في الواقع أنا كنت طول عمري متفوق في المرحلة ما قبل الجامعية، متفوق يعني بالنسبة لزمايلي المذاكرة هي انا والترتيب على الدفعة هو انا
لحد ما خلصت الثانوي وجبت 99% الحمد لله
لكني كنت داخل الكلية بروح ان خلاص مضى عهد المذاكرة، انا هنا عشان اعمل كل حاجة واخر حاجة فيهم خالص هي المذاكرة
في الحقيقة ادائي في الجامعة يقرف حرفيا
دور تاني طول الوقت وكذا مرة ببقى على حافة إني أعيد السنة
ودا طول خمس سنين الكلية، ودفعتي اتخرجت من حوالي خمس شهور وانا طول الفترة دي بمتحن مواد الدور التاني والمواد اللي كنت مأجلها
نجحت في كل المواد وباقيلي بس مادة واحدة بس امتحانها في خلال اربع ايام، ومرة تانية انا على حافة اني اعيد السنة لو منجحتش في المادة دي
فيه حاجز طول الوقت بيني وبين المذاكرة للجامعة مع اني بذاكر لحجات تانية كتير ومعنديش جزئية الكسل اوي، انا حرفيا طول الوقت بذاكر حجات تانية حتى في نفس المجال، بس لما يتعلق الأمر بالجامعة مبعرفش
وبقيت بحلم طول الوقت ان انا في امتحان للجامعة ومش مذاكر وهشيل المادة
السلام عليكم ورحمه الله وبركاته. شوفي هي بتبقى فكره وخلاص بقى يعني الفكره دي هي بتبقى البنزين اللي بيفضل ممشي للعربيه فانت الفكره بتاعتك هي اللي انت قلت عليها انه خلاص انا كده انا داخل الكليه وانا عامله اي حاجه ثانيه والمذاكره دي في الاخر خالص ولذلك الفكره كانت مستمره معاك وهي عامله الدافع وراء كل الكسل وراء كل تاجيل مذاكره الكليه او اعتبارها شيء مهم حتى لما شلت مواهب طالما الفكره موجوده لسه نفس البنزين موجود خلاص يبقى انا هفضل ماشي بنفس الدافعيه بالضبط مفيش حاجه هتتغير فتغيير الفكره هنا مهم جدا جدا دلوقتي انا محتاج ان انا احط فعلا مذاكره الكليه اولويه ليه لانه انا عندي هدف حاليا هدفي ايه هدفي انه انا مش عاوز اعيد ثاني جوا الكليه لو الهدف ده محطوط فعلا كاولويه كبيره جدا المفروض يلغي لي. الفكره بتاعتي القديمه اللي هي انه مذاكره الكليه دي مش مهمه. وانا خلاص بقى يعني انا عماله اضغط نفسي في الحياه وفي الثانوي وخلاص طالما وصلت الكليه ودخلت الكليه كويسه بمجموعه 99% فانا تمام كده خلاص. هي دي الفكره اللي ع التركيز على الفكره دي هو اللي هيبدا يغير معك الامور بشكل كبير لما تلاقي نفسك رايح تذاكر حاجه ثانيه حتى لو كورس خارجي او غيره وابدا تماما واقول لا انا اولوياتي دلوقتي هي الماده اللي عندي في الكليه انا مش هعمل حاجه ثانيه غيرها وبس انا هذاكر الماده بتاعت الكليه فقط لا غير ليه لانه دي اولوياتي دلوقتي لو اولوياتي ما تحققتش فانا مش هعرف احقق اي حاجه ثانيه ومش هيبقى عندي دافعيه ثانيه اعمل بها كل الحاجات اللي انا عاوزه اكملها اشتغل على افكارك اللي هي دي اللي بتحركنا وان شاء الله تلاقينا نتايج مختلفه.ماله بتحركك من وقتها فنبدا كده نهدى ونحط لنفسنا هدف انا هدفي ايه دلوقتي انا هدفي ان انا اخلص مذاكره الكليه ليه لان انا محتاج ابدا اتحرك خطوه لقدام فده هو اللي هيوديني للخطوه اللي قدامك.
تم النشر الجمعة، ١٤ فبراير ٢٠٢٥
تبعد عن كل المشتتات وتذاكر ولو مش عايز عشان تنجح وتخلص منها. ممكن يكون فشلك مرة فيها وانك طلعت دور تاني أثر على نفسيتك وبقيت متوقع الفشل والدور التاني كل مرة، وكل متوقع آت . . بمعنى تقول لنفسك هذاكر ليه كدا كدا هشيلها، او أنك تذاكر بلا إتقان . . غير اعتقادك وتاكد ان لكل مجتهد ننصيب وهتذاكر وتنجح فكر في المستقبل وخطط له ممكن دا يبقى حافز لأن ممكن يكون خوفك من بكرة له سبب برضه . .
