لا أستطيع نسيان ما فعله بي أهلي ولا إجبارهم لي على رفض ابن عمتي، كيف أتجاوز الماضي؟

Question

السلام عليكم ورحمة الله وبركاته وانا صغيره اخواتي كانو بيضربوني واخويا الكبير كان بيعمل فيا حاجه وحشه وطول فتره الابتدائي كدا وبعدين دخلت الاعدادي واخواتي الشباب بقوا متحاكمين جامد وبيضربوني وامي بردو وانا اصلا ابويا مكنش عايش معايا واصلا مات يعني محستش بأمان في عيلتي وفضل النظام دا يضربوني بسبب لبسي معملتش الشقه مغسلتش المواعين اسباب تافهة حرفيا ولحد ما دخلت الثانوي وانا في اجازه الكليه وانتحرت وابن عمتي لحقني ووداني المستشفي بسبب ضغطهم وهو كان طلبني وكل الناس كانت بتقولي لا ومسدجات كانت بتجلي تخوفني من ارقام غريبه منه ورفضت رغم ان بحبه ومعجبه بي بس بعدت عشان المشاكل وبعدين بعدت عنهم سنتين وامي كانت بتعايرني به وبيشتموني شتايم وحشه وانا غصب عني رفضته مع اني روحي فيه وبعدين عمتي قالت لي تعالي ادي لولاد أخته دروس ورحت ومكنتش اعرف إني هدخل ف حاله نفسيه كدا واشوفه مع مراته واندم ويصعب عليا نفسي اووي ان انا حبيته وبعدت والمفروض انا مكانها وبعدين ف يوم كنت عندهم وصاحبتي رنت عليا وقالت لي عريس جايلك ومتجوز ومخلف وهو كان موجود وأنا بكلمها وصعبت عليا نفسي وعيطت (السنتين دول اتغيرت وبقيت اعيط ع اتافه الاسباب ولما يطبطب عليا و لما حد بيقولي مالك بنهار من العياط) وهو سالني مالك قلت له مفيش وأنا بعيط وكان بيضغط عليا وبيخليني أحكي وبعدها اخته دخلت وأنا بعيط وقلت له جالي عريس متجوز و قالي بتعيطي ليه قلت له ماما هتضغط عليا زي ما عملت معاك وقالي سيبك من الماضي قلت له انا فيه وحرفيا مدمره وكل دا وأنا بتكلم بصويت و انيهار وانا اصلا بقيت افكر فيه كتير ومش عارفه اعمل ايه ممكن حد يفدني

Accepted Answer

أنتِ عشتِ ظروف صعبة وحياة أسرية سيئة لكن طالما مش قادرة تقفي وتواجهي هتفضلي في المشاكل دي. أنتِ دلوقتي بتهربي من واقعكِ لحاجة مش كويسة وهي سعيك وتعلقك بابن عمتك... ده غلط من ناحية إن حرام تتكلمي معه وتحاولي تقربي منه وتفضفضي له بمشاكلك وأحزانك. ومن ناحية تاني هو خلاص متزوج ومخلف، فأنتِ بتفكيرك فيه وتعاملك معه بتعملي إيه بالضبط؟ أولا، وقفي تعاملك معه وبطلي تفكري فيه... عارفة ده مش سهل بس لو شغلتِ نفسكِ في الأهم هتلاقي نفسك مع الوقت مش بتفكري فيه. ثانيًا، فكري في الوضع الحالي اللي انتِ فيه... فكري إزاي تخرجي منه... مش تفضلي واقفة مكانك تبكي على نفسك وتفضلي معلقة حالك على شماعة الظروف ومعاملة أهلك. اخرجي من دائرة دور الضحية واعرفي إزاي تدافعي عن نفسك. ضعفك وعياطك طول الوقت مش هيخلي اللي حواليكِ يتعاطفوا معكِ ويقرروا يبقوا حنيين فجأة ويغيروا معاملتهم بالعكس ده هيخليهم يضغطوا عليكِ أكتر ويسيؤا معاملتك أكتر وأكتر... كفاية تظهري ضعفك وتعبك لحد وكفاية تسمحي لحد يستغلك ويعاملك كأنك أقل من البقية. يا ريت تشوفي الفيديو ده وممكن تشوفي الفيديوهات التانية على قناة د. أسماء هتفيدك بنصائحها إن شاء الله https://www.youtube.com/watch?v=8xO-FS0IJKs&ab_channel=dr_AsmaaElkady بالتوفيق إن شاء الله.

