الحمدلله أول يوم امتحانات في ثانوية عامة و الامتحان مش هقدر اقول صعب ولا سهل لاني لميت المادة قبلها بيوم اصلا بس واجهتني مشاكل كتيرة جدا وعايز حل ليها قبل ما ادخل على باقي الامتحانات لاني بضيع وقت بطريقة مش طبيعية ، انا بقرأ السؤال و اقف دقيقة افكر مش مستوعب ايوه يعني عايز ايه برضو السؤال و اقراه تاني و تالت و كل شوية دماغي تفكر في حاجات مش وقتها خالص و غير اللجنة اللي من غير مروحة و مراقبين ربنا يسامحهم مش بيسكتوا نهائيا و كل ١٠ دقايق امسك امضي كانهم واخدينها تحدي هشتتك و هنسيك الاجابة بس ده مش موضوعنا انا عايز حل لدماغي والله انا بكون بفكر كده طب وهناكل ايه النهارده كريستيانو هيسجل النهارده ولا لا ، تعبت والله يا جماعة بعد ما عدا ساعة من الوقت لقيت نفسي حليت ١٠ أسئلة اتوترت شوية واستعجلت في اجابات علشان اخلص بسرعة و غلطت كتير .. لا نملك إلا الدعاء وهعوض في اللي جاي بإذن الله بس عايز اخلص من المشكلة دي ومش عارف اشرحها ازاي لأهلي او اشتكي ازاي و الأمثلة اللي قولتها مش حقيقية بس كنت بفكر في حاجات فعلا كتير جدا انا مش فاكره و بتضيعلي وقتي
ربنا يكرمك حط فدماغك ان دي السنة اللي هتحدد مستقبلك مش كرستيانو ولا الاكل اللي مامتك هتعملهولك انا كنت زيك بالظبط بس لما المراقب يهمس مكنتش بديله فرصة لإن ماما مدرسة وفاهمةالكلام ده وقالتلي من حقك تقوليلهم ان الصوت مدايقك وهم هيخافوا لانه ممكن يأثر عليهم اصلا ويحصلهم مشكلة فشغلهم فأنت لو حد اكلم اوعى تتكسف تتطلب حقك وقوله انا مش عارف اركز من الصوت هيخاف ويكش ويسكت بالنسبة لأفكارك دي طبيعي اصلا انا كنت زيك برضو الحل الوحيد انك تقرأ اذكار الصباح حتى لو مش كلها كفاية تقول بسم الله الذي لا يضر مع اسمه شئ ف الأرض ولا في السماء وهو السميع العليم ٣ مرات وأعوذ بكلمات الله التامة من شر ما خلق ٣ مرات ونقرأ آية الكرسي وصدقني كل ده هيعدي وهتلاقي نفسك جايب مجموع عالي بإذن الله وربنا هيجبر بخاطرك عشات أتت تعبأ فكرة انك بتفكر فحجات تانية والضغط بتاع اللجنة ومخك والبطئ فالحل ده كله من ضمن التعب التهب مش مذاكرة بس وربنا عالن بده وهتلاقي نتيجة بإذن الله احسن من االي تتوقعه انا ببشرك ❤️❤️
تم النشر الاثنين، ٢٤ يونيو ٢٠٢٤
اخي عليك بذكر الله قبل اللجنه كتير وقراءه قرآن على قد ما تقدر دا اولا هيساعدك انك تخف التوتر ثانيا افصل عن جو المراقبين وافتكر انك قدها ولو كنت وزير او طبيب فمن سمات الناس العظيمه في حياتهم بشكل عام هو الهدوء والثبات لولا الثبات والهدوء في التخطيط لكان الجيش اتهزم والعمليه باظت مننا بسسب الخوف وكذالك الطبيب او المعلم تخيل كل معلم مع ضغط دروسه ويقلق انه مش هيخلص ويدمر جيل كامل او طبيب يعمل عمليه وسط الصخب والدوشه ولا يركز فتخيل ماذا يحدث لو صعب عليك الامر خد قطنه وحطها بودنك لو سمحوا بطل خالص سوشيال ميديا امسحها واياك تفتح شورتات هي اللي بدمر عقلك ومش بتقدر تركز على مدى زمني بعيد واخيرا خد بالاسباب وسيب الباقي لربنا 🤍
تم النشر الأحد، ٢٣ يونيو ٢٠٢٤
الموضوع طبيعي هدي نفسك... ثانوية عامة مرحلة صعبة في حياتنا كلها المجتمع عظم من شأنها كأنها جنة أو نار.. انا فاكر قبل يوم العربي كنت قاعد على السرير بعيط من كتر الضغط ونمت من كتر العياط و امتحان الجيولوجيا قطعت المذكرة عشان مش قادر اراجع الباب الرابع و كذلك في الكيمياء و اللجنة عندنا كان الناس فوق بعضها من كتر الغش و الهرجلة لدرجة ان الديسك بيبقى قاعد فيه اتنين عادي برأيك كان سهل تركز او تسترجع معلومات في الوضع ده؟ مرحلة الامتحانات مش وقت تأنب فيه ذاتك، الخوف شيء طبيعي بيخف مع كثرة الذكر و قراءة القرآن و انك تعيش حياتك عادي. انا بكلمك بعد ٥ سنين من ثانوية عامة وبقولك متستاهلش ذرة تعب نفسي من التعبتها وده مش دعوة للكسل و إهمال الدراسة لكن وضع كل شيء في حجمه.. بالتوفيق.
