء فدني

تم النشر الاثنين، ٢٩ أبريل ٢٠٢٤

2 إجابة

20 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك