مش عارف اكون وسط في اي حاجه
يا اما بدوس جامد يا اما ببعد نهائي ..
يعني مثلا لو قولت هظبط أكلي بكون حريص جدا اني محطش نص معلقة سكر في الشاي حتي و يادوب نص رغيف في اليوم و حاجه اخر التزام ، لو وقفت دايت بقا عينك ما تشوف النور .. بفتح علي الاخر وبعك الدنيا
نفس الكلام في السوشيال ميديا يا اما اقفل خالص و ميكونش عندي ولا ابلكيشن يا اما اضيع في اليوم مش اقل من 8 ساعات علي السوشيال ..
حتي في المذاكرة لو قررت اذاكر ممكن اقعد اذاكر في اليوم 8 و 10 ساعات و ايام تانية مفتحش كتاب !
حتي لما بيكون معايا فلوس يا اما بصرف بغباء جدا علي اي حاجه ... يا اما بمسك ايدي و احوش كل حاجه !
هو انا ليه مش عارف اوسطن الأمور كدا ... ليه بحس الدنيا بابوظ مني ؟
تقدر تعمل منبه لما تيجي تذاكر ولما تعمل اي حاجة
تم النشر الأربعاء، ١٧ مايو ٢٠٢٣
التدريييج هو من غير ما تحسي وبسبب السوشيال ميديا ..بقينا نشوف after and before ف نسينا الخطوات التدريجية اللى فى النص. وده اللى بيخليكى تروحى لاقصى الشمال او اقصى الجنوب كده. اى حاجة هتعمليها درجيها لحد ما توصلى للوضع المناسب والافضل اللى هو الوسط بالنسبالك وده اللى تقدرى تستمرى عليه. لان حتى الوسط مش عند كل الناس زى بعض. هتعملى رجيم ...قللى الاول معلقة سكر وبعد فتره نص وهكذا ...لو شيلتى السكر خالص وحسيتى انك مش قادرة تستمرى مثلا على زيرو سكر ...هتلاقى نفسك بترجعى للنص معلقه ببساطة ومش هترجعى فجأة للمعلقتين. قيسى على ده كل حاجة بقي.
تم النشر الأربعاء، ١٧ مايو ٢٠٢٣
ممكن تكوني في الاساس بدققي على اقل التفاصيل اللي هي ممكن متكونش ليها لازمة اوي بالنسبة للتفاصيل الكبيرة .. يعني مثلا هقولك على حاجه لو حد بيعمل دايت مثلا ولنفترض الكيتو او اللوكارب ... بيبقى بيسأل اسئلة المفروض انها على حاجات بسيطة جدا .. وبيبقى مركز اوي في ان مثلا اكل جزر عادي ولا مش عادي؟ طيب اخد كام واحدة؟ طيب الخضار عادي ولا يطلع من الكيتو؟ يعني بيكون سايب كل اللي له اضرار وبيتخن زي المعجنات، والمكرونات وهكذا وماسك في الحاجه اللي مش هتعمله حاجه اصلا! الحل انك تركزي على التفاصيل الكبيرة .. مش الصغيرة .. تركزي على اكبر الاضرار مش اصغرها .. يعني مثلا لو قولتي مش هتستخدمي سوشيال ميديا خالص؟ طيب ايه البديل ؟ يعني حاليا انتي بتعملي شئ واتعودتي عليه المفروض تصنعي البديل منه ..؟ ف هتعملي ايه ؟ لازم قبل ما تقطعي حاجه يبقى ليكي هدف وبديل ..
تم النشر الثلاثاء، ١٦ مايو ٢٠٢٣
انا كدا ولحد دلوقتى مش لاقيه حل
تم النشر الخميس، ١٨ مايو ٢٠٢٣
ما انا نفسي اتعود علي حاجه فعلا .. بس بحس إني يا اما اكبح نفسي و اغلب الهوي سواء بقا في الاكل و الشهوة و الكسل .. الخ ، أو بسلم لهوايا و افتح في كل حاجه بطريقة غبية
تم النشر الاثنين، ١٥ مايو ٢٠٢٣
حاول لما تيجي تعمل حاجه تعملها عشان تتعود عليها وعاده عمرها ما تيجي مرا وحده اعمل كل حاجه بتدريج اوعى تشيل سكر من اكلك مرا وحده حاول لووبتحط معلقتين سكر حط وحده او وحده ونص واصبر اتعود واول م تتعود قللها لواحده و بعدين نص وهكذا
تم النشر الاثنين، ١٥ مايو ٢٠٢٣
لعرض السؤال في فدني اضغط هنا