السلام عليكم ورحمه الله وبركاته
انا اول مره استخدم التطبيق واتمني تنصحوني لوجه الله عشان انا مش عندي حد ينصحني انا بحب واحد زميلي من الكليه وهو أكبر مني بسنه واتخرج وانا حاليا بتخرج وانا بيتقدملي عرسان وفي منهم ناس كويسه جدا ومناسبين وانا برفض عشان الشخص اللي في حياتي وفي نفس الوقت انا مش عارفه مسير الشخص اللي في حياتي ايه وامتا هياخد خطوه رسمي هو فعليا لسه في بداية حياته ومش عارف يعمل ايه في حياته ومش جاهز خالص أنه يخطب مستقبله لسه مش واضح خالص وبجانب كل دا هو بيحبني وانا واثقه من دا وهو شخص طيب جدا بس هو مش مديني في نفس الوقت اهتمام بحس أن مش من أولوياته وعلاقتنا مش قوية زي اي اتنين مرتبطين احنا لينا مع بعض سنه مش بيكلمني اتصال يسأل غير للضروه جدا وبحس أنه بيكلمني بالعافيه وعايز يقفل وبيقولي أنه مش بيعرف يكلمني لانه مشغول أو فالبيت أو مش عارف يكلمني اتصال بس بيكلمني شات بس انا اللي بفتح مواضيع أو كلام انا حاليا مش عارفه اكمل في العلاقه دي عشان هو شخص طيب وعارفه أنه بيحبني ولا ابعد واركز في حياتي واكيد ربنا هيجمعني بنصيبي سواء كان هو أو غيره
انتي بتتعلقي بحبال دايبه انتي مش متاكده انه كان بيحبك و لا لا .. و هو مش بيحبك لانك بتقولي مش بيديكي اهتمام اصلا ... ثانيا مش معروف مصيره و مستقبله و مش جاهز و لما يبقي جاهز الله اعلم هيقدر انك انتظرتيه و لا لا و كمان هل ضامنه ان الاهالي يوافقوا علي بعض و عليكوا ؟ و بعدين متبدئيش حياتك بعلاقه غلط اصلا و اللي يدخل البيت و كويس من كل الجوانب توكلي علي الله و وافقي عليه .. محدش مضمون الايام دي و محدش بيفشل عايش في الذكريات
تم النشر الجمعة، ١٧ مايو ٢٠٢٤
وعليكم السلام ورحمة الله وبركاته. أنا هنا عشان أساعدك ونتكلم مخصوص عن مشاكلك. برأيك، ما هي الأمور اللي تعتبرها أكثر أهمية في علاقتك؟ هل ترى أن الشخص اللي تحبيه يستحق إنك تنتظريه لوقت ما يتخذ القرار المناسب، أم يمكنك أن تستمتعي بالحياة وتركزي على نفسك لتحقيق أهدافك وتطمئني لبركة الزواج بالوقت المناسب؟ اتحمل الآن في الوقت الحالي أن تكوني راضية عن حياتك وتستثمري في تطوير نفسك وبناء مستقبلك الخاص؟ معك حق في الاهتمام والاحترام في العلاقة، وعليكي أن تتساءلي إذا كنتي تحصلين على الدعم والرعاية اللي تحتاجينها من الشخص اللي تحبيه. في النهاية، أنا هنا لمساعدتك في تحليل ظروفك واختيار الخطوة اللي تناسبك أفضل.