تم النشر الجمعة، ١٤ فبراير ٢٠٢٥
أخي العزيز، أولاً أود أن أهنئك على تفوقك في المرحلة ما قبل الجامعية، فهذا إنجاز عظيم يعكس الاجتهاد والتفاني. ولكن يبدو أنك تواجه تحديًا صعبًا في التكيف مع نظام التعليم الجامعي، أعلم أن شعورك بالإحباط قد يكون عائقًا كبيرًا في هذه المرحلة، وتجربتك في الاستعداد للاختبارات قد تكون مثيرة للقلق. دعني أقدم لك بعض النقاط للمساعدة في التغلب على هذا الحاجز: تعرف على السبب الجذري : حاول أن تفهم ما الذي يعرقل قدرتك على التركيز عند الدراسة للجامعة. هل هو الضغط النفسي؟ أم ربما تخوفك من الفشل؟ الوضوح في هذا الجانب سيساعدك في اتخاذ خطوات فعّالة. وضع خطة دراسية : بدلاً من الدراسة بشكل عشوائي، حاول أن تنظم وقتك من خلال وضع جدول زمني محدد للدراسة لمادة الامتحان القادمة. قسم المادة إلى أجزاء صغيرة وخصص وقتًا يوميًا لمراجعة كل جزء. خلق بيئة دراسية مناسبة : تأكد من أن مكان دراستك هادئ ومناسب لك، خالي من المشتتات. قد يساعدك اتخاذ فترات راحة قصيرة بين فترات الدراسة للحفاظ على نشاطك وتركيزك. المراجعة مع زملاء : إذا كان لديك زملاء في الكلية، حاول المراجعة معهم. النقاشات والتفاعلات قد تساعدك على استيعاب المعلومات بشكل أفضل. تحدث مع مختص نفسي أو مرشد : لا تتردد في استشارة مرشد أكاديمي أو مختص نفسي إذا كنت تشعر بأن الحاجز أكبر من قدرتك على تجاوزه بمفردك. يمكنهم مساعدتك في تطوير استراتيجيات وآليات للتغلب على القلق. وأخيرًا، لا تفقد الأمل. تذكر أن النجاح لا يأتي دائمًا بطريقة مستقيمة، وفي بعض الأحيان نحتاج إلى جهد إضافي لتجاوز التحديات. اجعل من هذه التجربة درسًا يساعدك على النمو والتطوير في المستقبل. بالتوفيق في امتحانك القادم، وأنت قادر على النجاح بإذن الله.
تم النشر الخميس، ١٣ فبراير ٢٠٢٥
علشان تخلص اخر ماده بس ركز عليها بس انت مش عليك اي حاجه ال 3ايام الجايين غيرها ،ودي اخر حاجه ف خلص نفسك وبعد كدا لما يبقي عندك مزاكره لحاجه خلي الاولويه للأكاديمي غير عن اي كورسات او اي حاجه بجانب كليتك،وأعتقد ان دا بسبب تعدد الشغف ف حاول تثبت مواعيد لكل حاجه وأولهم نومك وصحيانك والمزاكره قسمها نوعين ولكل نوع منهم ساعة معينه وربنا معاك.
تم النشر الجمعة، ١٤ فبراير ٢٠٢٥
انا فاهم وضعك بس الحل موجود .. وسهل عليك بما انك كنت ممتاز وحتى دلوقتي معندكش كسل فأكيد انك متعود .. الحل هو جيب ورقة وقلم وحط موعد نهائي عشان تخلص جزء معين .. زي مثلا الأسبوع ده هخلص فصلين في مادة معينة . ده زي الإجبار
تم النشر الجمعة، ١٤ فبراير ٢٠٢٥
اي ده هو انا مش هريح ف الجامعه 🥲
تم النشر الجمعة، ١٤ فبراير ٢٠٢٥
لازم تجبر نفسك بالعافية تقعد تذاكر وتبعد عنك أى مشتتات حط في دماغك انك عاوز تخلص من الكلية وان لو معملتش كدا مش هتنجح احيانا لما بنخاف شوية بناخد الموضوع بشكل اكتر جدية ،يعني خوف نفسك من السقوط بس طبعا بالشكل الطبيعي الي يخليك تركز في المذاكرة بس في نفس الوقت حريص على فكرة انك تعدي وتنجح وبرضوا ابقى اقرأ قرآن قبل أما تبدأ وربنا يوفقك يا رب
تم النشر الجمعة، ١٤ فبراير ٢٠٢٥
بص يا صاحبي، أنا من سنك على فكرة و مهندس برضو و أنا متأكد انك اكيد معندكش حتة الكسل لانك متفوق في دراستك و تقديراتك كبيرة بس و اهو دخلت هندسة بس انت كنت داخل بمنطق مضى عقد المذاكرة مع أن ده بداية المذاكرة اللي بجد اصلا مفيش جوه جيتار و جو الأفلام ده انت عارف بس ممكن ده سببه يا انت دخلت هندسة علشان المجموع بس لكن انت حابب حاجة تانية او ممكن دخلت قسم غير اللي انت حابه بس أيا يكن انت قربت تتخرج لازم ترتب أولوياتك صح ركز انك تتخرج بس على خير ولما تطلع اعمل اللي انت عايزه و خد الكورسات او الحاجات التانية اللي بتبذل فيها طاقتك دلوقتي احنا مش هنسيب الكون بكرة يعني معانا وقت كتير بس صلى ركعتين كدا و ركز في امتحاناتك و ان شاء الله هتعدي على خير
تم النشر الخميس، ١٣ فبراير ٢٠٢٥
لعرض السؤال في فدني اضغط هنا