انا زهقت من حياتى والى بيحصل فيها حاسس على طول انى انسان فاضى من جوا مافيش حاجة مليانى مافيش حاجة بحبها فى نفسي
عامل زاى الاعمى الى بيطبش ممكن اعمل حاجة وبعد كدا ارجع اسأل نفسي هو انا عملت كدا لي
انا وحيد بدرجة غريبة ومنعزل نفسي اشوف واتشاف.. نفسي احب واتحب
كل اللي حواليا بيتقدمو وانا برجع مافيش جديد في حياتى من ٧ سنين الحياة واقفة والناس مابتتغيرش دماغى دى فاضية مع انى ف سن المفروض تكون فيه شعلة نشاط وحركة وتهتم بنفسك وجسمك.. انا بفكر كتير اتخلص من حياتى لان محدش حاسس بيا ولا حد قريب منى..
اول حاجه ابدأ افهم نفسك .. انت محتاج ايه وايه الي مخليك حاسس بشعور الفضا.. فكر ف نفسك وفي احتيجاتك حاول تغير ف نفسك الحاجات الي بتدايقك وفجأه هتلاقي الحياه بتتغير لوحدها قدامك بس انت لازم تبدأ بنفسك اصل الشخص الي حابب نفسه دايما بيشوف الحياه حلوه قصاده.. ابدأ بحاجات بسيطه زي انك تنزل چيم مثلا وده هيغير من نفسيتك اوي علفكره وانك تبدأ تتعرف علي ناس جديده تكون ناس كويسه وعندهم اهداف ومع مرافقتك ليهم هتبدأ تبقي زيهم وهيغيروا فيك للاحسن وقرب من ربنا اكتر وحاول تصلي ف الجامع مش في البيت ده ممكن يخليك تتعرف علي شباب زيك ونت متأكد أنهم كويسين ولو عايز تحب وتتحب فده سهل بس لو انت حبيت نفسك الاول هتلاقي الكل بيحبك احنا الناس بفطرتنا بنحب الشخص الي بيحب نفسه وبيهتم بنفسه وعنده حياه فبنبدأ نحس أن احنا عايزين نبقي جزء من حياته ديه.. بس خليك عارف ان الحب مش أولويه وان الحياه مليانه حاجات كتير اهم.. اقعد مع عيلتك اكتر وقرب منهم و اعمل الحاجه الي تبسطك ممكن تكون انت متعرفش اي هي دلوقتي بس عادي حاول تكتشفها عشان صدقني مفيش حد في الدنيا معندوش حاجه بيحب يعملها أو نفسه يجربها.. وف الاخر هقولك حاول تبدأ عشان لو مختش الخطوه الاولي كل حاجه هتفضل ثابته.. عشان مفيش حاجه بتتغير من نفسها لازم احنا نحاول نغيرها✨💝+ مش لازم تاخد كل اللوم علي نفسك انت انسان وده طبيعي انك تحس بيه عشان مفيش حد مثالي ومعندوش مشاكل او مشاعر زي ديه + خليك عارف ان ربنا مبيخلقش حد ع الدنيا منغير مايكون ليه اهميه ف الحياه ديه وفايده✨
تم النشر الأربعاء، ١٩ فبراير ٢٠٢٥
ركز في صلاتك و قربك من الله ، هتحس بفرق رهيب لو ركزت بجد ، المؤمن عامة لم يخلق عبثا ، المؤمن حتي لو لم يكون له مركز عالي في الدنيا فالمقياس هنا ليس الدنيا أساسا بل الجنة ، متى تكون نجحت؟ لما تدخل الجنة إن شاء الله ، أنصحك بالابتعاد عن مشاهدة ومتابعة صفحات بعض الناس على مواقع التواصل لأن دا أساس الشعور ، وركز أكتر فيك ، اي المناسب لشخصيتك واحتياجك الشخصي ، مناسب تشتغل تشتغل مناسب تقعد اقعد ، لا ترهق نفسك ، ف الدنيا فانية العبرة بالآخرة ، ركز في دينك اقرأ كتير عنه.
تم النشر الأربعاء، ١٩ فبراير ٢٠٢٥
اولا ادي لنفسك الحماس وحاول تحس شعور االلي هو انا اقدر اعمل اي حاجه ربنا قادر يساعدني مفيش حاجه هتو قفني عن التقدم جرب كده تلجأ لربنا ... قول يارب انا عايز كذا كذا ومتضايق من كذا كذا واصبر وادعي وانت بتصلي ربنا ما بينساش حد
تم النشر الثلاثاء، ١٨ فبراير ٢٠٢٥
أولاً، أود أن أعبّر عن تضامني مع مشاعرك الصعبة. من الواضح أنك تمر بوقت عصيب وتشعر بالوحدة والفراغ، وهذا أمر يُحتمل أن يكون مؤلمًا جدًا. عليك أن تعلم أن الإحساس بالفراغ وفقدان المعنى في الحياة قد يمر به العديد من الأشخاص، وهذا لا يعني أنك وحيد في معاناتك. من المهم أيضًا أن تدرك أن التفكير في إنهاء الحياة ليس حلاً، بل يمكن أن يكون للهروب من الألم المؤقت. الحياة مليئة بالتحديات، ولكنها أيضًا تحمل الفرص والإمكانيات للتغيير والنمو. تأمل قليلاً فيما يمكن أن يكون سبب شعورك بعدم التحفيز أو الركود، هل هي ظروف معينة أو أفكار تفكر بها بشكل متكرر؟ قد يكون من المفيد الحديث إلى شخص مقرب أو متخصص يمكنه تقديم الدعم والاستماع لك. إليك بعض الخطوات التي قد تساعدك على البدء في تغيير حالتك: تواصل مع الآخرين: حاول فتح قنوات للتواصل مع الأصدقاء أو الأفراد الذين يمكنهم فهم مشاعرك. قد يكون من المفيد أيضًا الانضمام إلى مجموعات دعم إذا كان ذلك ممكنًا. حدد أهدافًا صغيرة: ابدأ بتحديد أهداف صغيرة يمكن تحقيقها بسهولة. سواء كانت هذه الأهداف مرتبطة بالصحة الجسدية أو الهوايات الجديدة، فإن التقدم حتى لو كان صغيرًا يمكن أن يشعر بتحسن. ابحث عن هوايات جديدة: حاول اكتشاف اهتمامات جديدة أو أنشطة لم تجربها من قبل. قد تساعدك على الشعور بالإنجاز. استشر متخصص: إذا استمرت مشاعر الإحباط، قد يكون من الجيد استشارة معالج نفسي أو خبير متمرس يمكنه مساعدتك في عمل خطة للتقدم. تذكر أن طلب الدعم ليس علامة على الضعف، بل هو دليل على القوة والرغبة في التغيير. أشجعك على أخذ الخطوات اللازمة وفتح قلبك للمساعدة. الحياة قد تكون مليئة بالتحديات، لكنها أيضًا يمكن أن تكون مليئة بالأمل والتغيير الإيجابي.
تم النشر الثلاثاء، ١٨ فبراير ٢٠٢٥
انا مريت بنفس الي انت مريت بيه فنصيحه من اختك متتبعش احساسك حط اهداف ليك اشتغل روح جم اتعرف علي ناس جديده اقعد في التجمعات العائليه غير فكرتك عن الناس حب نفسك خليك واثق في نفسك
تم النشر الثلاثاء، ١٨ فبراير ٢٠٢٥
لعرض السؤال في فدني اضغط هنا