Answer

والله كل ما مر عليك وكل ما يمر بك الآن وحده الله تعالى من يعلم قدره لقد عايشت مواقف صعبة وقاسية حتى سند الأب رحمه الله مش موجود.سأقول لك بعض الكلمات وأنت وحدك من تقررين الأخذ بها أو لا: أولا،، توقفي عن البكاء فلن يرجع شيء ولن يحل شيء ثانيا،، اذهبي للوضوء وصلي ركعتين من غير الفريضة ثالثا،، بعد الإنتهاء من الصلاة وأنت على المصلية ارفعي رأسك لأعلى وخذي نفس عميق وأخرجيه وأنت تقولين الحمد لله رابعا،، بالنسبة إلى أهل بيتك أسكتيهم، هم اعتادوا اهانتك لماذا لم تغسلي كذا غسلت لماذا لم تقومي بكذا فعلت وانتهيت ستجدينهم يصمتون فأنت أبطلت حجتهم و هيتغيروا معاك للأفضل ما تعاند مع المعاند وهيحبوك صحيح أنت الصغري فيهم لكن بتنازلك ستكونين أنت الكبرى في نظرهم ونظر أمك. خامسا،، ابن عمتك لم يكن مقدر لك وقدر لغيرك والله سيأتي أفضل منه لكن لا تستعجلي رزق الله قادم. وأخيرا كل ما سبق لن ينجح إلا في حالة واحدة وهي رضا من أوحى إلى بكتابة هذا الكلام وهو الله،، ،، ونحن أقرب إليه من حبل الوريد،، صدق الله العظيم أعانك الله ووفقك إلى ما فيه خير🤲💚

Answer

وعليكم السلام ورحمة الله وبركاته، أختي العزيزة، أشعر بمعاناتك وما تمرين به من تحديات وصعوبات في حياتك. من الواضح أن لديك العديد من التجارب المؤلمة التي تركت تأثيرًا كبيرًا على حياتك، وخاصة ما تعرضت له من عنف وضغوط نفسية منذ الصغر. أنت تستحقين أن تعيشي حياة مليئة بالسلام والسعادة، وأدرك أن مشاعر الحزن والقلق قد تكون مربكة للغاية. من المهم أن تتحدثي مع شخص مؤهل، مثل معالج نفسي أو مستشار، يستطيع مساعدتك في معالجة هذه المشاعر وتجاربك القديمة. هذا أمر ضروري لك لتحسين وضعك النفسي وتجاوز الصعوبات التي تواجهينها. من الجيد أنك تملكين الوعي لمشاعرك الحالية، وهذا يمثل خطوة مهمة نحو الشفاء. حاولي أيضًا أن تعملي على بناء شبكة دعم من الأصدقاء الأساسيين أو الأشخاص الذين يمكنك الوثوق بهم، فالصداقة والدعم الاجتماعي يمكن أن يكونا عاملين مساعدين في تجاوز الأوقات الصعبة. إذا كنت تشعرين بصعوبة في التعامل مع الضغوط أو الأفكار السلبية، لا تترددي في السعي للحصول على المساعدة المتخصصة. تذكري، ليست وحدك، وهناك الكثير من الموارد والدعم المتاح لك. تمنياتي لك بالشفاء والسلام الداخلي.

لا أستطيع نسيان ما فعله بي أهلي ولا إجبارهم لي على رفض ابن عمتي، كيف أتجاوز الماضي؟

نفسية

اجتماعية

أهل

سؤال من احد أعضاء فدني

تم النشر الثلاثاء، ٣١ ديسمبر ٢٠٢٤

3 إجابة

17 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك