عندي مشكلة إني مش بلاقي فيا قبول عند حد بجد
يعني محدش يحبني ويتقبلني غير لو فضل معايا مده طويله غير كده من البداية ما حدش يحب يكرر العاملة معايا مع اني مش مؤذية عادي بتعامل طبيعي ومش لازقة ولو حد من صاحبي عايز يتكلم بتكلم ولو عايز يسكت بسكت مش مدلوقه على اي حد ف الدنيا بحس أنهم ديما عايزين حد اكتڤ معاهم ويجاريهم وأنا شايفة اني عندي منطق ف حاجات كتير ف ما اتخطهوش ف ببقى بالنسبة ليهم مش اللي هو يصاحبوا واول ما يدخل صحبة تالتة بينا خلاص أنا كده بح ويتجنبوني طب ده كان لغايه الصحاب
اتخرجت ورتبت ع الدفعة والكلام ده كله جيت بقى اتعامل مع الدكاترة وقت الماجستير برضو يتعاملوا مع زمايلي بلطف جداااا وأنا قمة التقل والتكبر
ده حتى يوم ما اخد روب التخرج المدير العام للكليه جاب للبنت معايا ف الترتيب برضو جبلها مشروب وانا كان بيبصلي بمنتهى القرف والجليطة( مع العلم لبس كويس ومرتب ونظيف الحمد لله )وحتى ماقاليش اتفضلي ادخل المكتب ده كأنه قالها بعينه كده
ودكتورة تانيه كنت بتكلم معاها ف ميعاد محاضرة قامت هبت فيا وزميلي بتدلعه وتقوله اللي تشوفه ياحبيبي وحتى ف الدرجات قامت مدياله أعلى درجه وأنا ظلمتني ظلم والله ما هسامحها عليه ليوم الدين ، دي شاهده عليا اني دخله الامتحان ايدي متصابه ومتبهدله مش قادره امسك القلم وهي عارفة ده ومع ذالك أنا كاتبه كل كلمة هي طلبها والله
ولما جيت اقولها قالتلي هو ده مستواكي ف الورقه اللي هو طب ازاي ده زميلي كان حالا سؤال عليه 10 حله غلط
ونفس الشيء هيحصل ف الشغل وفي باقي حياتي لو معرفتش ايه المشكله فيا أنا عايزة في ايه ليه المعامله دي أنا مكتفية بنفسي ومش عايزة حاجه من حد ولا عايزة حد بس مش عايزة أشوف ناس كده ف حياتي يشككوني ف شخصيتي
آسفة ع الاطاله بس المشكلة دي بدأت تأثر ع ايامي ونفسيتي 😓
ونعمة بالله.. أنا والله بصلي وبصوم ولما بقدر بصون اتنين وخميس و بعود نفسي ع النوافل وبداءت حفظ القرآن بقالي ٦ شهور وربنا يقدرني واتمه واول واخر حلم ليا اني اعرف اطلع عمرة و عارفة أن قيام الليل بينور الطريق لحاجات كتير والله بيبقى احب وقت ليا ، بس أنا حاليا مسؤول عن البيت والدراسه غصب عني بتهد ف النوم من الساعه 2 مش بعرف أقيم الليل قبل الفجر ولا اعرف اصحى للفجر ، ده بالنسبة لركن العبادات أما التسبيح ف أنا الحمدلله بذكر الله غ يومي وبحاول منساش ، الخلاصه أنا مش وحشة مع ربنا اوي آه يمكن بقصر بس مش لدرجه ربنا يشيل مني محبة الناس حتى بدليل اللي يعرفوني بجد مش بيقدروا يبعدوا عني نهائي وحبي عنهم كبير جدا الحمد لله الفكرة ف الناس اول ماتشوفي اول تعامل أو كلام بيقى صفر قبول 😓
تم النشر الأربعاء، ٨ مايو ٢٠٢٤
أصلحي ما بينك وبين الله يصلح لكي ما بينكي وبين الناس .. إذا أحب الله عبدا نادى ف السماء إني أحب فلانا فأحبوه ثم يوضع له القبول ف الأرض فالقلوب بين اصبعين من أصابع الرحمن يقلبها كيف يشاء فاجعلي همك أن يحبك الله ويرضي عنكي ولا تقدمي شيئا عليه وثقي تماما بالتغير وعليكي بالدعاء
تم النشر الأربعاء، ٨ مايو ٢٠٢٤
لعرض السؤال في فدني اضغط هنا