انا نفسى اعمل حاجات كتير اوى كويسه زاى انى ارجع العب رياضه و ابطل دخان و ارجع اكمل تعليم و نفسى الاقى شغل احسن و غيره بس المشكله انى مش عارف فى حاجه جوايه بتشدنى للوحش على طول و مش شيطان انا دماغى من نفسها بتفكر فالوحش و بتبتكر طرق جديده لصنع الغلط اى حد يفدنى اغير حياتى ازاى
الاهم من كلمة اني نفسي ارجع ... اني عايز ارجع انت عايز ولا نفسك؟ لأن فيه فرق كبير جدا ما بين اني عايز ونفسي .. لأن لو عاوز يبقى انت ناوي فعليلا انك تغير اللي انت عايزه اما نفسي .. ف انت بتتمنى وخلاص .. بتتمنى وانت قاعد في مكانك .. بتتمنى ومستني تيجي الفرصة لك. بس مفيش حاجة هتيجي وانت قاعد في مكانك. مفيش حاجة هتغيرك وانت مش بتسعى ليها. قال الله تعالى (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ) قوم واسعى الاول هتلاقي ربنا معاك في كل خطوة .. أهم حاجة انك تؤمن فعلا انك عايز تتغير ... انت اشرت لجزئية مهمة جدا .. وان دماغك بتفكر في الوحش .. كويس ما هو طول ما دماغك بتفكر في الغلط .. انت هتعمل الغلط. الانسان عبارة عن مشاعر وتفكير وسلوك .. طيب ايه المتحكم .. او ما هو العامل الرئيسي؟ التفكير هو العامل الرئيسي .. الأفكار هي السبب في انك تتصرف التصرف الفلاني. يعني انت دلوقت لو حضرتك قولت لأ ... مفيش امل، الدنيا سودة .. هل متوقع انك تلاقي الدنيا وردي؟ اكيد لأ .. هتتقفل اكتر ... ده المتوقع. لو انت مضايق .. السلوك المتوقع انك مش قار مثلا تعمل حاجة .. هتقعد في غرفتك مضايق زعلان. وهكذا.... غير افكارك الاول ... وقناعتك ... هتلاقي سلوكك اتغير مباشرةً. وحاجة اخيرة مهمة ... أؤمن الأول .. مش قصدي الايمان ب الله . طبعا انك تؤمن ب الله شئ اساسي ومهم. ولكن مقصدي هنا الايمان بنفسك .. أؤمن بنفسك .. وبقدراتك الاول، علشان في الاخر تلاقي نتيجة ايمانك. لكن سؤال؟ ايه اللي حصل خلاك تقول نفسي ارجع؟
تم النشر السبت، ٧ يناير ٢٠٢٣
السلام عليكم ورحمة الله اخي العزيز ما دمت تسأل هذا السؤال فأنت بداخلك الخير وانت إنسان كويس نصيحتي لك ابعد عن أصدقاء السوء والتزم بالصلاة صدقني هتشوف تغيير في حياتك للأفضل بفضل الله دايما الشيطان بيوسوس لنا انا وانت وغيرنا بس ربنا خلق لنا عقل 🧠 نفكر بيه فيا ريت اول حاجه تعملها ابعد عن الأصدقاء السيئين والتزم بالصلاة والأذكار وربنا يبعد عنك كل شر ويحفظك
تم النشر السبت، ٧ يناير ٢٠٢٣
النفس امارة بالسوء ...مش لوحدك ده كل البشر احنا بنحارب الشيطان اللى بره ونفسنا اللى جوانا مفيش حد مش بتجيله افكار وحشة من نفسه زائد وساوس من الشيطان. جهاد النفس عظيم عند ربنا ....وده اللى انت فيه دلوقتى. امسك حاجة واحده حلوه وابدأ فيها فورا وكل ما تلاقى الافكار الوحشة بتزيد اتأكد انك ع الطريق الصح وكمل . محتاج صحبه تشجعك ولو مفيش عندك ابحث عن الجروبات اللى الناس مهتمه بنفس الحاجة وبيتناقشوا فى تفاصيلها وتحديثاتها ...هيشجعوك وتقدر تلاقي منهم ناس يتابعوا معاك ويسندوك . قوى نفسك بانك تؤمن بنفسك اكتر انت تستاهل تفخر بنفسك وانت تستاهل تشوف نفسك ليك قصة نجاح تكون تغلبت على نفسك وحققت حاجات جميلة
تم النشر السبت، ٧ يناير ٢٠٢٣
مرحبا، زكية! أولاً، عليك أن تعرف أن تحقيق الأهداف الكبيرة يحتاج إلى خطط مستقبلية وفعالة. عليك أن تبدأ بتحديد الأهداف التي تريد تحقيقها، ثم تقسيمها إلى خطوات صغيرة يمكنك تنفيذها في حياتك اليومية. بالنسبة للاهداف التي ذكرتيها، إذا كنت ترغب في البدء بالعودة لممارسة الرياضة، يمكنك البدء بممارسة نشاط بسيط مثل المشي لمدة ٢٠ دقيقة في اليوم وتزييدها تدريجيا بمعدلًٍ أسبوعي أو شهري. بخصوص الإقلاع عن التدخين، يمكنك استبدال تلك العادة السيئة بأخرى تجعلك تشعرين بالراحة، مثل ممارسة اليوغا أو الاسترخاء عن طريق العمل على تقنيات التنفس العميق. بالنسبة للعودة للدراسة، يمكنك البحث عن الدورات الخاصة أو المهنية اون لاين لتعلم مهارات جديدة وربما يمكنك الاستفادة من بعض البرامج التعليمية التي تقدمها الجامعات على الإنترنت بشكل مجاني، كما يمكنك الاستفادة من الكتب والمواد التعليمية الأخرى. عندما تستمتع بممارسة الرياضة وتخلصت من عادة التدخين وبدأت بتعلم مهارات جديدة، قد يزيد شعورك بالثقة بنفسك وبالتالي فقط ستجد نفسك تمتلك الثقة والعزيمة لبدء البحث عن وظيفة تتناسب مع مهاراتك الجديدة والأهداف التي وضعتِها لنفسك، عليك فقط الاستمرار ببناء نفسك من الداخل وتحفيز نفسك بانك بامكانك تحقيق الأهداف التي تريد الوصول إليها.
تم النشر الاثنين، ٢٠ مارس ٢٠٢٣
مفيش اي رادع للانسان عن الشر الا الله عز و جل، اللحظة اللي إيمانك فيها هيوصلك لمرحلة ان كل عمل بتعمله عارف ان ربنا شايفك فيه و منتظر تصرفك هيه نفس اللحظة اللي هتتقي الله فيها في نفسك و في اللي حواليك، ممكن تكون بتفكر كتير او عندك موهبة استغلها في الخير و اتحدي نفسك انك تفيد ناس اكتر من اللي سببت ليهم اذي او تعمل خير اكتر من الشر اللي عملته، الوسواس داخلي و ده مرض نفسي قبل ما يكون بسبب قرين او شيطان، لاحظ ان زي ما اي جرح بيسيب ندبة وراه.. اي شر بتعمله بيسيب ندبة في نفسيتك فبلاش
تم النشر الأربعاء، ١١ يناير ٢٠٢٣
لعرض السؤال في فدني اضغط هنا