اخويا لسة صغير عنده ٥ سنين بس اتشحن من اللي حواليه في أسلوبه يعني بيزعق طول الوقت و يصرخ على أقل حاجة و كل طلباته المفروض تبقى جاهزة مهما كان اي الظروف و ٢٤ ساعة على الأجهزة الإلكترونية و مش بيسمع الكلام خالص و بحاول اغير منه أو أعلمه الصح .. والدتي تقولي ملكيش دعوة انا بعرف اربي انتي مفكرة نفسك أمه الخ... من الاخر يعني مش بتحب أن أتدخل رغم أنه أحيانا بييجي على دماغي انا .. زي مثلا أن أقوله مش فاضية دلوقتي يفضل يزن لحد ما يوصل للي هو عاوزه .. و اتعود أن كل يوم لازم اللي يطلع من البيت يجيبله حاجة حلوة و لو ملاقاش يعيط أو يصرخ الخ... تصرفاته كلها غلط بلا استثناء يمكن بس حنين و طيب بس بجد أسلوبه غلط خالص مش عارفة اعمل اي معاه
حاولي تكلميه براحة و تفهميه غلطه و متطاوعهوش فزنه و عارفة انه مش هيستجيب بس متزهقيش من المحاولة و ساعات الاطفال فالسن ده بيبقو فعلا صعبين بس لو مطاوعتهوش و فضلتي تفهميه غلطه ان شاء الله ميفضلش كده،، و ممكن تمشي معاه بأسلوب الترغيب كده ال هو لو فضلت هادي لبالليل ليك عندي هدية او لو عملت كذا ،، و ممكن تستغلي حبه للموبايل انه يشوف فيديوهات مفيدة ممكن تدوري ع قصص الانبياء كرتون مثلا تشده و تفيده
تم النشر الثلاثاء، ٩ أبريل ٢٠٢٤
بصي انا فهماكي وعلى فكره يعني اغلب الاطفال كده بس الحل بقى ايه انك يعني مثلا لو هو قاعد يعيط ويزن على حاجه اعملي نفسك مش واخده بالك وما يصعبش عليك ابدا لو هو لقاك مع الوقت بقيتي تتجاهل عياط وبعد كده مش هيعمل كده وهيحترمك وهيعرف انك ايه لك حدود لكن لو هو لاقيت لي كل مثلا ما هو بيجي يعيط ويزن ويلاقيكي بتعملي له الحاجه دي هو كده هيعرف ان خلاص الحل ان هو يعيط ويزن فهيستخدم العياط والزن ده وسيله عشان ايه تنفذي له طلباته لا انت حطي له حدود لو انت شايفه انه خلاص ما ينفعش الحاجات دي يعملها دلوقتي قولي له لا خلاص لا اقعدي قولي له لا ما تشتمهوش ولا تزعقي له بس قولي له لا مليون مره مهما اعيط ومهما زن برضو قولي له لا هو كده هيعرف انك ليكي حدود. ومش هيبقى طماع برضو يبقى عايز ياخد كل حاجه.
تم النشر الجمعة، ١٢ أبريل ٢٠٢٤
طب انا هقول لك يعني اولا؟ انت في الاساس مش مسؤوله مامتك هي المسئوله عن الموضوع ده للاسف كمان بتمثل بالنسبه لك جزء من العائق انك تعرفي تصلحي المشكله دي فلازم يعني ايه يكون عندك طول البال. عشان الموضوع ده هاخد وقت ده عشان كمان في ماما هتبقى في ضدك في الموضوع. اولا ما تديش تنبيهات اخوك مباشره بانه لا كده غلط وانت المفروض الصح تعمل كده لا انت غلط اللي انا اتعودت عليه ده التنبيهات المباشره انسيها خالص وخصوصا لما تكوني قدامه ولدتك. دي نمره واحد نمره اتنين ابداي اعملي معه علاقه صداقه. عن طريقي عن طريق الحاجات اللي هي غلط اللي هو متعود عليها دلوقتي اه الحاجات الحلوه اللي هو بيحبها ايه ده انت بتحب النوع ده ده كمان بحبه انا لما اجيب هجيب ليك تمام اللعبه اللي هو بيلعبها وريني كده انت بتلعب ايه طيب ما تعلمني بتتلعب ازاي خلي في حوار يبدا وفي علاقه تنشا ما بينك وما بينه تمام في وسط بقى احنا بدانا خلاص بقى في علاقه ما بيننا بقى في كلام هو بيحب يتكلم معاكي او بيعرف يشاركك في حاجه هيبدا يسمعك. ساعتها بقى نبدا ندخله افكار تانيه علشان تبدا الافكار الغلط او الطريقه الغلط اللي هو واخدها هو انسحب منها بنفسه وحتى لو حد تاني بدا يوجهه ليها لا مش هيستجيب اوكي مش هيحبها يعني. هتبداي بقى تتكلمي معي بانك توري له مميزات او توري له ان الطريقه التانيه هتجيب برده حاجات حلوه من اللي هو بيحبها فمثلا ايه ده عارف الحاجه الحلوه اللي احنا الاتنين بنحب ناكلها مع بعض.
تم النشر الخميس، ١١ أبريل ٢٠٢٤
بصي زي ما الناس دي زرعت فدماغو الحجات دي بالتدريج انت كمان خديه بهدوء وعلميه يكون هادي بالتدريج وخلي بالك طويل
تم النشر الخميس، ١١ أبريل ٢٠٢٤
الفكره أن ولدتك نفسها راضية بي اسلوب اخوكي وده في حد ذاته اسلوب غلط من ولدتك من الأساس أن ولدتك مغيرتش أسلوبها معا ابنها فاصعب تغيري منه خصوصا في السن ده فا انتي الافضل تكلمي ولدتك تغير أسلوبها معاه
تم النشر الأربعاء، ١٠ أبريل ٢٠٢٤
لو خلتي يحبك أكتر هيسمع كلامك ده طفل قربي منه أكتر
تم النشر الجمعة، ١٢ أبريل ٢٠٢٤
لعرض السؤال في فدني اضغط هنا