عايزه اعرض مشكله لكن ياريت محدش يقلل منها
انا مخطوبه من حوالي سبع شهور ..المهم أنه بحس أنه خطيبي طباعه سهله في بعض الاشياء
عموما انا بحب الراجل الغيور بتصرفات مش بالكلام
بجد حتي لو عصبي في غيرته انا هتقبل دا
المهم ..انا اكتر من مره بضطر اني اطلب اوردر من بلد تانيه بيكون عباره عن علاج مثلا او دواء من شركه او شي مضطره اشتريه وسبحان الله كان فيه حجات كتيره تخصه زي هديه لعيد ميلاده أو هديه لوالدته أو ما شابه
وانا اللي كنت بستلمها بنفسي من مبدأ اني بكون عملاها ليه مفاجاه فمينفعش يشوفها
بس لما بكون طالبه حاجه لنفسي وليكن زي العلاج بقولو اني طالبه كذا وهتجيني عند البيت وهنزل للرجل آخدها، عمره ما عرض عليا هو اللي يستلم ليا الأوردر من باب أنه لا متتعامليش مع راجل (وللعلم والله العظيم انا بديلو وهديلو فلوس الحاجه اصلا من باب أنه اصلا انا مش ملزمه منه اساسا يصرف عليا فأنا هديلو الفلوس في وقتها اصلا وحصل قبل كدا اديتو فلوس حاجه معينه مش اوردر واخدها مني عادي..لانه مش ملزم برغم أنه حاجه بسيطه🙂 بس فعلا مش ملزم)
جيت المرادي طالبه علاج وانا من جوايا مكسوفه آخد من الراجل الأوردر يعني انا كبنت مكسوفه وكل مره كنت بتكسف والله العظيم بس مضطره لانه علاج مثلا او هديه له وهكذا
طلبت منه أنه لو يقدر يستلم ليا الأوردر قالي لا انتي انزلي خديه.. برغم أنه من طباع اي راجل وبشوف اخواتي مرتاتهم لا خليكي انتي متنزليش انا هنزل الراجل
للعلم خطيبي بيتهم لازق ف بيتنا بالظبببببط
بجد نفسيتي تعبانه وقلبي وجعني أنه ليه طباعه عادي كدا
وتتكرر الموقف دا كتير ..وفيه أمور مشابهه لكدا بحسو فيها عادي والأمور سهله وايزي جدا
دلوقتي المشكله فين 🤔 هو ممكن يكون من باب الفضول أو الغيره كان بينزل يجيبه ولكن لما ألقاها بتكرر كتير كده هتبقي فرض عليه ينزل عالطول ومش فرض ممكن يكون حس بالحمل أنه بقي حمل عليه وبعدين طالما انتي جايبه علاج أو هديه ليه بتقوليله ؟؟؟؟ انتي جايبه حاجه زي كده متعرفهوش الراجل يجيب الاوردر انزلي خدي. ومحدش شاف حاجه وبعدين هو ماله انك كل شويه تقوليله انا بعد اجيب علاج ،ايه اللي دخله في الموضوع 🤔 وحاجه كويسه أنه يغير عليكي من اي شخص. وحاجه تاني انتي بتقولي بتتكسفي تتعاملي مع الرجاله هو انتي بعد الجواز هتخلي هو اللي ينزل يشتري ويجيب ويتعامل مع البياعين ؟؟؟ يبقي انتي كده مش هتنزلي الشارع وكمان ولا هتركبي مواصلات لوحدك لأن السواقين رجاله برده يبقي انتي كده هتبقي حابسه نفسك ونصيحه لو انتي فكرتي كده وأنه هو اللي هيجيب لك كل حاجه يبقي العلاقه مش هتكمل لييييه لأن لو عملها مره واستحمل مره مش هيستحمل كل مره وانا لو مكانه وبعد الجواز اروح واشتري واجيب و و و طب مخدم نفسي بنفسي وبلاها الجواز 👌 راجعي مشكلتك في دماغك الاول
تم النشر الاثنين، ٢ سبتمبر ٢٠٢٤
ممكن تكون حالته المادية مش احسن حاجة؟ ممكن يكون شايف ان من الرجولة هو يحاسب بس مش هيقدر ماديا فبيرفض ينزل؟ وهو هيغير من كدا ليه اصلا ماهو باباكي عارف ومامتك والشارع كله عارف ان دا اوردر والراجل هيديكي الاوردر وياخد فلوسه ويمشي! مش هيحتك بيكي اصلا!! فيغير ليه؟ يغير مثلا لو حد ركب جانبك في المواصلات او لو طلبتي اوبر لوحدك او لو كنتي في فرح وخارجة مثلا عشان البوابة بتكون مليانة شباب. لكن صاحب الاوردر جايلك بيتك اصلا وجاي عشان شغله وماشي وانا نفسي لما باطلب حاجة بانزل اجيبها مع ان بابايا وعيلتي الحمد لله موجودين فمفيش داعي للغيرة ومفيش داعي للكسوف لإن المكان مفتوح والناس رايحة وجايه!! فماتحكميش عليه من الموقف دا بس اديله أعذار في الموقف دا عشان انتوا اكيد داخلين على جواز والماديات مقصرة، احكمي عليه بمواقف تانية بعيدا عن الفلوس الفترة دي.