تم النشر الأربعاء، ١٥ مايو ٢٠٢٤
من ترك شيئا لله عوضه الله خيرا منه إبعدي وركزي في حياتك وسيبي ربنا يختارلك الأنسب .. لأنك كدا موقفه حياتك وحياته.. إنتِ مستنياه وهو معتمد إنك موجوده ومستنيه وبتبدأي كلام وصابره ومش هيجري في حياته ولا هيحط خطه لمستقبله .. ببساطه لأنه في منطقة الراحة مش حاسس بخطر. نصيحتي إتكلمي معاه وقوليله علاقتنا دي مش حلال ومش في النور و انا مش عايزه أغضب ربنا ولو لينا نصيب نكون سوا مش عايزه يكون بدايته علاقه تغضب ربنا .. و إمسحيه وإمسحي كل حاجه ليها علاقه بيه وإدي لنفسك فرصه تفكري وتقرري وتختاري صح
تم النشر الأربعاء، ١٥ مايو ٢٠٢٤
شكرا ليكي علي المشاركة في فرق بين ان اللي قدامك مهتم بيكي وبيبدأ بالسؤال عليكي أوانه بيرد عليكي الأمر واضح جواكي هوا انك بتحبيه وعايزه تكملي ده انك تتجوزيه هوا بقا ايه ؟؟ هل صرح بده ولا دا توقع منك حتي لو فبداية حياته حتي لو مفيش عريس تاني متقدملك انتي معلقه نفسك بتوقع؟ حاجة من اتنين يإما تواجهيه وتسأليه صراحة عن نيته ايه؟ يإما تاخدي خطوة لورا وتتركي الأمر لله بدون ماتفكري تنتظري ردة الفعل والأفضل متاخديش قرار الزواج من اي شخص لانه مناسب ماديا فقط هل انتي جاهزة علي خطوة الزواج ككل وتحمل المسؤليه والاولاد وتربيتهم فكري الاول انتي محتاجة ايه ؟وتقدري علي ايه؟
تم النشر الخميس، ١٦ مايو ٢٠٢٤
هو المفروض يكلمك بصفة إيه بالضبط؟ ممكن يكون مش مديكي اهتمام علشان هو واحد محترم وعارف أن علاقة الارتباط اللي من وراء الأهل علاقة غلط ولو عايزة تعملي فيه معروف تساعديه على كدة علشان ماتبقيش أنت سبب في ارتكابه للمعصية
تم النشر الأربعاء، ١٥ مايو ٢٠٢٤
ممكن يكون فعلا شخص محترم واخلاق ومعجب بيكي ،وانتي عندك مشاعر ليه لكن الحب وحده لا يكفي لبناء حياه مستقره لازم يقترن بالحب مسؤليه بمعني معجب بيكي بدخل البيت من بابه معنديش استعداد يبقي مفيش تواصل ولو ليكم نصيب تكونوا مع بعض هتكونوا مع بعض بالرغم من اي ظروف ، تفتكري دايما ان اي علاقه بره إطار الزواج علاقه مؤذيه علي كافه المستويات أولها غضب ربنا وآخرها وتعب وحيره ، حاولي تقفلي اي وسيله تواصل معاه لو مش هيقدر ياخد خطوه حالا وادعي كتير قولي اللهم قدر لي الخير حيث كان وارضني به
تم النشر الأربعاء، ١٥ مايو ٢٠٢٤
لو بيحبك فعلا يجي يكلم اهلك و يعرفهم مش يكلمك من وراهم و كمان يتهرب منك +الحب مش كل الحاجة فيه برضو حاجات مهمة لازم تاخدي بالك منك زي الاخلاق و التديين و المعاملة الحسنة و اكيد الماديات عشان تعرفوا تعيشوا مرتاحين فياريت تفكري بعقلك مش مشاعرك لان ده قرار مصيري اكيد هايفرق في حياتك
تم النشر الجمعة، ١٧ مايو ٢٠٢٤
بصي انتي تبعدي ولو اتقدملك شخص كويس وافقي عليه عشان متندميش بعدين احنا منعرفش الخير فين بس هقولك مفيش حاجه اسمها حب قبل الجواز بتكون اعجاب ولهفه بدايات وبتروح مع الوقت صدقيني انتي بس ارجعي لربنا وادعيله بالزوج الصالح وربنا يقدملك اللي فيه الخير وحطي دايما فبالك ان دا مش حب واعجاب مش اكتر والحب بيجي بعد العشره والجو الحلو دا فعيش الزوجيه مش على الفون والكلام الحب والشغل ألفيك دا
تم النشر الأربعاء، ١٥ مايو ٢٠٢٤
اقبلي بلي دق الباب سيبي الي مو معطيك كلمه او وعد او محبه وش تبين فيه ذا خذي شخص يحبك يعزك ويرزك رجل قلبه عليك ولك هذا اذا انتِ شاكه في انه له نيه زواج وانتِ قابله شخصيته وتحبينه قولي له انت عاوز ايه وش تبي بسعودي صداقه عندنا يا العرب لا توجد صداقه بين الرجل والمراءه ولا نؤمن بذلك اذا انتِ الي تعرفتي في البدايه اقلك لا استوب روحي لنصيبك اذا لا عطيه فرصه يرد عليك بلكلام اذا هو يبي يزوجك بيقول اذا قال انتِ مجرد زميله الحمدلله وبيباي
تم النشر الجمعة، ١٧ مايو ٢٠٢٤
لعرض السؤال في فدني اضغط هنا