مشكلتي اني بقعد علي الفون كثير والسبب عرفاه وهو ان في فجوه داخليه وفراغ ومشكله محتاجه تتحل في حياتي لكن بتهرب منها بإستمرار وكأن الفون ده المهرب وخصوصًا ان كنت قريبه من ربنا في فتره كدا ومكنتش بسيب فروض الصلاه وكانت الصلاة دي راحه وفضفضه لربنا
انا وصلت لدرجه مش عارفه اوصف اللي جوايه واللي حاسه بيه وصلت ان مش فاهمه نفسي ومش عارفه احكي لحد مشكلتي ايه هيا وكل اما اتشجع واقول احاول احكي واطلع اللي مكبوت جوايه وكل المشاعر السلبيه مش بعرف ولساني بيتلجم وبقعد اعيط بدون كلام وحتي لو اتكلمت مش بطلع اللي حاسه بيه بالظبط وكأن الكلام مكلبش في زوري لأن حاجات كتير حصلت وورا بعض ومش عارفه ابدأ من فين او احكي ايه ولا ايه
المشكله الأكبر بقا ان حتى لو حكيت هل فيه حد يقدر يساعدني او بمعنى أصح انا فقدت الأمل ان الاقي حد يفهمني حتي عيلتي المفروض أقرب الناس ليا مش بيفهموني وبحس بكسره نفس مش عارفه اعبر واطلع الكبت اللي جوايه كنت على المصليه كنت بقول يا رب واسكت مع اني حافظه ادعيه كتير بس بعيط
اما دلوقتي علاقتي بحبيبي مش حلوه بعدت جدًا ومش عارفه ارجع وانتظم في الصلاه خصوصًا ان كانت الملجأ الوحيد واللي بحس بالقوة وإن اقدر بدال معايه ربنا اكن انا بوظت روحي وقلت مني القوه دي لما كررت وتركت سجاده الصلاة وانا دلوقتي بحكي ده وعارفه ان مش هلاقي الجواب والحل الاخير تنصحوني بإيه اروح عند لايف كوتش ولا ايه الأنسب لحالتي ايه
أوقات الحل مش في حل المشكله ،وخصوصا لو حاليا مش شايفين الحل او لاقين مخرج ، أوقات التقبل والتسليم في جود المشكله ، وان ميعاد حلها ليس الآن ! من كلامك في مشكله كبيره وبتهربي بيها باي ملهيات ، المشاعر أوقات من الضغط الشديد بيحصلها تجمد . وأوقات من كثر الضغط بتبعدي عن كل شيء ممكن يريحك زي عدم انتظامك في الصلاه فشعور الذنب كمان بيعلي . اولاً لازم تعرفي ان ربنا شاهد وشايف اللي في قلبك وبابه دايما مفتوح ، متقطعيش الصله حتي لو مش قادره تكون مثل الأول . ثانيا أي مشكله ليها وقت ومخرج مهما تكون . علشان كدا تقبل ان الوقت لسا مش مناسب مش معناه ان المشكله ستستمر للابد . طبطبي علي نفسك وحاولي تعملي أي حاجه بتحبيها ومش لازم الأهل علشان هما اهلنا يبقوا اقرب حد لينا وقصص الأنبياء فيها الكثير ، المهم واحده واحده حاولي تخرجي المشاعر ، بالتنفس ، الأكل ، المشي ، الكتابه ، حاولي تعملي أي حاجه جديده تاخد عقلك وتركيزك وترجعك للحياه البدايه صعبه ،ابدائي حتي لو بنسبه ١٪ وهتزيد لو لقيتي الدنيا مش بتفك يبقي الأفضل تلجئي لمتخصص .
تم النشر السبت، ١٢ أبريل ٢٠٢٥
🎤 إجابة صوتية
تم النشر الأحد، ١٣ أبريل ٢٠٢٥
🎤 إجابة صوتية
تم النشر السبت، ١٢ أبريل ٢٠٢٥
أختي العزيزة، أشعر بمعاناتك وأتفهم شعورك بالفراغ والارتباك. من الواضح أنك تمرين بفترة صعبة وتحتاجين إلى الدعم. توظيف الهاتف كوسيلة للهروب من مشاعرك هو سلوك شائع، ولكن عليك أن تدركي أن مواجهة تلك المشاعر أهمية كبيرة لتحقيق السلام الداخلي. قبل اتخاذ قرار بشأن زيارة مدرب حياة، ربما يكون من الجيد أن تراجعي علاقاتك مع الله أولاً، والتي كانت تعد مصدرًا للسكينة بالنسبة لك. حاولي العودة إلى الصلاة والذكر، حتى وإن كان ذلك تدريجياً. يمكن أن تجدي في ذلك الراحة والهدوء الذي تبحثين عنه. التعبير عن مشاعرك هو خطوة مهمة. إذا كان من الصعب عليك الحديث، يمكنك البدء بكتابة ما تشعرين به في دفتر خاص. الكتابة قد تساعدك في تنظيم أفكارك وتوضيح مشاعرك قبل الحديث بها مع الآخرين. بالنسبة للعلاقات مع العائلة أو الأصدقاء، قد يكون من المفيد أن تظهري لهم ما تشعرين به بوضوح وصدق. إذا وجدت صعوبة في ذلك، قد يكون الذهاب إلى مدرب حياة أو معالج نفسي فكرة جيدة، حيث يمكنهم مساعدتك على فهم ما تمرين به وتقديم استراتيجيات فعالة للتغلب على هذه التحديات. لا تفقدي الأمل، فهناك دائماً ضوء في نهاية النفق، وطلب المساعدة هو خطوة شجاعة. تذكري أنك لست وحدك، وهناك من يمكنه دعمك. أسأل الله أن يعينك ويمنحك القوة لتجاوز هذه المرحلة.
تم النشر السبت، ١٢ أبريل ٢٠٢٥
ثقي الكثير يقدر يفهمك ويساعدك اول شيء لاتهملي صلاتك وبالمختصر كلمي اخصائي نفسي رح يساعدك بسهوله باذن الله
تم النشر الأحد، ١٣ أبريل ٢٠٢٥
لعرض السؤال في فدني اضغط هنا