تم النشر الأحد، ١ سبتمبر ٢٠٢٤
بصى يا حبيبتى هو الموضوع مش بسيط اصلا انتى فى فتره المفروض فيها الدلع كله و فتره الخطوبه دى اجمل ايامك بصى هو عيب أوى موضوع أنه ياخد منك فلوس حاجه جبهالك حته لو بسيطه و موضوع لا انزلى خديها دى طبعا لا ازاى ده انتم مخطوبين هو لو بيعمل كده كمان مع اهل بيته فا انصحك لا لان ثلاثه لاينظهر الله لهم يوم القيامة الكاسيات العاريات والمتشبهات من النساء بالرجال والديوث فى فكرى هو فعلاوبخيل أو لا هو فعلا مش بيغير أو لا انت اكترر واحده هتعرف تقيمى العلاقه و ربنا يهديك الحال
تم النشر الأحد، ١ سبتمبر ٢٠٢٤
طيب بصي اولا يعني انتم في مرحله الخطوبه حلو جدا انك تركزي النقط اللي بتفرق معاك فارقه معاكي الخطوبه معموله عشان كده عشان تشوفي النقط اللي فارقه معاكي انت هتتحملي انه انت يكون زوجك مش غيور عليك شكله اللي انت تكوني حاسه فيه بالامان معاك ببساطه كده لا انت شايفه انه لو زوجي مش بيعمل كده انا حاسه على طول ان في حاجه غلط اذا هو ما يناسبكيش. انا انا مش هجمل لك الكلام خالص بس هو كده ما يناسبكيش طالما دي نقطه بالنسبه لك مهمه وهتخليكي تبصي له في المستقبل بنظره اقل تبدئي تبصي لا انا هشوف انه اخواتي غيرتهم احسن انا انا عايزه حد زي اخواتي طب احنا دلوقتي لا انا انا الشخص ده مش هيناسبني وانا عايزه حد يناسب اللي يخليني اقدر اعيش في امان بس كده. بس خليكي فاكره كويس جدا انه انت تكوني عارفه انت عايزه ايه تكوني عارفه فعلا ان الصفه دي انت تتحمليها انا راجل يكون غيره عليك لدرجه ان هو ممكن يخليك ما تتحركش ولا تروحي ولا يمين ولا شمال عشان هو ما يحبش انك تتعاملي مع رجاله ممكن يخليكي ما تكذبيش حاجه من السوبر مارك فانت هتضطري تستنيه تستنيه بقى تستنيه ممكن يخليك تستني يوم.
تم النشر الأحد، ١ سبتمبر ٢٠٢٤
اهلآ وسهلآ بكي عزيزتي أشعر بماذا تشعرين من مصاعب اتجاه هذه المواقف ولكن يجب عليكي ان تنظري من جانب آخر وان تقدمي له فرصة كيف!...اولآ ابدئي معه وفاتحيه بهذا الموضوع فى هذا من حقك في كل علاقة ان تقولي ما تري وما تشعري سواء ان كان عن غلط او معامله يجب عليكي ان تبادري في مثل تلك المواقف خصوصآ انه خطيبكي يجب ان تبدأي معه منذ هذا الوقت قبل فوات الأوان عزيزتي لاتترددي ولا تقومي بالسكوت عن ايا شعور دامك على حق ومادام هذا حقك فى التفاهم ونظر في رئيه هو الحل الأمثل ما بينكم اسأل الله ان يكتب لكم الخير .
تم النشر الأحد، ١ سبتمبر ٢٠٢٤
عزيزتي، أقدر تمامًا مشاعرك وأفهم الصعوبات التي تمرين بها في هذه العلاقة. من الواضح أنكِ تسعين لتكوين علاقة مبنية على الندية والرعاية المتبادلة، وفي الوقت نفسه تودين الشعور بالأمان والاهتمام من خطيبك. من المهم أن تعرفي أن كل شخص لديه طبيعته الخاصة، وقد يكون خطيبك لا يدرك تمامًا كيف يمكن لتصرفاته أن تؤثر عليك. يمكن أن يكون من المفيد فتح حوار صريح ومباشر معه حول مشاعرك واحتياجاتك. ذكريه بأن لديك حاجة للشعور بالأمان والاهتمام، وأنك تقدرين عندما يشارك في أنشطة تُظهر الغيرة الصحية، مثل استلام الطلبيات بدلًا من خروجك وحدك. حاولي أن تتحدثي معه في وقت هادئ وليس أثناء مشاعر التوتر. تأكدي من أن يتفهم موقفك ومشاعرك دون أن تشعري بالضغط. قد يحتاج إلى بعض الوقت لتغيير بعض سلوكياته، ولكن التواصل الواضح والصادق يمكن أن يُحدث فرقًا كبيرًا. بالإضافة إلى ذلك، احرصي على بناء ثقتك بنفسك وتقديرك لذاتك؛ فكلما كانت لديك صورة إيجابية عن نفسك، زادت قدرتك على التعبير عن احتياجاتك بشكل فعال. إذا وجدت أنه لا يوجد تجاوب منه أو إذا كانت الأمور لا تتحسن، فقد تحتاجين للتفكير في ما هو الأفضل لمصلحتك في المستقبل. أرجو أن تجدي الراحة والقوة في مواجهة هذه التحديات، وتذكري أن الحوار والتفاهم هما أساس أي علاقة ناجحة.
تم النشر الأحد، ١ سبتمبر ٢٠٢٤
لعرض السؤال في فدني اضغط هنا