تم النشر السبت، ٢٢ يونيو ٢٠٢٤
ممكن ده بسبب التوتر حاول متشتتش تركيذك وافتكر إنك ذاكرت كويس وثقه أهلك ومستقبلك حاول تنام كويس ومتسهرش نام عدد ساعات الطبيعيه اقرأ قرآن متراجعش ولا بعد الامتحان ولا قبله إنت ذاكرت إمبارح وخلاص فالوقت ده معلكش حاجه تعملها غير التوكيز وعدم التوتر شوف إنت ممكن تنسي توترك فأيه مثلا افتكر نكته او اضحك مع صحابك قبل متدخل الامتخان متفكرش المادة افتكر بس انك ذاكرت وعملت الي عليك ومتعملش حاجه غير الدعاء والامل والثقة بالله ونت فاللجنه حسيت السؤال هياخد وقت انزل للي بعده عشان ده هيضيع وقت عادي علم عليه وهترجعله متخلنيش حد يشتتك بغشه وتفائل ونشاء الله تعدي علي خير
تم النشر السبت، ٢٩ يونيو ٢٠٢٤
أولا، هدي أعصابك وخد نفس عميق. الامتحانات بتكون مرهقة وأحيانا بتهز الثقة بالنفس. الآن، خلينا نتكلم على كم نقطة ممكن تساعدك: التنفس العميق والتأمل : قبل الامتحان، خد خمس دقايق بس للتنفس العميق. حاول تركز على تنفسك وأنت تغمض عينك. ده هيهدأ أعصابك. التخطيط : قسم الوقت المتاح ليك خلال الامتحان. مثلا، لو الامتحان ساعة، خلي 5 دقايق في الأول تقرا الأسئلة بسرعة وترتب نفسك. بعد كده، خلي وقت محدد لكل سؤال. الأولويات : جاوب على الأسئلة اللي تكون واثق من إجاباتها الأول. ده هيديك دفعة ثقة والباقي بعد كده هيكون أسرع. العزلة الذهنية : لو تشتيت الأفكار بيحصل لك بالكثير، حاول تتدرب على العزلة الذهنية. يعني لما تفكر في حاجة مش متعلقة، قف نفسك وقل: "ده مش وقته، نرجعله بعد الامتحان". البيئة الخارجية : للأسف، موضوع اللجنة والمراقبين مش في إيدينا. حاول تتجاهلهم قدر المستطاع أو اطلب منهم بلطف يقللوا الإزعاج. التغذية والنوم : اتأكد أنك نايم كويس قبل الامتحان وماكل غذاء صحي. الجوع أو التعب بيزيدوا من التشتيت. فوق كل ده، أفهم شعورك وده شئ طبيعي. لما تحس أنك بتضيع وقت في الحاجات دي، بس قف شوية، خد نفس، وارجع للسؤال بهدوء. بالتدريب والصبر، هتلاقي نفسك بتتحسن تدريجيا. ربنا يوفقك في الباقي وإن شاء الله تعوض وتحقق كل اللي بتتمناه!
تم النشر السبت، ٢٢ يونيو ٢٠٢٤
ما هو مش ب ايدي ، هي الحاجات دي بتجيلي كده انا بخلص حل و مش بيكون فيه وقت يادوب بالعافية
تم النشر الأربعاء، ٢٦ يونيو ٢٠٢٤
لعرض السؤال في فدني اضغط هنا