خليني أسألك... انتِ بعد كل ده لسه مخطوبة للشخص ده؟ إذا كنتِ ما زلتِ مخطوبة له فالنصيحة الوحيدة اللي ممكن أقولها لك... افسخي الخطبة ما دامك لسه على البر وانجي بنفسك. إذا الحمد لله كنتِ فسختِ الخطبة فالنصيحة هي انسيه تمامًا وارميه وراء ظهرك... اعتبريه كان درس وتعلمتِ منه لحياتك وأي تجربة قادمة إن شاء الله. لا تفكري في انتقام أو إنك توجعيه أو أي شيء. اتعلمي الدرس واقلبي الصفحة ولا حتى قطعيها تمامًا. والدرس اللي تخرجي به منه من كل اللي حصل معك... إنك تعرفي قيمة نفسك وتعززيها وإنك تعرفي إن فترة الخطوبة مش للحب ولا كل اللي كنتِ بتعمليه. فترة الخطوبة عشان نختبر بعض، أفكارنا وقبولنا لبعض وهل هنقدر نتعايش ونبني أسرة سليمة سوا و لا لأ؟ عشان ندرس بعض ونعرف العيوب اللي في كل واحد مننا عيوب نقدر نتعامل معها ونتحملها ولا عيوب خطيرة وخطوط حمراء تستحيل معها العشرة. انسي موضوع توجعيه ده وركزي على حياتك ده أهم شيء. كان فيه ناس بتقول إن نجاحك هو أفضل انتقام من الأشخاص اللي آذوكِ لكن حتى ده مش عاوزاكِ تعمليه. ركزي في حياتك عشان نفسك وانجحي واتغيري وكوني أفضل عشان نفسك مش عشان تخلي حد يندم أو تثبتي لحد شيء ما لأنك كده بتأكدي إن الشخص ده ترك أثر كبير جواكِ وإنك لسه مهتمة به. ونقطة أخيرة، صحيح هتفضلي موجوعة شوية لكن ده طبيعي... لا تقسي على نفسك... خلي الوقت يعالج الجروح والزمن هينسيكِ لا تقلقي. الأهم إنك تتعلمي الدرس ومتنسيهوش. تحياتي.
تم النشر السبت، ١٤ سبتمبر ٢٠٢٤
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك