الموضوع طبيعي هدي نفسك... ثانوية عامة مرحلة صعبة في حياتنا كلها المجتمع عظم من شأنها كأنها جنة أو نار.. انا فاكر قبل يوم العربي كنت قاعد على السرير بعيط من كتر الضغط ونمت من كتر العياط و امتحان الجيولوجيا قطعت المذكرة عشان مش قادر اراجع الباب الرابع و كذلك في الكيمياء و اللجنة عندنا كان الناس فوق بعضها من كتر الغش و الهرجلة لدرجة ان الديسك بيبقى قاعد فيه اتنين عادي برأيك كان سهل تركز او تسترجع معلومات في الوضع ده؟ مرحلة الامتحانات مش وقت تأنب فيه ذاتك، الخوف شيء طبيعي بيخف مع كثرة الذكر و قراءة القرآن و انك تعيش حياتك عادي. انا بكلمك بعد ٥ سنين من ثانوية عامة وبقولك متستاهلش ذرة تعب نفسي من التعبتها وده مش دعوة للكسل و إهمال الدراسة لكن وضع كل شيء في حجمه.. بالتوفيق.
تم النشر السبت، ٢٢ يونيو ٢٠٢٤
3 تعليق
إن شاء الله
تم النشر الأحد، ٢٣ يونيو ٢٠٢٤
نقل عن شيخ الإسلام ابن تيمية : إنه ليقف خاطري في المسألة والشيء أو الحالة فأستغفر الله تعالى ألف مرة أو أكثر أو أقل حتى ينشرح الصدر وينحل إشكال ما أشكل. وحاول بردو تهيئ الجو وانت بتذاكر تطرد المشتتات وغيره.
تم النشر السبت، ٢٢ يونيو ٢٠٢٤
انا مش خايف بس مش بعرف اركز بحس اني عقلي بره اللجنة وانا جوه و غير النصوص، دي طلاسم مش نصوص بقرأ ١٠ مرات علشان افهم
تم النشر السبت، ٢٢ يونيو ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك