مساء الخير
فيه حاجة خنقاني ونفسي اتكلم فيها اوي
كنت بشتغل مع حد وكان عندي طموح أطور شغلي اوي كنت حد شغوف وحابب ينجح فيه حد دخل معايا ف الشغل زي شراكه كدا المهم انا كنت لسه متخرجة وشكلي كويس ولبسي شيك اتعرفت عليه وع مراته وبيته وهو كان بيساعدني بشكل مبالغ فيه
كنت بسأل نفسي هو فيه حد بيساعد حد كدا المهم بحكم الشغل علاقتنا اتطورت وهو فضل يقرب مني اوي ويعمل مواقف جدعنه معايا لدرجة اني كنت باخد رأيه ف اي حاجه حتي لو حد متقدملي وكل ما أقوله ع حد يقولي لا انتي تستاهلي حد احسن كتير انتي مش شايفه نفسك ولا اي لحد مجينا ف يوم خرجنا سوا ولقيته بيقربلي اوي و المشكله الأكبر اني لقيت الل بدور عليه معاه
هو كان بيحب الخروج والهزار وبيعرف يحب حبني وانا اتعلقت بيه جدا لدرجة أننا قربنا لدرجة التجاوزات ودا حصل كذا مرة لحد ملقيت نفسي مش قادره ابقى الشخص الوحش دا ودايما حاسه بتأنيب ضمير من ناحيه مراته الست كانت كويسه جدا معايا ومعاه كمان المهم هو طول الوقت كويس معايا بس انا جيت ف مرة ورحت لمراته حكيت لها كل حاجه
وقلتلها انا جتلك علشان ابعد عنه هو مش مساعدني ابعد عنه خالص ولو فيه اي مشكله بينكم حاولي تحليها علشان ميحصلش مع اي بنت زيي الل حصل انا كرهت نفسي ومقهورة كنت يكلمها وانا منهارة
المهم هو انسان مقنع جدا قدر يخلي مراته تسكت انا كمان بحب مراته والله واكتر حاجه مزعلاني اني خسرتها وندمت اني حكتلها لأنها طلبت اني مكلمهاش تاني بس ف نفس الوقت انا قلت كدا كويس على الاقل بعدت عن الموضوع دا خالص زعلانه من نفسي وع نفسي وحاسه أن ربنا مش هيبعتلي شخص كويس بسبب الذنب دا
لكن أنا حاليا تبت لربنا ويحاول معلش حاجة غلط بس انا زعلانه أن انا دخلت العلاقه دي واتطورت كدا واني خسرت واحده كل ذنبها أنها آمنت لي ودخلتني بيتها نفسي كل دا يكون كابوس ونرجع نتعامل تاني بس عارفه أنه بقي مستحيل بس انا مش قادره أتجاوز فكرة الندم والحزن والخسارة
كمان هو شغال معايا في نفس المكان بس انا بتعمد مشفهوش وطلبت منه ميخليش الصدفه حتى تجمعنا وقلتله ركز ف بيتك وسبني ف حالي
اولا احب ابشرك بقول الله تعالى "قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم" كما ان الله ايضا وعد بتبديل السيئات لحسنات عند التوبه النصوحه وكمان الآية الي بتقول "الحسنات يذهبن السيئات" فانصحك بتقديم صدقه جاريه وانك توهبي حسناتها لهذه الزوجه فده حل عملي يرتاح بيه قلبك واوعى تنسي انك بتتعاملي مع الله ارحم الراحمين
تم النشر السبت، ٢٢ مارس ٢٠٢٥
اللي عملتيه هو ده الصح حتى لو خسرتي صداقه زوجته مش مهم المهم رضا ربنا والمفروض كمان تحاولي تسيبي الشغل وتشوفي شغل في مكان تاني لأنه هو طول ما شايفك أمامه هيفتكرك وبالتالي ممكن يحاول يأذيكي بأي طريقه أو يشوه سمعتك بسبب اللي عملتيه معاه لذلك حاولي تبعدي وتطوي هذه الصفحة للأبد وتنسيها وكأنها لم تكن وتابعي حياتك، ولازم تعرفي شئ وهو إنك فيكي خير وإنسانة نظيفة من داخلك ولكن الشيطان حاول يلعب معاكي لعبة خبيثة فأنتي انتصرتي عليه فمبروك ليكي على هذا الإنتصار العظيم.
تم النشر الخميس، ٢٧ مارس ٢٠٢٥
🎤 إجابة صوتية
تم النشر السبت، ٢٢ مارس ٢٠٢٥
مساء النور، أختي العزيزة. أقدر تمامًا مشاعركِ وإحباطك لما حدث، وأعلم أن هذه تجربة صعبة للغاية. الشعور بتأنيب الضمير والندم هو شيء طبيعي بعد ما مررتِ به، خاصة عندما يتعلق الأمر بأشخاص آخرين تأذوا من قراراتنا. أولاً، من المهم أن تتذكّري أنكِ إنسانة تخطئ وتصيب مثل أي أحد آخر. قراركِ بالإفصاح عن كل شيء لزوجته هو خطوة شجاعة تعكس نيتكِ في التوبة وبدء حياة جديدة. الندم هو جزء من عملية النمو والتعلم، ويظهر أنكِ تدركين عواقب أفعالكِ وتبحثين عن طريقة للتعافي. لتجاوز هذه الفترة الصعبة، يمكنكِ اتباع بعض الخطوات العملية: التوبة والتقرب إلى الله : استمري في التوجه إلى الله بالدعاء وطلب التوفيق. التوبة الصادقة هي بداية جديدة، وأرجو أن تشعري بالسلام الداخلي مع الوقت. تحمل المسؤولية : كوني صادقة مع نفسكِ، واعتبري هذه التجربة درسًا، واعملي على ألا تكرري نفس الأخطاء في المستقبل. البعد عن الموقف : إذا كان من الصعب عليكِ التعامل مع الشخص، فالابتعاد عنه كما فعلتِ هو خيار مناسب. حاولي التركيز على تطوير ذاتكِ واهتماماتكِ الشخصية. البحث عن الدعم : قد يكون من المفيد التحدث مع صديقة مقربة أو أحد أفراد العائلة الذين تثقين بهم، قد يكون لديهم نصائح أو دعم عاطفي يساعدكِ من خلال هذه المحنة. تطوير النفس : ابحثي عن نشاطات جديدة تبعد فكركِ عن هذه الذكريات، مثل الانضمام لدورات تدريبية أو الهوايات التي تشعركِ بالسعادة. تذكري، قد تواجهين صعوبات لتجاوز الشعور بالندم في البداية، لكن مع الوقت وبمساعدة الله، يمكنكِ أن تجدي السلام الداخلي وتستمري في حياتكِ بثقة ومصداقية. إن شاء الله ستحصلين على فرصة جديدة لعلاقة سليمة وصحيحة في المستقبل.
تم النشر الجمعة، ٢١ مارس ٢٠٢٥
كل إنسان معرض أنه يغلط... المشكله الاستمرار في الغلط او الاسباب اللي بتؤدي ليه لكن طالما توبتي فابشري قد رجعتي كما كنتي.... فمن فضلك الاحسن ليك تدوري على شغل في مكان تاني وترجعي تبني حياتك من جديد
تم النشر الجمعة، ٢١ مارس ٢٠٢٥
ده انسان مؤذي،الحمد لله انك بعدتي عنه وربنا ينجي مراته منه
تم النشر السبت، ٢٢ مارس ٢٠٢٥
التائب من الذنب كمن لا ذنب له
تم النشر السبت، ٢٢ مارس ٢٠٢٥
انا محتاجة افهم شخصيه الشخص دا من الناحيه النفسيه هو حبني فعلا ولا هو عنده مشكله ويا تري الموضوع دا ممكن انساه ف يوم من الايام واتعامل ف حياتي بشكل طبيعي لاني مبقتش اثق ف حد ابدا وبقيت خايفه اخسر الناس زي مخسرت ف الموضوع دا
تم النشر الجمعة، ٢١ مارس ٢٠٢٥
بحاول اعمل كدا بس انا بتعمد مشفهوش والله وع فكره انا لسه بحبه لاني غصب عني اتعلقت بيه أوي ومع ذلك خدت خطوة اني اكلم مراته بحيث الموضوع ينتهي بشكل قاطع حتي هو مكرهنيش بعد ما قتل لمراته وقالي لو اهلك يوافقوا هتجوزك بس طبعا صعب اهلي يوافقوا بحد متجوز فانا خدت قرار البعد وقفلت كل الابواب الل ممكن تخليني ارجع أكلمه بس هو عايش قريب مني مش يشوفه بس الذكريات محوطاني ودا تاعبني بس يقول اي تعب مش مشكله قصاد اني ابطل الذنب الكبير دا واي تعب دلوقتي هو ضريبه الفرحة المزيفه الل فرحتها معاه
تم النشر الجمعة، ٢١ مارس ٢٠٢٥
أنا ببين ليكي ده لاني مش مكانك فعند اني بحكم على موضوعك بالعقل واما انتي كمان هتخلصي من الموضوع ده هتعرفي تستخدمي عقلك عشان التعلق بيعمى
تم النشر الجمعة، ٢١ مارس ٢٠٢٥
على فكرة ده تعب التكلفة اللي بيحصل بعد العلاقات دي فهو بيحصل تعلق وذكريات طيب علاجها اي... علاجها الوحيد انك تبعدي كل حاجه والزمن هينسيك لان بعد كدا هتحس بتفاهه الموضوع... مش مجرد لحظات هتبني منه جوزك خصوصا انه كان لازم ما يتخطى حدوده معاك ويتقدم من الأول ... وعايز اقولك هتفضلي محاصرة في التعب ده لو ما بدأتي من جديد على نضيف... لان في اي لحظه انت ممكن تقعي تاني وهنا المشكله انك ما اخدت باسباب البعد الكفاية.... دلوقتي بتقولي انك محتاجه تفهمي بصي انت مع ذكرياتك وشوقك بس هو اللي مخليك تفكري بكدا فنفس الاماره بالسوء عايزه ترجعك خطوة لورا طيب نت عايزه تفهمي هقولك يستي واحد اعجب بيكي ما كان بيتقى ربنا خرجك معاه عشان ما شاف منك حدود اخترق وتجاوز الحدود وده بيأكد انه راجل ودي فطرة فيه وهيخترقها طالما الحدود ما كانت موجوده.... وده يأكد ليك كمان ان ما كان في احترام ليك ولا كان في دين منه فلوش لازمه ترجعي تفكري
تم النشر الجمعة، ٢١ مارس ٢٠٢٥
لعرض السؤال في فدني اضغط هنا